Chapter 13

[English text for this chapter is available]

nimivaṃśavarṇanaṃnimerdehatyāgo videhavaṃśaśca |
śrīśuka uvāca |
nimirikṣvākutanayo vasiṣṭhaṃ avṛtartvijam |
ārabhya satraṃ so'pyāha śakreṇa prāgvṛto'smi bhoḥ || 1 ||
[Analyze grammar]

taṃ nirvartyāgamiṣyāmi tāvanmāṃ pratipālaya |
tūṣṇīṃ āsīd gṛhapatiḥ so'pīndrasyākaron makham || 2 ||
[Analyze grammar]

nimiścalamidaṃ vidvān satramārabhatāmātmavān |
ṛtvigbhiḥ aparaistāvat nāgamadyāvatā guruḥ || 3 ||
[Analyze grammar]

śiṣyavyatikramaṃ vīkṣya taṃ nirvartya gururāgataḥ |
aśapat patatād deho nimeḥ paṇḍitamāninaḥ || 4 ||
[Analyze grammar]

nimiḥ pratidadau śāpaṃ gurave'dharmavartine |
tavāpi patatād deho lobhād dharmamajānataḥ || 5 ||
[Analyze grammar]

ityutsasarja svaṃ dehaṃ nimiradhyātmakovidaḥ |
mitrāvaruṇayorjajñe urvaśyāṃ prapitāmahaḥ || 6 ||
[Analyze grammar]

gandhavastuṣu tad dehaṃ nidhāya munisattamāḥ |
samāpte satrayāge'tha devān ūcuḥ samāgatān || 7 ||
[Analyze grammar]

rājño jīvatu deho'yaṃ prasannāḥ prabhavo yadi |
tathetyukte nimiḥ prāha mā bhūnme dehabandhanam || 8 ||
[Analyze grammar]

yasya yogaṃ na vāñchanti viyogabhayakātarāḥ |
bhajanti caraṇāmbhojaṃ munayo harimedhasaḥ || 9 ||
[Analyze grammar]

dehaṃ nāvarurutse'haṃ duḥkhaśokabhayāvaham |
sarvatrāsya yato mṛtyuṃ matsyānāṃ udake yathā || 10 ||
[Analyze grammar]

devā ūcuḥ |
videha uṣyatāṃ kāmaṃ locaneṣu śarīriṇām |
unmeṣaṇanimeṣābhyāṃ lakṣito'dhyātmasaṃsthitaḥ || 11 ||
[Analyze grammar]

arājakabhayaṃ nṝṇāṃ manyamānā maharṣayaḥ |
dehaṃ mamanthuḥ sma nimeḥ kumāraḥ samajāyata || 12 ||
[Analyze grammar]

janmanā janakaḥ so'bhūd vaidehastu videhajaḥ |
mithilo mathanājjāto mithilā yena nirmitā |
tasmād udāvasustasya putro'bhūt nandivardhanaḥ |
tataḥ suketustasyāpi devarāto mahīpate || 14 ||
[Analyze grammar]

tasmād bṛhadrathastasya mahāvīryaḥ sudhṛtpitā |
sudhṛterdhṛṣṭaketurvai haryaśvo'tha marustataḥ || 15 ||
[Analyze grammar]

maroḥ pratīpakastasmāt jātaḥ kṛtaratho yataḥ |
devamīḍhastasya putro viśruto'tha mahādhṛtiḥ || 16 ||
[Analyze grammar]

kṛtirātaḥ tatastasmāt mahāromā ca tatsutaḥ |
svarṇaromā sutastasya hrasvaromā vyajāyata || 17 ||
[Analyze grammar]

tataḥ śīradhvajo jajñe yajñārthaṃ karṣato mahīm |
sītā śīrāgrato jātā tasmāt sīradhvajaḥ smṛtaḥ || 18 ||
[Analyze grammar]

kuśadhvajastasya putraḥ tato dharmadhvajo nṛpaḥ |
dharmadhvajasya dvau putrau kṛtadhvajamitadhvajau || 19 ||
[Analyze grammar]

kṛtadhvajāt keśidhvajaḥ khāṇḍikyastu mitadhvajāt |
kṛtadhvajasuto rājan ātmavidyāviśāradaḥ || 20 ||
[Analyze grammar]

khāṇḍikyaḥ karmatattvajño bhītaḥ keśidhvajād drutaḥ |
bhānumāṃstasya putro'bhūt śatadyumnastu tatsutaḥ || 21 ||
[Analyze grammar]

śucistu tanayastasmāt sanadvājaḥ suto'bhavat |
ūrjaketuḥ sanadvājād ajo'tha purujitsutaḥ || 22 ||
[Analyze grammar]

ariṣṭanemistasyāpi śrutāyuḥ tatsupārśvakaḥ |
tataścitraratho yasya kṣemādhirmithilādhipaḥ || 23 ||
[Analyze grammar]

tasmāt samarathastasya sutaḥ satyarathastataḥ |
āsīd upagurustasmād upagupto'gnisaṃbhavaḥ || 24 ||
[Analyze grammar]

vasvananto'tha tatputro yuyudho yat subhāṣaṇaḥ |
śrutastato jayastasmād vijayo'smādṛtaḥ sutaḥ || 25 ||
[Analyze grammar]

śunakastatsuto jajñe vītahavyo dhṛtistataḥ |
bahulāśvo dhṛtestasya kṛtirasya mahāvaśī || 26 ||
[Analyze grammar]

ete vai maithilā rājan ātmavidyāviśāradāḥ |
yogeśvaraprasādena dvandvairmuktā gṛheṣvapi || 27 ||
[Analyze grammar]

iti śrīmad‍bhāgavate mahāpurāṇe pāramahaṃsyāṃ |
saṃhitāyāṃ navamaskandhe trayodaśo'dhyāyaḥ || 13 ||
[Analyze grammar]