Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

vānaprastha saṃnyāsāśramadharma nirūpaṇam |
śrībhagavānuvāca |
vanaṃ vivikṣuḥ putreṣu bhāryāṃ nyasya sahaiva vā |
vana eva vaset śāntaḥ tṛtīyaṃ bhāgamāyuṣaḥ || 1 ||
[Analyze grammar]

kandamūlaphalaiḥ vanyaiḥ medhyaiḥ vṛttiṃ prakalpayet |
vasīta valkalaṃ vāsaḥ tṛṇaparṇājināni ca || 2 ||
[Analyze grammar]

keśaromanakhaśmaśrumalāni bibhṛyād dataḥ |
na dhāvedapsu majjeta trikālaṃ sthaṇḍileśayaḥ || 3 ||
[Analyze grammar]

grīṣme tapyeta pañcāgnīn varṣāsvāsāraṣāḍ jale |
ākaṇṭhamagnaḥ śiśire evaṃvṛttastapaścaret || 4 ||
[Analyze grammar]

agnipakvaṃ samaśnīyāt kālapakvamathāpi vā |
ulūkhalāśmakuṭṭo vā dantolūkhala eva vā || 5 ||
[Analyze grammar]

svayaṃ sañcinuyāt sarvam ātmano vṛttikāraṇam |
deśakālabalābhijño nādadītānyadā'hṛtam || 6 ||
[Analyze grammar]

vanyaiścarupuroḍāśaiḥ nirvapet kālacoditān |
na tu śrautena paśunā māṃ yajeta vanāśramī || 7 ||
[Analyze grammar]

agnihotraṃ ca darśaśca paurṇamāsaśca pūrvavat |
cāturmāsyāni ca muneḥ āmnātāni ca naigamaiḥ || 8 ||
[Analyze grammar]

evaṃ cīrṇena tapasā muniḥ rdhamanisaṃtataḥ |
māṃ tapomayamārādhya ṛṣilokādupaiti mām || 9 ||
[Analyze grammar]

yastvetatkṛcchrataścīrṇaṃ tapo niḥśreyasaṃ mahat |
kāmāyālpīyase yuñjyād bāliśaḥ ko'parastataḥ || 10 ||
[Analyze grammar]

yadāsau niyame'kalpo jarayā jātavepathuḥ |
ātmanyagnīn samāropya maccitto'gniṃ samāviśet || 11 ||
[Analyze grammar]

yadā karmavipākeṣu lokeṣu nirayātmasu |
virāgo jāyate samyaṅ nyastāgniḥ pravrajettataḥ || 12 ||
[Analyze grammar]

iṣṭvā yathopadeśaṃ māṃ dattvā sarvasvamṛtvije |
agnīn svaprāṇa āveśya nirapekṣaḥ parivrajet || 13 ||
[Analyze grammar]

viprasya vai saṃnyasato devā dārādirūpiṇaḥ |
vighnān kurvantyayaṃ hyasmān ākramya samiyāt param || 14 ||
[Analyze grammar]

bibhṛyāccen munirvāsaḥ kaupīnācchādanaṃ param |
tyaktaṃ na daṇḍapātrābhyām anyat kiñcid anāpadi || 15 ||
[Analyze grammar]

dṛṣṭipūtaṃ nyaset pādaṃ vastrapūtaṃ pibet jalam |
satyapūtāṃ vaded vācaṃ manaḥpūtaṃ samācaret || 16 ||
[Analyze grammar]

maunānīhānilāyāmāḥ daṇḍā vākdehacetasām |
na hyete yasya santyaṅga veṇubhirna bhaved yatiḥ || 17 ||
[Analyze grammar]

bhikṣāṃ caturṣu varṇeṣu vigarhyān varjayan caret |
saptāgārān asaṅklṛptān tuṣyet labdhena tāvatā || 18 ||
[Analyze grammar]

bahirjalāśayaṃ gatvā tatropaspṛśya vāgyataḥ |
vibhajya pāvitaṃ śeṣaṃ bhuñjītāśeṣamāhṛtam || 19 ||
[Analyze grammar]

ekaścaret mahīmetāṃ niḥsaṅgaḥ saṃyatendriyaḥ |
ātmakrīḍa ātmarata ātmavān samadarśanaḥ || 20 ||
[Analyze grammar]

viviktakṣemaśaraṇo mad‍bhāvavimalāśayaḥ |
ātmānaṃ cintayedekamabhedena mayā muniḥ || 21 ||
[Analyze grammar]

anvīkṣetātmano bandhaṃ mokṣaṃ ca jñānaniṣṭhayā |
bandha indriyavikṣepo mokṣa eṣāṃ ca saṃyamaḥ || 22 ||
[Analyze grammar]

tasmānniyamya ṣaḍvargaṃ mad‍bhāvena caren muniḥ |
viraktaḥ kṣudrakāmebhyo labdhvā ātmani sukhaṃ mahat || 23 ||
[Analyze grammar]

puragrāmavrajān sārthān bhikṣārthaṃ praviśaṃścaret |
puṇyadeśa saricchaiśaila vanāśramavatīṃ mahīm || 24 ||
[Analyze grammar]

vānaprasthāśramapadeṣu abhīkṣṇaṃ bhaikṣyamācaret |
saṃsidhyatyāśvasaṃmohaḥ śuddhasattvaḥ śilāndhasā || 25 ||
[Analyze grammar]

naitad vastutayā paśyed dṛśyamānaṃ vinaśyati |
asaktacitto viramed ihāmutra cikīrṣitāt || 26 ||
[Analyze grammar]

yadetadātmani jagan manovākprāṇasaṃhatam |
sarvaṃ māyeti tarkeṇa svasthaḥ tyaktvā na tatsmaret || 27 ||
[Analyze grammar]

jñānaniṣṭho virakto vā mad‍bhakto vā'napekṣakaḥ |
saliṅgān āśramān tyaktvā cared avidhigocaraḥ || 28 ||
[Analyze grammar]

budho bālakavat krīḍet kuśalo jaḍavaccaret |
vaded unmattavad vidvān gocaryāṃ naigamaścaret || 29 ||
[Analyze grammar]

vedavādarato na syāt na pākhaṇḍī na haitukaḥ |
śuṣkavādavivāde na kañcit pakṣaṃ samāśrayet || 30 ||
[Analyze grammar]

nodvijeta janād dhīro janaṃ codvejayet na tu |
ativādān titikṣeta nāvamanyeta kañcana |
dehamuddiśya paśuvat vairaṃ kuryān na kenacit || 31 ||
[Analyze grammar]

eka eva paro hyātmā bhūteṣvātmanyavasthitaḥ |
yathedamudapātreṣu bhūtānyekātmakāni ca || 32 ||
[Analyze grammar]

alabdhvā na viṣīdeta kālekāle'śanaṃ kvacit |
labdhvā na hṛṣyeddhṛtimānubhayaṃ daivataṃ tritam || 33 ||
[Analyze grammar]

āhārārthaṃ samīheta yuktaṃ tat prāṇadhāraṇam |
tattvaṃ vimṛśyate tena tad vijñāya vimucyate || 34 ||
[Analyze grammar]

yadṛcchayopapannānnamadyāt śreṣṭhamutāparam |
tathā vāsaḥ tathā śayyāṃ prāptaṃ prāptaṃ bhajen muniḥ || 35 ||
[Analyze grammar]

śaucamācamanaṃ snānaṃ na tu codanayā caret |
anyāṃśca niyamān jñānī yathāhaṃ līlayeśvaraḥ || 36 ||
[Analyze grammar]

na hi tasya vikalpākhyā yā ca mad vīkṣayā hatā |
ā dehāntāt kvacit khyātiḥ tataḥ saṃpadyate mayā || 37 ||
[Analyze grammar]

duḥkhodarkeṣu kāmeṣu jātanirveda ātmavān |
ajijñāsita maddharmo guruṃ munimupāvrajet || 38 ||
[Analyze grammar]

tāvat paricared bhaktaḥ śraddhāvān anasūyakaḥ |
yāvad brahma vijānīyān māmeva gurumādṛtaḥ || 39 ||
[Analyze grammar]

yastvasaṃyata ṣaḍvargaḥ pracaṇḍendriya sārathiḥ |
jñānavairāgyarahitaḥ tridaṇḍamupajīvati || 40 ||
[Analyze grammar]

surān ātmānamātmasthaṃ nihnute māṃ ca dharmahā |
avipakvakaṣāyo'smād amuṣmācca vihīyate || 41 ||
[Analyze grammar]

bhikṣoḥ dharmaḥ śamo'hiṃsā tapa īkṣā vanaukasaḥ |
gṛhiṇo bhūtarakṣejyā dvijasyācāryasevanam || 42 ||
[Analyze grammar]

brahmacaryaṃ tapaḥ śaucaṃ saṃtoṣo bhūtasauhṛdam |
gṛhasthasyāpi ṛtau gantuḥ sarveṣāṃ madupāsanam || 43 ||
[Analyze grammar]

iti māṃ yaḥ svadharmeṇa bhajan nityamananyabhāk |
sarvabhūteṣu mad‍bhāvo mad‍bhaktiṃ vindate dṛḍhām || 44 ||
[Analyze grammar]

bhaktyoddhavānapāyinyā sarvalokamaheśvaram |
sarvotpattyapyayaṃ brahma kāraṇaṃ mopayāti saḥ || 45 ||
[Analyze grammar]

iti svadharmanirṇiktasattvo nirjñātamadgatiḥ |
jñānavijñāna sampanno na cirāt samupaiti mām || 46 ||
[Analyze grammar]

varṇāśramavatāṃ dharma eṣa ācāra lakṣaṇaḥ |
sa eva mad‍bhaktiyuto niḥśreyasakaraḥ paraḥ || 47 ||
[Analyze grammar]

etatte'bhihitaṃ sādho bhavān pṛcchati yacca mām |
yathā svadharmasaṃyukto bhakto māṃ samiyāt param || 48 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ ekādaśaskandhe aṣṭādaśo'dhyāyaḥ || 18 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 18

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: