Chapter 15

[English text for this chapter is available]

śrīnārada uvāca |
karmaniṣṭhā dvijāḥ kecittaponiṣṭhā nṛpāpare |
svādhyāye'nye pravacane kecana jñānayogayoḥ || 1 ||
[Analyze grammar]

jñānaniṣṭhāya deyāni kavyānyānantyamicchatā |
daive ca tadabhāve syāditarebhyo yathārhataḥ || 2 ||
[Analyze grammar]

dvau daive pitṛkārye trīnekaikamubhayatra vā |
bhojayetsusamṛddho'pi śrāddhe kuryānna vistaram || 3 ||
[Analyze grammar]

deśakālocitaśraddhā dravyapātrārhaṇāni ca |
samyagbhavanti naitāni vistarātsvajanārpaṇāt || 4 ||
[Analyze grammar]

deśe kāle ca samprāpte munyannaṃ haridaivatam |
śraddhayā vidhivatpātre nyastaṃ kāmadhugakṣayam || 5 ||
[Analyze grammar]

devarṣipitṛbhūtebhya ātmane svajanāya ca |
annaṃ saṃvibhajanpaśyetsarvaṃ tatpuruṣātmakam || 6 ||
[Analyze grammar]

na dadyādāmiṣaṃ śrāddhe na cādyāddharmatattvavit |
munyannaiḥ syātparā prītiryathā na paśuhiṃsayā || 7 ||
[Analyze grammar]

naitādṛśaḥ paro dharmo nṛṇāṃ saddharmamicchatām |
nyāso daṇḍasya bhūteṣu manovākkāyajasya yaḥ || 8 ||
[Analyze grammar]

eke karmamayānyajñānjñānino yajñavittamāḥ |
ātmasaṃyamane'nīhā juhvati jñānadīpite || 9 ||
[Analyze grammar]

dravyayajñairyakṣyamāṇaṃ dṛṣṭvā bhūtāni bibhyati |
eṣa mākaruṇo hanyādatajjño hyasutṛpdhruvam || 10 ||
[Analyze grammar]

tasmāddaivopapannena munyannenāpi dharmavit |
santuṣṭo'harahaḥ kuryānnityanaimittikīḥ kriyāḥ || 11 ||
[Analyze grammar]

vidharmaḥ paradharmaśca ābhāsa upamā chalaḥ |
adharmaśākhāḥ pañcemā dharmajño'dharmavattyajet || 12 ||
[Analyze grammar]

dharmabādho vidharmaḥ syātparadharmo'nyacoditaḥ |
upadharmastu pākhaṇḍo dambho vā śabdabhicchalaḥ || 13 ||
[Analyze grammar]

yastvicchayā kṛtaḥ pumbhirābhāso hyāśramātpṛthak |
svabhāvavihito dharmaḥ kasya neṣṭaḥ praśāntaye || 14 ||
[Analyze grammar]

dharmārthamapi neheta yātrārthaṃ vādhano dhanam |
anīhānīhamānasya mahāheriva vṛttidā || 15 ||
[Analyze grammar]

santuṣṭasya nirīhasya svātmārāmasya yatsukham |
kutastatkāmalobhena dhāvato'rthehayā diśaḥ || 16 ||
[Analyze grammar]

sadā santuṣṭamanasaḥ sarvāḥ śivamayā diśaḥ |
śarkarākaṇṭakādibhyo yathopānatpadaḥ śivam || 17 ||
[Analyze grammar]

santuṣṭaḥ kena vā rājanna vartetāpi vāriṇā |
aupasthyajaihvyakārpaṇyādgṛhapālāyate janaḥ || 18 ||
[Analyze grammar]

asantuṣṭasya viprasya tejo vidyā tapo yaśaḥ |
sravantīndriyalaulyena jñānaṃ caivāvakīryate || 19 ||
[Analyze grammar]

kāmasyāntaṃ hi kṣuttṛḍbhyāṃ krodhasyaitatphalodayāt |
jano yāti na lobhasya jitvā bhuktvā diśo bhuvaḥ || 20 ||
[Analyze grammar]

paṇḍitā bahavo rājanbahujñāḥ saṃśayacchidaḥ |
sadasaspatayo'pyeke asantoṣātpatantyadhaḥ || 21 ||
[Analyze grammar]

asaṅkalpājjayetkāmaṃ krodhaṃ kāmavivarjanāt |
arthānarthekṣayā lobhaṃ bhayaṃ tattvāvamarśanāt || 22 ||
[Analyze grammar]

ānvīkṣikyā śokamohau dambhaṃ mahadupāsayā |
yogāntarāyānmaunena hiṃsāṃ kāmādyanīhayā || 23 ||
[Analyze grammar]

kṛpayā bhūtajaṃ duḥkhaṃ daivaṃ jahyātsamādhinā |
ātmajaṃ yogavīryeṇa nidrāṃ sattvaniṣevayā || 24 ||
[Analyze grammar]

rajastamaśca sattvena sattvaṃ copaśamena ca |
etatsarvaṃ gurau bhaktyā puruṣo hyañjasā jayet || 25 ||
[Analyze grammar]

yasya sākṣādbhagavati jñānadīpaprade gurau |
martyāsaddhīḥ śrutaṃ tasya sarvaṃ kuñjaraśaucavat || 26 ||
[Analyze grammar]

eṣa vai bhagavānsākṣātpradhānapuruṣeśvaraḥ |
yogeśvarairvimṛgyāṅghrirloko yaṃ manyate naram || 27 ||
[Analyze grammar]

ṣaḍvargasaṃyamaikāntāḥ sarvā niyamacodanāḥ |
tadantā yadi no yogānāvaheyuḥ śramāvahāḥ || 28 ||
[Analyze grammar]

yathā vārtādayo hyarthā yogasyārthaṃ na bibhrati |
anarthāya bhaveyuḥ sma pūrtamiṣṭaṃ tathāsataḥ || 29 ||
[Analyze grammar]

yaścittavijaye yattaḥ syānniḥsaṅgo'parigrahaḥ |
eko viviktaśaraṇo bhikṣurbhaikṣyamitāśanaḥ || 30 ||
[Analyze grammar]

deśe śucau same rājansaṃsthāpyāsanamātmanaḥ |
sthiraṃ sukhaṃ samaṃ tasminnāsītarjvaṅga omiti || 31 ||
[Analyze grammar]

prāṇāpānau sannirundhyātpūrakumbhakarecakaiḥ |
yāvanmanastyajetkāmānsvanāsāgranirīkṣaṇaḥ || 32 ||
[Analyze grammar]

yato yato niḥsarati manaḥ kāmahataṃ bhramat |
tatastata upāhṛtya hṛdi rundhyācchanairbudhaḥ || 33 ||
[Analyze grammar]

evamabhyasyataścittaṃ kālenālpīyasā yateḥ |
aniśaṃ tasya nirvāṇaṃ yātyanindhanavahnivat || 34 ||
[Analyze grammar]

kāmādibhiranāviddhaṃ praśāntākhilavṛtti yat |
cittaṃ brahmasukhaspṛṣṭaṃ naivottiṣṭheta karhicit || 35 ||
[Analyze grammar]

yaḥ pravrajya gṛhātpūrvaṃ trivargāvapanātpunaḥ |
yadi seveta tānbhikṣuḥ sa vai vāntāśyapatrapaḥ || 36 ||
[Analyze grammar]

yaiḥ svadehaḥ smṛto'nātmā martyo viṭkṛmibhasmavat |
ta enamātmasātkṛtvā ślāghayanti hyasattamāḥ || 37 ||
[Analyze grammar]

gṛhasthasya kriyātyāgo vratatyāgo vaṭorapi |
tapasvino grāmasevā bhikṣorindriyalolatā || 38 ||
[Analyze grammar]

āśramāpasadā hyete khalvāśramaviḍambanāḥ |
devamāyāvimūḍhāṃstānupekṣetānukampayā || 39 ||
[Analyze grammar]

ātmānaṃ cedvijānīyātparaṃ jñānadhutāśayaḥ |
kimicchankasya vā hetordehaṃ puṣṇāti lampaṭaḥ || 40 ||
[Analyze grammar]

āhuḥ śarīraṃ rathamindriyāṇi hayānabhīṣūnmana indriyeśam |
vartmāni mātrā dhiṣaṇāṃ ca sūtaṃ sattvaṃ bṛhadbandhuramīśasṛṣṭam || 41 ||
[Analyze grammar]

akṣaṃ daśaprāṇamadharmadharmau cakre'bhimānaṃ rathinaṃ ca jīvam |
dhanurhi tasya praṇavaṃ paṭhanti śaraṃ tu jīvaṃ parameva lakṣyam || 42 ||
[Analyze grammar]

rāgo dveṣaśca lobhaśca śokamohau bhayaṃ madaḥ |
māno'vamāno'sūyā ca māyā hiṃsā ca matsaraḥ || 43 ||
[Analyze grammar]

rajaḥ pramādaḥ kṣunnidrā śatravastvevamādayaḥ |
rajastamaḥprakṛtayaḥ sattvaprakṛtayaḥ kvacit || 44 ||
[Analyze grammar]

yāvannṛkāyarathamātmavaśopakalpaṃ |
dhatte gariṣṭhacaraṇārcanayā niśātam |
jñānāsimacyutabalo dadhadastaśatruḥ |
svānandatuṣṭa upaśānta idaṃ vijahyāt || 45 ||
[Analyze grammar]

nocetpramattamasadindriyavājisūtā |
nītvotpathaṃ viṣayadasyuṣu nikṣipanti |
te dasyavaḥ sahayasūtamamuṃ tamo'ndhe |
saṃsārakūpa urumṛtyubhaye kṣipanti || 46 ||
[Analyze grammar]

pravṛttaṃ ca nivṛttaṃ ca dvividhaṃ karma vaidikam |
āvartate pravṛttena nivṛttenāśnute'mṛtam || 47 ||
[Analyze grammar]

hiṃsraṃ dravyamayaṃ kāmyamagnihotrādyaśāntidam |
darśaśca pūrṇamāsaśca cāturmāsyaṃ paśuḥ sutaḥ || 48 ||
[Analyze grammar]

etadiṣṭaṃ pravṛttākhyaṃ hutaṃ prahutameva ca |
pūrtaṃ surālayārāma kūpā jīvyādilakṣaṇam || 49 ||
[Analyze grammar]

dravyasūkṣmavipākaśca dhūmo rātrirapakṣayaḥ |
ayanaṃ dakṣiṇaṃ somo darśa oṣadhivīrudhaḥ || 50 ||
[Analyze grammar]

annaṃ reta iti kṣmeśa pitṛyānaṃ punarbhavaḥ |
ekaikaśyenānupūrvaṃ bhūtvā bhūtveha jāyate || 51 ||
[Analyze grammar]

niṣekādiśmaśānāntaiḥ saṃskāraiḥ saṃskṛto dvijaḥ |
indriyeṣu kriyāyajñānjñānadīpeṣu juhvati || 52 ||
[Analyze grammar]

indriyāṇi manasyūrmau vāci vaikārikaṃ manaḥ |
vācaṃ varṇasamāmnāye tamoṅkāre svare nyaset || 53 ||
[Analyze grammar]

oṃkāraṃ bindau nāde taṃ taṃ tu prāṇe mahatyamum |
agniḥ sūryo divā prāhṇaḥ śuklo rākottaraṃ svarāṭ |
viśvo'tha taijasaḥ prājñasturya ātmā samanvayāt || 54 ||
[Analyze grammar]

devayānamidaṃ prāhurbhūtvā bhūtvānupūrvaśaḥ |
ātmayājyupaśāntātmā hyātmastho na nivartate || 55 ||
[Analyze grammar]

ya ete pitṛdevānāmayane vedanirmite |
śāstreṇa cakṣuṣā veda janastho'pi na muhyati || 56 ||
[Analyze grammar]

ādāvante janānāṃ sadbahirantaḥ parāvaram |
jñānaṃ jñeyaṃ vaco vācyaṃ tamo jyotistvayaṃ svayam || 57 ||
[Analyze grammar]

ābādhito'pi hyābhāso yathā vastutayā smṛtaḥ |
durghaṭatvādaindriyakaṃ tadvadarthavikalpitam || 58 ||
[Analyze grammar]

kṣityādīnāmihārthānāṃ chāyā na katamāpi hi |
na saṅghāto vikāro'pi na pṛthaṅnānvito mṛṣā || 59 ||
[Analyze grammar]

dhātavo'vayavitvācca tanmātrāvayavairvinā |
na syurhyasatyavayavinyasannavayavo'ntataḥ || 60 ||
[Analyze grammar]

syātsādṛśyabhramastāvadvikalpe sati vastunaḥ |
jāgratsvāpau yathā svapne tathā vidhiniṣedhatā || 61 ||
[Analyze grammar]

bhāvādvaitaṃ kriyādvaitaṃ dravyādvaitaṃ tathātmanaḥ |
vartayansvānubhūtyeha trīnsvapnāndhunute muniḥ || 62 ||
[Analyze grammar]

kāryakāraṇavastvaikya darśanaṃ paṭatantuvat |
avastutvādvikalpasya bhāvādvaitaṃ taducyate || 63 ||
[Analyze grammar]

yadbrahmaṇi pare sākṣātsarvakarmasamarpaṇam |
manovāktanubhiḥ pārtha kriyādvaitaṃ taducyate || 64 ||
[Analyze grammar]

ātmajāyāsutādīnāmanyeṣāṃ sarvadehinām |
yatsvārthakāmayoraikyaṃ dravyādvaitaṃ taducyate || 65 ||
[Analyze grammar]

yadyasya vāniṣiddhaṃ syādyena yatra yato nṛpa |
sa teneheta kāryāṇi naro nānyairanāpadi || 66 ||
[Analyze grammar]

etairanyaiśca vedoktairvartamānaḥ svakarmabhiḥ |
gṛhe'pyasya gatiṃ yāyādrājaṃstadbhaktibhāṅnaraḥ || 67 ||
[Analyze grammar]

yathā hi yūyaṃ nṛpadeva dustyajādāpadgaṇāduttaratātmanaḥ prabhoḥ |
yatpādapaṅkeruhasevayā bhavānahārṣīnnirjitadiggajaḥ kratūn || 68 ||
[Analyze grammar]

ahaṃ purābhavaṃ kaścidgandharva upabarhaṇaḥ |
nāmnātīte mahākalpe gandharvāṇāṃ susammataḥ || 69 ||
[Analyze grammar]

rūpapeśalamādhurya saugandhyapriyadarśanaḥ |
strīṇāṃ priyatamo nityaṃ mattaḥ svapuralampaṭaḥ || 70 ||
[Analyze grammar]

ekadā devasatre tu gandharvāpsarasāṃ gaṇāḥ |
upahūtā viśvasṛgbhirharigāthopagāyane || 71 ||
[Analyze grammar]

ahaṃ ca gāyaṃstadvidvānstrībhiḥ parivṛto gataḥ |
jñātvā viśvasṛjastanme helanaṃ śepurojasā |
yāhi tvaṃ śūdra tāmāśu naṣṭaśrīḥ kṛtahelanaḥ || 72 ||
[Analyze grammar]

tāvaddāsyāmahaṃ jajñe tatrāpi brahmavādinām |
śuśrūṣayānuṣaṅgeṇa prāpto'haṃ brahmaputratām || 73 ||
[Analyze grammar]

dharmaste gṛhamedhīyo varṇitaḥ pāpanāśanaḥ |
gṛhastho yena padavīmañjasā nyāsināmiyāt || 74 ||
[Analyze grammar]

yūyaṃ nṛloke bata bhūribhāgā lokaṃ punānā munayo'bhiyanti |
yeṣāṃ gṛhānāvasatīti sākṣādgūḍhaṃ paraṃ brahma manuṣyaliṅgam || 75 ||
[Analyze grammar]

sa vā ayaṃ brahma mahadvimṛgya kaivalyanirvāṇasukhānubhūtiḥ |
priyaḥ suhṛdvaḥ khalu mātuleya ātmārhaṇīyo vidhikṛdguruśca || 76 ||
[Analyze grammar]

na yasya sākṣādbhavapadmajādibhī rūpaṃ dhiyā vastutayopavarṇitam |
maunena bhaktyopaśamena pūjitaḥ prasīdatāmeṣa sa sātvatāṃ patiḥ || 77 ||
[Analyze grammar]

śrīśuka uvāca |
iti devarṣiṇā proktaṃ niśamya bharatarṣabhaḥ |
pūjayāmāsa suprītaḥ kṛṣṇaṃ ca premavihvalaḥ || 78 ||
[Analyze grammar]

kṛṣṇapārthāvupāmantrya pūjitaḥ prayayau muniḥ |
śrutvā kṛṣṇaṃ paraṃ brahma pārthaḥ paramavismitaḥ || 79 ||
[Analyze grammar]

iti dākṣāyiṇīnāṃ te pṛthagvaṃśā prakīrtitāḥ |
devāsuramanuṣyādyā lokā yatra carācarāḥ || 80 ||
[Analyze grammar]