Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

māyāyāstataḥ santaraṇopāyasya ca varṇanaṃ brahmakarmādi nirūpaṇaṃ ca |
śrīrājovāca |
parasya viṣṇorīśasya māyināṃ api mohinīm |
māyāṃ veditumicchāmo bhagavanto bruvantu naḥ || 1 ||
[Analyze grammar]

nānutṛpye juṣan yuṣmadvaco harikathāmṛtam |
saṃsāratāpanistapto martyaḥ tattāpabheṣajam || 2 ||
[Analyze grammar]

śrī antarikṣa uvāca |
ebhirbhūtāni bhūtātmā mahābhūtairmahābhuja |
sasarjoccāvacānyādyaḥ svamātrātmaprasiddhaye || 3 ||
[Analyze grammar]

evaṃ sṛṣṭāni bhūtāni praviṣṭaḥ pañcadhātubhiḥ |
ekadhā daśadhā'tmānaṃ vibhajan juṣate guṇān || 4 ||
[Analyze grammar]

guṇairguṇān sa bhuñjāna ātmapradyotitaiḥ prabhuḥ |
manyamāna idaṃ sṛṣṭaṃ ātmānamiha sajjate || 5 ||
[Analyze grammar]

karmāṇi karmabhiḥ kurvan sanimittāni dehabhṛt |
tattat karmaphalaṃ gṛhṇan bhramatīha sukhetaram || 6 ||
[Analyze grammar]

itthaṃ karmagatīrgacchan bahvabhadravahāḥ pumān |
ābhūtasaṃplavātsargapralayāvaśnute'vaśaḥ || 7 ||
[Analyze grammar]

dhātūpaplava āsanne vyaktaṃ dravyaguṇātmakam |
anādinidhanaḥ kālo hyavyaktāyāpakarṣati || 8 ||
[Analyze grammar]

śatavarṣā hyanāvṛṣṭiḥ bhaviṣyatyulbaṇā bhuvi |
tatkālopacitoṣṇārko lokān trīn pratapiṣyati || 9 ||
[Analyze grammar]

pātālatalamārabhya saṅkarṣaṇamukhānalaḥ |
dahan ūrdhvaśikho viṣvag vardhate vāyuneritaḥ || 10 ||
[Analyze grammar]

sāṃvartako meghagaṇo varṣati sma śataṃ samāḥ |
dhārābhirhastihastābhiḥ līyate salile virāṭ || 11 ||
[Analyze grammar]

tato virājamutsṛjya vairājaḥ puruṣo nṛpa |
avyaktaṃ viśate sūkṣmaṃ nirindhana ivānalaḥ || 12 ||
[Analyze grammar]

vāyunā hṛtagandhā bhūḥ salilatvāya kalpate |
salilaṃ taddhṛtarasaṃ jyotiṣṭvāyopakalpate || 13 ||
[Analyze grammar]

hṛtarūpaṃ tu tamasā vāyau jyotiḥ pralīyate |
hṛtasparśo'vakāśena vāyurnabhasi līyate || 14 ||
[Analyze grammar]

kālātmanā hṛtaguṇaṃ nabha ātmani līyate |
indriyāṇi mano buddhiḥ saha vaikārikairnṛpa |
praviśanti hyahaṅkāraṃ svaguṇaiḥ ahamātmani || 15 ||
[Analyze grammar]

eṣā māyā bhagavataḥ sargasthityantakāriṇī |
trivarṇā varṇitāsmābhiḥ kiṃ bhūyaḥ śrotumicchasi || 16 ||
[Analyze grammar]

śrīrājovāca |
yathetām aiśvarīṃ māyāṃ dustarāmakṛtātmabhiḥ |
tarantyañjaḥ sthūladhiyo maharṣa idamucyatām || 17 ||
[Analyze grammar]

śrīprabuddha uvāca |
karmāṇyārabhamāṇānāṃ duḥkhahatyai sukhāya ca |
paśyet |
pākaviparyāsaṃ mithunīcāriṇāṃ nṛṇām || 18 ||
[Analyze grammar]

nityārtidena vittena durlabhenātmamṛtyunā |
gṛhāpatyāptapaśubhiḥ kā prītiḥ sādhitaiścalaiḥ || 19 ||
[Analyze grammar]

evaṃ lokaṃ paraṃ vidyāt naśvaraṃ karmanirmitam |
satulyātiśayadhvaṃsaṃ yathā maṇḍalavartinām || 20 ||
[Analyze grammar]

tasmād guruṃ prapadyeta jijñāsuḥ śreya uttamam |
śābde pare ca niṣṇātaṃ brahmaṇyupaśamāśrayam || 21 ||
[Analyze grammar]

tatra bhāgavatān dharmān śikṣed gurvātmadaivataḥ |
amāyayānuvṛttyā yaiḥ tuṣyedātmā'tmado hariḥ || 22 ||
[Analyze grammar]

sarvato manaso'saṅgamādau saṅgaṃ ca sādhuṣu |
dayāṃ maitrīṃ praśrayaṃ ca bhūteṣvaddhā yathocitam || 23 ||
[Analyze grammar]

śaucaṃ tapastitikṣāṃ ca maunaṃ svādhyāyamārjavam |
brahmacaryamahiṃsāṃ ca samatvaṃ dvandvasaṃjñayoḥ || 24 ||
[Analyze grammar]

sarvatrātmeśvarānvīkṣāṃ kaivalyamaniketatām |
viviktacīravasanaṃ santoṣaṃ yena kenacit || 25 ||
[Analyze grammar]

śraddhāṃ bhāgavate śāstre'nindāmanyatra cāpi hi |
manovākkarmadaṇḍaṃ ca satyaṃ śamadamāvapi || 26 ||
[Analyze grammar]

śravaṇaṃ kīrtanaṃ dhyānaṃ hareradbhutakarmaṇaḥ |
janmakarmaguṇānāṃ ca tadarthe'khilaceṣṭitam || 27 ||
[Analyze grammar]

iṣṭaṃ dattaṃ tapo japtaṃ vṛttaṃ yaccātmanaḥ priyam |
dārān sutān gṛhān prāṇān yatparasmai nivedanam || 28 ||
[Analyze grammar]

evaṃ kṛṣṇātmanātheṣu manuṣyeṣu ca sauhṛdam |
paricaryāṃ cobhayatra mahatsu nṛṣu sādhuṣu || 29 ||
[Analyze grammar]

parasparānukathanaṃ pāvanaṃ bhagavadyaśaḥ |
mitho ratirmithastuṣṭiḥ nivṛttirmitha ātmanaḥ || 30 ||
[Analyze grammar]

smarantaḥ smārantaśca mitho'ghaughaharaṃ harim |
bhaktyā sañjātayā bhaktyā bibhratyutpulakāṃ tanum || 31 ||
[Analyze grammar]

kvacid rudantyacyutacintayā kvacid |
hasanti nandanti vadantyalaukikāḥ |
nṛtyanti gāyantyanuśīlayantyajaṃ |
bhavanti tūṣṇīṃ parametya nirvṛtāḥ || 32 ||
[Analyze grammar]

iti bhāgavatān dharmān śikṣan bhaktyā tadutthayā |
nārāyaṇaparo māyāṃ añjastarati dustarām || 33 ||
[Analyze grammar]

śrīrājovāca |
nārāyaṇābhidhānasya brahmaṇaḥ paramātmanaḥ |
niṣṭhām arhatha no vaktuṃ yūyaṃ hi brahmavittamāḥ || 34 ||
[Analyze grammar]

śrīpippalāyana uvāca |
sthityudbhavapralayaheturaheturasya |
yat svapnajāgarasuṣuptiṣu sad bahiśca |
dehendriyāsuhṛdayāni caranti yena |
sañjīvitāni tadavehi paraṃ narendra || 35 ||
[Analyze grammar]

naitanmano viśati vāguta cakṣurātmā |
prāṇendriyāṇi ca yathānalamarciṣaḥ svāḥ |
śabdo'pi bodhakaniṣedhatayātmamūlam |
arthoktamāha yadṛte na niṣedhasiddhiḥ || 36 ||
[Analyze grammar]

sattvaṃ rajastama iti trivṛdekamādau |
sūtraṃ mahānahamiti pravadanti jīvam |
jñānakriyārthaphalarūpatayoruśakti |
brahmaiva bhāti sadasacca tayoḥ paraṃ yat || 37 ||
[Analyze grammar]

nātmā jajāna na mariṣyati naidhate'sau |
na kṣīyate savanavid vyabhicāriṇāṃ hi |
sarvatra śaśvadanapāyyupalabdhimātraṃ |
prāṇo yatheṃdriyabalena vikalpitaṃ sat || 38 ||
[Analyze grammar]

aṇḍeṣu peśiṣu taruṣvaviniściteṣu |
prāṇo hi jīvamupadhāvati tatra tatra |
sanne yadindriyagaṇe'hami ca prasupte |
kūṭastha āśayamṛte tadanusmṛtirnaḥ || 39 ||
[Analyze grammar]

yahyabjanābhacaraṇaiṣaṇayorubhaktyā |
cetomalāni vidhamed guṇakarmajāni |
tasmin viśuddha upalabhyata ātmatattvaṃ |
sākṣād yathāmaladṛśoḥ savitṛprakāśaḥ || 40 ||
[Analyze grammar]

śrīrājovāca |
karmayogaṃ vadata naḥ puruṣo yena saṃskṛtaḥ |
vidhūyehāśu karmāṇi naiṣkarmyaṃ vindate param || 41 ||
[Analyze grammar]

evaṃ praśnam ṛṣīn pūrvam apṛcchaṃ pitu्rantike |
nābruvan brahmaṇaḥ putrāḥ tatra kāraṇamucyatām || 42 ||
[Analyze grammar]

śrīāvihotra uvāca |
karmākarma vikarmeti vedavādo na laukikaḥ |
vedasya ceśvarātmatvāt tatra muhyanti sūrayaḥ || 43 ||
[Analyze grammar]

parokṣavādo vedo'yaṃ bālānāmanuśāsanam |
karmamokṣāya karmāṇi vidhatte hyagadaṃ yathā || 44 ||
[Analyze grammar]

nācared yastu vedoktaṃ svayaṃ ajño'jiteṃdriyaḥ |
vikarmaṇā hi adharmeṇa mṛtyormṛtyumupaiti saḥ || 45 ||
[Analyze grammar]

vedoktameva kurvāṇo niḥsaṅgo'rpitamīśvare |
naiṣkarmyaṃ labhate siddhiṃ rocanārthā phalaśrutiḥ || 46 ||
[Analyze grammar]

ya āśu hṛdayagranthiṃ nirjihīrṣuḥ parātmanaḥ |
vidhinopacared devaṃ tantroktena ca keśavam || 47 ||
[Analyze grammar]

labdhvānugraha ācāryāt tena saṃdarśitāgamaḥ |
mahāpuruṣamabhyarcenmūrtyābhimatayā'tmanaḥ || 48 ||
[Analyze grammar]

śuciḥ saṃmukhamāsīnaḥ prāṇasaṃyamanādibhiḥ |
piṇḍaṃ viśodhya saṃnyāsa kṛtarakṣo'rcayed harim || 49 ||
[Analyze grammar]

arcādau hṛdaye cāpi yathālabdhopacārakaiḥ |
dravyakṣityātmaliṅgāni niṣpādya prokṣya cāsanam || 50 ||
[Analyze grammar]

pādyādīn upakalpyātha sannidhāpya samāhitaḥ |
hṛdādibhiḥ kṛtanyāso mūlamaṃtreṇa cārcayet || 51 ||
[Analyze grammar]

sāṅgopāṅgāṃ sapārṣadāṃ tāṃ tāṃ mūrtiṃ svamantrataḥ |
pādyārghyācamanīyādyaiḥ snānavāsovibhūṣaṇaiḥ || 52 ||
[Analyze grammar]

gandhamālyākṣatasragbhiḥ dhūpadīpopahārakaiḥ |
sāṅgaṃ saṃpūjya vidhivat stavaiḥ stutvā namet harim || 53 ||
[Analyze grammar]

ātmānaṃ tanmayaṃ dhyāyan mūrtiṃ saṃpūjayet hareḥ |
śeṣāmādhāya śirasā svadhāmnyudvāsya satkṛtam || 54 ||
[Analyze grammar]

evamagnyarkatoyādau atithau hṛdaye ca yaḥ |
yajatīśvaramātmānaṃ acirānmucyate hi saḥ || 55 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ ekādaśaskandhe tṛtīyo'dhyāyaḥ || 3 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 3

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: