Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

śrīnārada uvāca |
bhaktiyogasya tatsarvamantarāyatayārbhakaḥ |
manyamāno hṛṣīkeśaṃ smayamāna uvāca ha || 1 ||
[Analyze grammar]

śrīprahrāda uvāca |
mā māṃ pralobhayotpattyā saktaṃkāmeṣu tairvaraiḥ |
tatsaṅgabhīto nirviṇṇo mumukṣustvāmupāśritaḥ || 2 ||
[Analyze grammar]

bhṛtyalakṣaṇajijñāsurbhaktaṃ kāmeṣvacodayat |
bhavānsaṃsārabījeṣu hṛdayagranthiṣu prabho || 3 ||
[Analyze grammar]

nānyathā te'khilaguro ghaṭeta karuṇātmanaḥ |
yasta āśiṣa āśāste na sa bhṛtyaḥ sa vai vaṇik || 4 ||
[Analyze grammar]

āśāsāno na vai bhṛtyaḥ svāminyāśiṣa ātmanaḥ |
na svāmī bhṛtyataḥ svāmyamicchanyo rāti cāśiṣaḥ || 5 ||
[Analyze grammar]

ahaṃ tvakāmastvadbhaktastvaṃ ca svāmyanapāśrayaḥ |
nānyathehāvayorartho rājasevakayoriva || 6 ||
[Analyze grammar]

yadi dāsyasi me kāmānvarāṃstvaṃ varadarṣabha |
kāmānāṃ hṛdyasaṃrohaṃ bhavatastu vṛṇe varam || 7 ||
[Analyze grammar]

indri yāṇi manaḥ prāṇa ātmā dharmo dhṛtirmatiḥ |
hrīḥ śrīstejaḥ smṛtiḥ satyaṃ yasya naśyanti janmanā || 8 ||
[Analyze grammar]

vimuñcati yadā kāmānmānavo manasi sthitān |
tarhyeva puṇḍarīkākṣa bhagavattvāya kalpate || 9 ||
[Analyze grammar]

oṃ namo bhagavate tubhyaṃ puruṣāya mahātmane |
haraye'dbhutasiṃhāya brahmaṇe paramātmane || 10 ||
[Analyze grammar]

śrībhagavānuvāca |
naikāntino me mayi jātvihāśiṣa āśāsate'mutra ca ye bhavadvidhāḥ |
tathāpi manvantarametadatra daityeśvarāṇāmanubhuṅkṣva bhogān || 11 ||
[Analyze grammar]

kathā madīyā juṣamāṇaḥ priyāstvamāveśya māmātmani santamekam |
sarveṣu bhūteṣvadhiyajñamīśaṃ yajasva yogena ca karma hinvan || 12 ||
[Analyze grammar]

bhogena puṇyaṃ kuśalena pāpaṃ kalevaraṃ kālajavena hitvā |
kīrtiṃ viśuddhāṃ suralokagītāṃ vitāya māmeṣyasi muktabandhaḥ || 13 ||
[Analyze grammar]

ya etatkīrtayenmahyaṃ tvayā gītamidaṃ naraḥ |
tvāṃ ca māṃ ca smarankāle karmabandhātpramucyate || 14 ||
[Analyze grammar]

śrīprahrāda uvāca |
varaṃ varaya etatte varadeśānmaheśvara |
yadanindatpitā me tvāmavidvāṃsteja aiśvaram || 15 ||
[Analyze grammar]

viddhāmarṣāśayaḥ sākṣātsarvalokaguruṃ prabhum |
bhrātṛheti mṛṣādṛṣṭistvadbhakte mayi cāghavān || 16 ||
[Analyze grammar]

tasmātpitā me pūyeta durantāddustarādaghāt |
pūtaste'pāṅgasaṃdṛṣṭastadā kṛpaṇavatsala || 17 ||
[Analyze grammar]

śrībhagavānuvāca |
triḥsaptabhiḥ pitā pūtaḥ pitṛbhiḥ saha te'nagha |
yatsādho'sya kule jāto bhavānvai kulapāvanaḥ || 18 ||
[Analyze grammar]

yatra yatra ca madbhaktāḥ praśāntāḥ samadarśinaḥ |
sādhavaḥ samudācārāste pūyante'pi kīkaṭāḥ || 19 ||
[Analyze grammar]

sarvātmanā na hiṃsanti bhūtagrāmeṣu kiñcana |
uccāvaceṣu daityendra madbhāvavigataspṛhāḥ || 20 ||
[Analyze grammar]

bhavanti puruṣā loke madbhaktāstvāmanuvratāḥ |
bhavānme khalu bhaktānāṃ sarveṣāṃ pratirūpadhṛk || 21 ||
[Analyze grammar]

kuru tvaṃ pretakṛtyāni pituḥ pūtasya sarvaśaḥ |
madaṅgasparśanenāṅga lokānyāsyati suprajāḥ || 22 ||
[Analyze grammar]

pitryaṃ ca sthānamātiṣṭha yathoktaṃ brahmavādibhiḥ |
mayyāveśya manastāta kuru karmāṇi matparaḥ || 23 ||
[Analyze grammar]

śrīnārada uvāca |
prahrādo'pi tathā cakre pituryatsāmparāyikam |
yathāha bhagavānrājannabhiṣikto dvijātibhiḥ || 24 ||
[Analyze grammar]

prasādasumukhaṃ dṛṣṭvā brahmā narahariṃ harim |
stutvā vāgbhiḥ pavitrābhiḥ prāha devādibhirvṛtaḥ || 25 ||
[Analyze grammar]

śrībrahmovāca |
devadevākhilādhyakṣa bhūtabhāvana pūrvaja |
diṣṭyā te nihataḥ pāpo lokasantāpano'suraḥ || 26 ||
[Analyze grammar]

yo'sau labdhavaro matto na vadhyo mama sṛṣṭibhiḥ |
tapoyogabalonnaddhaḥ samastanigamānahan || 27 ||
[Analyze grammar]

diṣṭyā tattanayaḥ sādhurmahābhāgavato'rbhakaḥ |
tvayā vimocito mṛtyordiṣṭyā tvāṃ samito'dhunā || 28 ||
[Analyze grammar]

etadvapuste bhagavandhyāyataḥ paramātmanaḥ |
sarvato goptṛ santrāsānmṛtyorapi jighāṃsataḥ || 29 ||
[Analyze grammar]

śrībhagavānuvāca |
maivaṃ vibho'surāṇāṃ te pradeyaḥ padmasambhava |
varaḥ krūranisargāṇāmahīnāmamṛtaṃ yathā || 30 ||
[Analyze grammar]

śrīnārada uvāca |
ityuktvā bhagavānrājaṃstataścāntardadhe hariḥ |
adṛśyaḥ sarvabhūtānāṃ pūjitaḥ parameṣṭhinā || 31 ||
[Analyze grammar]

tataḥ sampūjya śirasā vavande parameṣṭhinam |
bhavaṃ prajāpatīndevānprahrādo bhagavatkalāḥ || 32 ||
[Analyze grammar]

tataḥ kāvyādibhiḥ sārdhaṃ munibhiḥ kamalāsanaḥ |
daityānāṃ dānavānāṃ ca prahrādamakarotpatim || 33 ||
[Analyze grammar]

pratinandya tato devāḥ prayujya paramāśiṣaḥ |
svadhāmāni yayū rājanbrahmādyāḥ pratipūjitāḥ || 34 ||
[Analyze grammar]

evaṃ ca pārṣadau viṣṇoḥ putratvaṃ prāpitau diteḥ |
hṛdi sthitena hariṇā vairabhāvena tau hatau || 35 ||
[Analyze grammar]

punaśca vipraśāpena rākṣasau tau babhūvatuḥ |
kumbhakarṇadaśagrīvau hatau tau rāmavikramaiḥ || 36 ||
[Analyze grammar]

śayānau yudhi nirbhinna hṛdayau rāmaśāyakaiḥ |
taccittau jahaturdehaṃ yathā prāktanajanmani || 37 ||
[Analyze grammar]

tāvihātha punarjātau śiśupālakarūṣajau |
harau vairānubandhena paśyataste samīyatuḥ || 38 ||
[Analyze grammar]

enaḥ pūrvakṛtaṃ yattadrājānaḥ kṛṣṇavairiṇaḥ |
jahuste'nte tadātmānaḥ kīṭaḥ peśaskṛto yathā || 39 ||
[Analyze grammar]

yathā yathā bhagavato bhaktyā paramayābhidā |
nṛpāścaidyādayaḥ sātmyaṃ harestaccintayā yayuḥ || 40 ||
[Analyze grammar]

ākhyātaṃ sarvametatte yanmāṃ tvaṃ paripṛṣṭavān |
damaghoṣasutādīnāṃ hareḥ sātmyamapi dviṣām || 41 ||
[Analyze grammar]

eṣā brahmaṇyadevasya kṛṣṇasya ca mahātmanaḥ |
avatārakathā puṇyā vadho yatrādidaityayoḥ || 42 ||
[Analyze grammar]

prahrādasyānucaritaṃ mahābhāgavatasya ca |
bhaktirjñānaṃ viraktiśca yāthārthyaṃ cāsya vai hareḥ || 43 ||
[Analyze grammar]

sargasthityapyayeśasya guṇakarmānuvarṇanam |
parāvareṣāṃ sthānānāṃ kālena vyatyayo mahān || 44 ||
[Analyze grammar]

dharmo bhāgavatānāṃ ca bhagavānyena gamyate |
ākhyāne'sminsamāmnātamādhyātmikamaśeṣataḥ || 45 ||
[Analyze grammar]

ya etatpuṇyamākhyānaṃ viṣṇorvīryopabṛṃhitam |
kīrtayecchraddhayā śrutvā karmapāśairvimucyate || 46 ||
[Analyze grammar]

etadya ādipuruṣasya mṛgendra līlāṃ |
daityendra yūthapavadhaṃ prayataḥ paṭheta |
daityātmajasya ca satāṃ pravarasya puṇyaṃ |
śrutvānubhāvamakutobhayameti lokam || 47 ||
[Analyze grammar]

yūyaṃ nṛloke bata bhūribhāgā lokaṃ punānā munayo'bhiyanti |
yeṣāṃ gṛhānāvasatīti sākṣādgūḍhaṃ paraṃ brahma manuṣyaliṅgam || 48 ||
[Analyze grammar]

sa vā ayaṃ brahma mahadvimṛgya kaivalyanirvāṇasukhānubhūtiḥ |
priyaḥ suhṛdvaḥ khalu mātuleya ātmārhaṇīyo vidhikṛdguruśca || 49 ||
[Analyze grammar]

na yasya sākṣādbhavapadmajādibhī rūpaṃ dhiyā vastutayopavarṇitam |
maunena bhaktyopaśamena pūjitaḥ prasīdatāmeṣa sa sātvatāṃ patiḥ || 50 ||
[Analyze grammar]

sa eṣa bhagavānrājanvyatanodvihataṃ yaśaḥ |
purā rudra sya devasya mayenānantamāyinā || 51 ||
[Analyze grammar]

rājovāca |
kasminkarmaṇi devasya mayo'hanjagadīśituḥ |
yathā copacitā kīrtiḥ kṛṣṇenānena kathyatām || 52 ||
[Analyze grammar]

śrīnārada uvāca |
nirjitā asurā devairyudhyanenopabṛṃhitaiḥ |
māyināṃ paramācāryaṃ mayaṃ śaraṇamāyayuḥ || 53 ||
[Analyze grammar]

sa nirmāya purastisro haimīraupyāyasīrvibhuḥ |
durlakṣyāpāyasaṃyogā durvitarkyaparicchadāḥ || 54 ||
[Analyze grammar]

tābhiste'surasenānyo lokāṃstrīnseśvarānnṛpa |
smaranto nāśayāṃ cakruḥ pūrvavairamalakṣitāḥ || 55 ||
[Analyze grammar]

tataste seśvarā lokā upāsādyeśvaraṃ natāḥ |
trāhi nastāvakāndeva vinaṣṭāṃstripurālayaiḥ || 56 ||
[Analyze grammar]

athānugṛhya bhagavānmā bhaiṣṭeti surānvibhuḥ |
śaraṃ dhanuṣi sandhāya pureṣvastraṃ vyamuñcata || 57 ||
[Analyze grammar]

tato'gnivarṇā iṣava utpetuḥ sūryamaṇḍalāt |
yathā mayūkhasandohā nādṛśyanta puro yataḥ || 58 ||
[Analyze grammar]

taiḥ spṛṣṭā vyasavaḥ sarve nipetuḥ sma puraukasaḥ |
tānānīya mahāyogī mayaḥ kūparase'kṣipat || 59 ||
[Analyze grammar]

siddhāmṛtarasaspṛṣṭā vajrasārā mahaujasaḥ |
uttasthurmeghadalanā vaidyutā iva vahnayaḥ || 60 ||
[Analyze grammar]

vilokya bhagnasaṅkalpaṃ vimanaskaṃ vṛṣadhvajam |
tadāyaṃ bhagavānviṣṇustatropāyamakalpayat || 61 ||
[Analyze grammar]

vatsaścāsīttadā brahmā svayaṃ viṣṇurayaṃ hi gauḥ |
praviśya tripuraṃ kāle rasakūpāmṛtaṃ papau || 62 ||
[Analyze grammar]

te'surā hyapi paśyanto na nyaṣedhanvimohitāḥ |
tadvijñāya mahāyogī rasapālānidaṃ jagau || 63 ||
[Analyze grammar]

smayanviśokaḥ śokārtānsmarandaivagatiṃ ca tām |
devo'suro naro'nyo vā neśvaro'stīha kaścana || 64 ||
[Analyze grammar]

ātmano'nyasya vā diṣṭaṃ daivenāpohituṃ dvayoḥ |
athāsau śaktibhiḥ svābhiḥ śambhoḥ prādhānikaṃ vyadhāt || 65 ||
[Analyze grammar]

dharmajñānaviraktyṛddhi tapovidyākriyādibhiḥ |
rathaṃ sūtaṃ dhvajaṃ vāhāndhanurvarmaśarādi yat || 66 ||
[Analyze grammar]

sannaddho rathamāsthāya śaraṃ dhanurupādade |
śaraṃ dhanuṣi sandhāya muhūrte'bhijitīśvaraḥ || 67 ||
[Analyze grammar]

dadāha tena durbhedyā haro'tha tripuro nṛpa |
divi dundubhayo nedurvimānaśatasaṅkulāḥ || 68 ||
[Analyze grammar]

devarṣipitṛsiddheśā jayeti kusumotkaraiḥ |
avākiranjagurhṛṣṭā nanṛtuścāpsarogaṇāḥ || 69 ||
[Analyze grammar]

evaṃ dagdhvā purastisro bhagavānpurahā nṛpa |
brahmādibhiḥ stūyamānaḥ svaṃ dhāma pratyapadyata || 70 ||
[Analyze grammar]

evaṃ vidhānyasya hareḥ svamāyayā viḍambamānasya nṛlokamātmanaḥ |
vīryāṇi gītānyṛṣibhirjagadgurorlokaṃ punānānyaparaṃ vadāmi kim || 71 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 10

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: