Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

athāṣṭamo'dhyāyaḥ |
śrīśuka uvāca |
pīte gare vṛṣāṅkeṇa prītāste'maradānavāḥ |
mamanthustarasā sindhuṃ havirdhānī tato'bhavat || 1 ||
[Analyze grammar]

tāmagnihotrīmṛṣayo jagṛhurbrahmavādinaḥ |
yajñasya devayānasya medhyāya haviṣe nṛpa || 2 ||
[Analyze grammar]

tata uccaiḥśravā nāma hayo'bhūccandra pāṇḍuraḥ |
tasminbaliḥ spṛhāṃ cakre nendra īśvaraśikṣayā || 3 ||
[Analyze grammar]

tata airāvato nāma vāraṇendro vinirgataḥ |
dantaiścaturbhiḥ śvetādre rharanbhagavato mahim || 4 ||
[Analyze grammar]

airāvaṇādayastvaṣṭau diggajā abhavaṃstataḥ |
abhramuprabhṛtayo'ṣṭau ca kariṇyastvabhavannṛpa || 5 ||
[Analyze grammar]

kaustubhākhyamabhūdratnaṃ padmarāgo mahodadheḥ |
tasminmaṇau spṛhāṃ cakre vakṣo'laṅkaraṇe hariḥ || 6 ||
[Analyze grammar]

tato'bhavatpārijātaḥ suralokavibhūṣaṇam |
pūrayatyarthino yo'rthaiḥ śaśvadbhuvi yathā bhavān || 7 ||
[Analyze grammar]

tataścāpsaraso jātā niṣkakaṇṭhyaḥ suvāsasaḥ |
ramaṇyaḥ svargiṇāṃ valgu gatilīlāvalokanaiḥ || 8 ||
[Analyze grammar]

tataścāvirabhūtsākṣācchrī ramā bhagavatparā |
rañjayantī diśaḥ kāntyā vidyutsaudāmanī yathā || 9 ||
[Analyze grammar]

tasyāṃ cakruḥ spṛhāṃ sarve sasurāsuramānavāḥ |
rūpaudāryavayovarṇa mahimākṣiptacetasaḥ || 10 ||
[Analyze grammar]

tasyā āsanamāninye mahendro mahadadbhutam |
mūrtimatyaḥ saricchreṣṭhā hemakumbhairjalaṃ śuci || 11 ||
[Analyze grammar]

ābhiṣecanikā bhūmirāharatsakalauṣadhīḥ |
gāvaḥ pañca pavitrāṇi vasanto madhumādhavau || 12 ||
[Analyze grammar]

ṛṣayaḥ kalpayāṃ cakrurābhiṣekaṃ yathāvidhi |
jagurbhadrāṇi gandharvā naṭyaśca nanṛturjaguḥ || 13 ||
[Analyze grammar]

meghā mṛdaṅgapaṇava murajānakagomukhān |
vyanādayanśaṅkhaveṇu vīṇāstumulaniḥsvanān || 14 ||
[Analyze grammar]

tato'bhiṣiṣicurdevīṃ śriyaṃ padmakarāṃ satīm |
digibhāḥ pūrṇakalaśaiḥ sūktavākyairdvijeritaiḥ || 15 ||
[Analyze grammar]

samudraḥ pītakauśeya vāsasī samupāharat |
varuṇaḥ srajaṃ vaijayantīṃ madhunā mattaṣaṭpadām || 16 ||
[Analyze grammar]

bhūṣaṇāni vicitrāṇi viśvakarmā prajāpatiḥ |
hāraṃ sarasvatī padmamajo nāgāśca kuṇḍale || 17 ||
[Analyze grammar]

tataḥ kṛtasvastyayanotpalasrajaṃ nadaddvirephāṃ parigṛhya pāṇinā |
cacāla vaktraṃ sukapolakuṇḍalaṃ savrīḍahāsaṃ dadhatī suśobhanam || 18 ||
[Analyze grammar]

stanadvayaṃ cātikṛśodarī samaṃ nirantaraṃ candanakuṅkumokṣitam |
tatastato nūpuravalgu śiñjitairvisarpatī hemalateva sā babhau || 19 ||
[Analyze grammar]

vilokayantī niravadyamātmanaḥ padaṃ dhruvaṃ cāvyabhicārisadguṇam |
gandharvasiddhāsurayakṣacāraṇa traipiṣṭapeyādiṣu nānvavindata || 20 ||
[Analyze grammar]

nūnaṃ tapo yasya na manyunirjayo jñānaṃ kvacittacca na saṅgavarjitam |
kaścinmahāṃstasya na kāmanirjayaḥ sa īśvaraḥ kiṃ parato vyapāśrayaḥ || 21 ||
[Analyze grammar]

dharmaḥ kvacittatra na bhūtasauhṛdaṃ tyāgaḥ kvacittatra na muktikāraṇam |
vīryaṃ na puṃso'styajaveganiṣkṛtaṃ na hi dvitīyo guṇasaṅgavarjitaḥ || 22 ||
[Analyze grammar]

kvaciccirāyurna hi śīlamaṅgalaṃ kvacittadapyasti na vedyamāyuṣaḥ |
yatrobhayaṃ kutra ca so'pyamaṅgalaḥ sumaṅgalaḥ kaśca na kāṅkṣate hi mām || 23 ||
[Analyze grammar]

evaṃ vimṛśyāvyabhicārisadguṇairvaraṃ nijaikāśrayatayāguṇāśrayam |
vavre varaṃ sarvaguṇairapekṣitaṃ ramā mukundaṃ nirapekṣamīpsitam || 24 ||
[Analyze grammar]

tasyāṃsadeśa utīṃ navakañjamālāṃ |
mādyanmadhuvratavarūthagiropaghuṣṭām |
tasthau nidhāya nikaṭe taduraḥ svadhāma |
savrīḍahāsavikasannayanena yātā || 25 ||
[Analyze grammar]

tasyāḥ śriyastrijagato janako jananyā |
vakṣo nivāsamakarotparamaṃ vibhūteḥ |
śrīḥ svāḥ prajāḥ sakaruṇena nirīkṣaṇena |
yatra sthitaidhayata sādhipatīṃstrilokān || 26 ||
[Analyze grammar]

śaṅkhatūryamṛdaṅgānāṃ vāditrāṇāṃ pṛthuḥ svanaḥ |
devānugānāṃ sastrīṇāṃ nṛtyatāṃ gāyatāmabhūt || 27 ||
[Analyze grammar]

brahmarudrā ṅgiromukhyāḥ sarve viśvasṛjo vibhum |
īḍire'vitathairmantraistalliṅgaiḥ puṣpavarṣiṇaḥ || 28 ||
[Analyze grammar]

śriyāvalokitā devāḥ saprajāpatayaḥ prajāḥ |
śīlādiguṇasampannā lebhire nirvṛtiṃ parām || 29 ||
[Analyze grammar]

niḥsattvā lolupā rājannirudyogā gatatrapāḥ |
yadā copekṣitā lakṣmyā babhūvurdaityadānavāḥ || 30 ||
[Analyze grammar]

athāsīdvāruṇī devī kanyā kamalalocanā |
asurā jagṛhustāṃ vai hareranumatena te || 31 ||
[Analyze grammar]

athodadhermathyamānātkāśyapairamṛtārthibhiḥ |
udatiṣṭhanmahārāja puruṣaḥ paramādbhutaḥ || 32 ||
[Analyze grammar]

dīrghapīvaradordaṇḍaḥ kambugrīvo'ruṇekṣaṇaḥ |
śyāmalastaruṇaḥ sragvī sarvābharaṇabhūṣitaḥ || 33 ||
[Analyze grammar]

pītavāsā mahoraskaḥ sumṛṣṭamaṇikuṇḍalaḥ |
snigdhakuñcitakeśānta subhagaḥ siṃhavikramaḥ || 34 ||
[Analyze grammar]

amṛtāpūrṇakalasaṃ bibhradvalayabhūṣitaḥ |
sa vai bhagavataḥ sākṣādviṣṇoraṃśāṃśasambhavaḥ || 35 ||
[Analyze grammar]

dhanvantaririti khyāta āyurvedadṛgijyabhāk |
tamālokyāsurāḥ sarve kalasaṃ cāmṛtābhṛtam || 36 ||
[Analyze grammar]

lipsantaḥ sarvavastūni kalasaṃ tarasāharan |
nīyamāne'suraistasminkalase'mṛtabhājane || 37 ||
[Analyze grammar]

viṣaṇṇamanaso devā hariṃ śaraṇamāyayuḥ |
iti taddainyamālokya bhagavānbhṛtyakāmakṛt |
mā khidyata mitho'rthaṃ vaḥ sādhayiṣye svamāyayā || 38 ||
[Analyze grammar]

mithaḥ kalirabhūtteṣāṃ tadarthe tarṣacetasām |
ahaṃ pūrvamahaṃ pūrvaṃ na tvaṃ na tvamiti prabho || 39 ||
[Analyze grammar]

devāḥ svaṃ bhāgamarhanti ye tulyāyāsahetavaḥ |
satrayāga ivaitasminneṣa dharmaḥ sanātanaḥ || 40 ||
[Analyze grammar]

iti svānpratyaṣedhanvai daiteyā jātamatsarāḥ |
durbalāḥ prabalānrājangṛhītakalasānmuhuḥ || 41 ||
[Analyze grammar]

etasminnantare viṣṇuḥ sarvopāyavidīśvaraḥ |
yoṣidrū pamanirdeśyaṃ dadhāraparamādbhutam || 42 ||
[Analyze grammar]

prekṣaṇīyotpalaśyāmaṃ sarvāvayavasundaram |
samānakarṇābharaṇaṃ sukapolonnasānanam || 43 ||
[Analyze grammar]

navayauvananirvṛtta stanabhārakṛśodaram |
mukhāmodānuraktāli jhaṅkārodvignalocanam || 44 ||
[Analyze grammar]

bibhratsukeśabhāreṇa mālāmutphullamallikām |
sugrīvakaṇṭhābharaṇaṃ subhujāṅgadabhūṣitam || 45 ||
[Analyze grammar]

virajāmbarasaṃvīta nitambadvīpaśobhayā |
kāñcyā pravilasadvalgu calaccaraṇanūpuram || 46 ||
[Analyze grammar]

savrīḍasmitavikṣipta bhrūvilāsāvalokanaiḥ |
daityayūthapacetaḥsu kāmamuddīpayanmuhuḥ || 47 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 8

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: