Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

śrīśuka uvāca |
antarhite bhagavati sahasaiva vrajāṅganāḥ |
atapyaṃstamacakṣāṇāḥ kariṇya iva yūthapam || 10. 30. || 001 ||
[Analyze grammar]

gatyānurāgasmitavibhramekṣitairmanoramālāpavihāravibhramaiḥ |
ākṣiptacittāḥ pramadā ramāpatestāstā viceṣṭā jagṛhustadātmikāḥ || 10. 30. || 002 ||
[Analyze grammar]

gatismitaprekṣaṇabhāṣaṇādiṣu priyāḥ priyasya pratirūḍhamūrtayaḥ |
asāvahaṃ tvityabalāstadātmikā nyavediṣuḥ kṛṣṇavihāravibhramāḥ || 10. 30. || 003 ||
[Analyze grammar]

gāyantya uccairamumeva saṃhatā vicikyurunmattakavadvanādvanam |
papracchurākāśavadantaraṃ bahirbhūteṣu santaṃ puruṣaṃ vanaspatīn || 10. 30. || 004 ||
[Analyze grammar]

dṛṣṭo vaḥ kaccidaśvattha plakṣa nyagrodha no manaḥ |
nandasūnurgato hṛtvā premahāsāvalokanaiḥ || 10. 30. || 005 ||
[Analyze grammar]

kaccitkurabakāśoka nāgapunnāgacampakāḥ |
rāmānujo māninīnāmito darpaharasmitaḥ || 10. 30. || 006 ||
[Analyze grammar]

kaccittulasi kalyāṇi govindacaraṇapriye |
saha tvālikulairbibhraddṛṣṭaste'tipriyo'cyutaḥ || 10. 30. || 007 ||
[Analyze grammar]

mālatyadarśi vaḥ kaccinmallike jātiyūthike |
prītiṃ vo janayan yātaḥ karasparśena mādhavaḥ || 10. 30. || 008 ||
[Analyze grammar]

cūtapriyālapanasāsanakovidāra jambvarkabilvabakulāmrakadambanīpāḥ |
ye'nye parārthabhavakā yamunopakūlāḥ śaṃsantu kṛṣṇapadavīṃ rahitātmanāṃ naḥ || 10. 30. || 009 ||
[Analyze grammar]

kiṃ te kṛtaṃ kṣiti tapo bata keśavāṅghri sparśotsavotpulakitāṅganahairvibhāsi |
apyaṅghrisambhava urukramavikramādvā āho varāhavapuṣaḥ parirambhaṇena || 10. 30. || 010 ||
[Analyze grammar]

apyeṇapatnyupagataḥ priyayeha gātrais tanvan dṛśāṃ sakhi sunirvṛtimacyuto vaḥ |
kāntāṅgasaṅgakucakuṅkumarañjitāyāḥ kundasrajaḥ kulapateriha vāti gandhaḥ || 10. 30. || 011 ||
[Analyze grammar]

bāhuṃ priyāṃsa upadhāya gṛhītapadmo rāmānujastulasikālikulairmadāndhaiḥ |
anvīyamāna iha vastaravaḥ praṇāmaṃ kiṃ vābhinandati caran praṇayāvalokaiḥ || 10. 30. || 012 ||
[Analyze grammar]

pṛcchatemā latā bāhūnapyāśliṣṭā vanaspateḥ |
nūnaṃ tatkarajaspṛṣṭā bibhratyutpulakānyaho || 10. 30. || 013 ||
[Analyze grammar]

ityunmattavaco gopyaḥ kṛṣṇānveṣaṇakātarāḥ |
līlā bhagavatastāstā hyanucakrustadātmikāḥ || 10. 30. || 014 ||
[Analyze grammar]

kasyācitpūtanāyantyāḥ kṛṣṇāyantyapibatstanam |
tokayitvā rudatyanyā padāhan śakaṭāyatīm || 10. 30. || 015 ||
[Analyze grammar]

daityāyitvā jahārānyāmeko kṛṣṇārbhabhāvanām |
riṅgayāmāsa kāpyaṅghrī karṣantī ghoṣaniḥsvanaiḥ || 10. 30. || 016 ||
[Analyze grammar]

kṛṣṇarāmāyite dve tu gopāyantyaśca kāścana |
vatsāyatīṃ hanti cānyā tatraikā tu bakāyatīm || 10. 30. || 017 ||
[Analyze grammar]

āhūya dūragā yadvatkṛṣṇastamanuvartatīm |
veṇuṃ kvaṇantīṃ krīḍantīmanyāḥ śaṃsanti sādhviti || 10. 30. || 018 ||
[Analyze grammar]

kasyāñcitsvabhujaṃ nyasya calantyāhāparā nanu |
kṛṣṇo'haṃ paśyata gatiṃ lalitāmiti tanmanāḥ || 10. 30. || 019 ||
[Analyze grammar]

mā bhaiṣṭa vātavarṣābhyāṃ tattrāṇaṃ vihitaṃ maya |
ityuktvaikena hastena yatantyunnidadhe'mbaram || 10. 30. || 020 ||
[Analyze grammar]

āruhyaikā padākramya śirasyāhāparāṃ nṛpa |
duṣṭāhe gaccha jāto'haṃ khalānāṃ nanu daṇḍakṛt || 10. 30. || 021 ||
[Analyze grammar]

tatraikovāca he gopā dāvāgniṃ paśyatolbaṇam |
cakṣūṃṣyāśvapidadhvaṃ vo vidhāsye kṣemamañjasā || 10. 30. || 022 ||
[Analyze grammar]

baddhānyayā srajā kācittanvī tatra ulūkhale |
badhnāmi bhāṇḍabhettāraṃ haiyaṅgavamuṣaṃ tviti |
bhītā sudṛkpidhāyāsyaṃ bheje bhītiviḍambanam || 10. 30. || 023 ||
[Analyze grammar]

evaṃ kṛṣṇaṃ pṛcchamānā vrṇdāvanalatāstarūn |
vyacakṣata vanoddeśe padāni paramātmanaḥ || 10. 30. || 024 ||
[Analyze grammar]

padāni vyaktametāni nandasūnormahātmanaḥ |
lakṣyante hi dhvajāmbhoja vajrāṅkuśayavādibhiḥ || 10. 30. || 025 ||
[Analyze grammar]

taistaiḥ padaistatpadavīmanvicchantyo'grato'balāḥ |
vadhvāḥ padaiḥ supṛktāni vilokyārtāḥ samabruvan || 10. 30. || 026 ||
[Analyze grammar]

kasyāḥ padāni caitāni yātāyā nandasūnunā |
aṃsanyastaprakoṣṭhāyāḥ kareṇoḥ kariṇā yathā || 10. 30. || 027 ||
[Analyze grammar]

anayārādhito nūnaṃ bhagavān harirīśvaraḥ |
yanno vihāya govindaḥ prīto yāmanayadrahaḥ || 10. 30. || 028 ||
[Analyze grammar]

dhanyā aho amī ālyo govindāṅghryabjareṇavaḥ |
yān brahmeśau ramā devī dadhurmūrdhnyaghanuttaye || 10. 30. || 029 ||
[Analyze grammar]

tasyā amūni naḥ kṣobhaṃ kurvantyuccaiḥ padāni yatyaikāpahṛtya gopīnāṃ raho bhunkte'cyutādharam |
na lakṣyante padānyatra tasyā nūnaṃ tṛṇāṅkuraiḥ khidyatsujātāṅghritalāmunninye preyasīṃ priyaḥ || 10. 30. || 030 ||
[Analyze grammar]

imānyadhikamagnāni padāni vahato vadhūm |
gopyaḥ paśyata kṛṣṇasya bhārākrāntasya kāminaḥ |
atrāvaropitā kāntā puṣpahetormahātmanā || 10. 30. || 031 ||
[Analyze grammar]

atra prasūnāvacayaḥ priyārthe preyasā kṛtaḥ |
prapadākramaṇa ete paśyatāsakale pade || 10. 30. || 032 ||
[Analyze grammar]

keśaprasādhanaṃ tvatra kāminyāḥ kāminā kṛtam |
tāni cūḍayatā kāntāmupaviṣṭamiha dhruvam || 10. 30. || 033 ||
[Analyze grammar]

reme tayā cātmarata ātmārāmo'pyakhaṇḍitaḥ |
kāmināṃ darśayan dainyaṃ strīṇāṃ caiva durātmatām || 10. 30. || 034 ||
[Analyze grammar]

ityevaṃ darśayantyastāścerurgopyo vicetasaḥ |
yāṃ gopīmanayatkṛṣṇo vihāyānyāḥ striyo vane || 10. 30. || 035 ||
[Analyze grammar]

sā ca mene tadātmānaṃ variṣṭhaṃ sarvayoṣitām |
hitvā gopīḥ kāmayānā māmasau bhajate priyaḥ || 10. 30. || 036 ||
[Analyze grammar]

tato gatvā vanoddeśaṃ dṛptā keśavamabravīt |
na pāraye'haṃ calituṃ naya māṃ yatra te manaḥ || 10. 30. || 037 ||
[Analyze grammar]

evamuktaḥ priyāmāha skandha āruhyatāmiti |
tataścāntardadhe kṛṣṇaḥ sā vadhūranvatapyata || 10. 30. || 038 ||
[Analyze grammar]

hā nātha ramaṇa preṣṭha kvāsi kvāsi mahābhuja |
dāsyāste kṛpaṇāyā me sakhe darśaya sannidhim || 10. 30. || 039 ||
[Analyze grammar]

śrīśuka uvāca |
anvicchantyo bhagavato mārgaṃ gopyo'vidūritaḥ |
dadṛśuḥ priyaviśleṣānmohitāṃ duḥkhitāṃ sakhīm || 10. 30. || 040 ||
[Analyze grammar]

tayā kathitamākarṇya mānaprāptiṃ ca mādhavāt |
avamānaṃ ca daurātmyādvismayaṃ paramaṃ yayuḥ || 10. 30. || 041 ||
[Analyze grammar]

tato'viśan vanaṃ candra jyotsnā yāvadvibhāvyate |
tamaḥ praviṣṭamālakṣya tato nivavṛtuḥ striyaḥ || 10. 30. || 042 ||
[Analyze grammar]

tanmanaskāstadalāpāstadviceṣṭāstadātmikāḥ |
tadguṇāneva gāyantyo nātmagārāṇi sasmaruḥ || 10. 30. || 043 ||
[Analyze grammar]

punaḥ pulinamāgatya kālindyāḥ kṛṣṇabhāvanāḥ |
samavetā jaguḥ kṛṣṇaṃ tadāgamanakāṅkṣitāḥ || 10. 30. || 044 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 30

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: