Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

śrīrājovāca |
yayā guptaḥ sahasrākṣaḥ savāhānripusainikān |
krīḍanniva vinirjitya trilokyā bubhuje śriyam || 1 ||
[Analyze grammar]

bhagavaṃstanmamākhyāhi varma nārāyaṇātmakam |
yathātatāyinaḥ śatrūnyena gupto'jayanmṛdhe || 2 ||
[Analyze grammar]

śrībādarāyaṇiruvāca |
vṛtaḥ purohitastvāṣṭro mahendrāyānupṛcchate |
nārāyaṇākhyaṃ varmāha tadihaikamanāḥ śṛṇu || 3 ||
[Analyze grammar]

śrīviśvarūpa uvāca |
dhautāṅghripāṇirācamya sapavitra udaṅmukhaḥ |
kṛtasvāṅgakaranyāso mantrābhyāṃ vāgyataḥ śuciḥ || 4 ||
[Analyze grammar]

nārāyaṇaparaṃ varma sannahyedbhaya āgate |
pādayorjānunorūrvorudare hṛdyathorasi || 5 ||
[Analyze grammar]

mukhe śirasyānupūrvyādaoṃkārādīni vinyaset |
oṃ namo nārāyaṇāyeti viparyayamathāpi vā || 6 ||
[Analyze grammar]

karanyāsaṃ tataḥ kuryāddvādaśākṣaravidyayā |
praṇavādiyakārāntamaṅgulyaṅguṣṭhaparvasu || 7 ||
[Analyze grammar]

nyaseddhṛdaya oṃkāraṃ vikāramanu mūrdhani |
ṣakāraṃ tu bhruvormadhye ṇakāraṃ śikhayā nyaset || 8 ||
[Analyze grammar]

vekāraṃ netrayoryuñjyānnakāraṃ sarvasandhiṣu |
makāramastramuddiśya mantramūrtirbhavedbudhaḥ || 9 ||
[Analyze grammar]

savisargaṃ phaḍantaṃ tatsarvadikṣu vinirdiśet |
oṃ viṣṇave nama iti || 10 ||
[Analyze grammar]

ātmānaṃ paramaṃ dhyāyeddhyeyaṃ ṣaṭśaktibhiryutam |
vidyātejastapomūrtimimaṃ mantramudāharet || 11 ||
[Analyze grammar]

oṃ harirvidadhyānmama sarvarakṣāṃ nyastāṅghripadmaḥ patagendra pṛṣṭhe |
darāricarmāsigadeṣucāpa pāśāndadhāno'ṣṭaguṇo'ṣṭabāhuḥ || 12 ||
[Analyze grammar]

jaleṣu māṃ rakṣatu matsyamūrtiryādogaṇebhyo varuṇasya pāśāt |
sthaleṣu māyāvaṭuvāmano'vyāttrivikramaḥ khe'vatu viśvarūpaḥ || 13 ||
[Analyze grammar]

durgeṣvaṭavyājimukhādiṣu prabhuḥ pāyānnṛsiṃho'surayūthapāriḥ |
vimuñcato yasya mahāṭṭahāsaṃ diśo vinedurnyapataṃśca garbhāḥ || 14 ||
[Analyze grammar]

rakṣatvasau mādhvani yajñakalpaḥ svadaṃṣṭrayonnītadharo varāhaḥ |
rāmo'drikūṭeṣvatha vipravāse salakṣmaṇo'vyādbharatāgrajo'smān || 15 ||
[Analyze grammar]

māmugradharmādakhilātpramādānnārāyaṇaḥ pātu naraśca hāsāt |
dattastvayogādatha yoganāthaḥ pāyādguṇeśaḥ kapilaḥ karmabandhāt || 16 ||
[Analyze grammar]

sanatkumāro'vatu kāmadevāddhayaśīrṣā māṃ pathi devahelanāt |
devarṣivaryaḥ puruṣārcanāntarātkūrmo harirmāṃ nirayādaśeṣāt || 17 ||
[Analyze grammar]

dhanvantarirbhagavānpātvapathyāddvandvādbhayādṛṣabho nirjitātmā |
yajñaśca lokādavatājjanāntādbalo gaṇātkrodhavaśādahīndraḥ || 18 ||
[Analyze grammar]

dvaipāyano bhagavānaprabodhādbuddhastu pāṣaṇḍagaṇapramādāt |
kalkiḥ kaleḥ kālamalātprapātu dharmāvanāyorukṛtāvatāraḥ || 19 ||
[Analyze grammar]

māṃ keśavo gadayā prātaravyādgovinda āsaṅgavamāttaveṇuḥ |
nārāyaṇaḥ prāhṇa udāttaśaktirmadhyandine viṣṇurarīndra pāṇiḥ || 20 ||
[Analyze grammar]

devo'parāhṇe madhuhogradhanvā sāyaṃ tridhāmāvatu mādhavo mām |
doṣe hṛṣīkeśa utārdharātre niśītha eko'vatu padmanābhaḥ || 21 ||
[Analyze grammar]

śrīvatsadhāmāpararātra īśaḥ pratyūṣa īśo'sidharo janārdanaḥ |
dāmodaro'vyādanusandhyaṃ prabhāte viśveśvaro bhagavānkālamūrtiḥ || 22 ||
[Analyze grammar]

cakraṃ yugāntānalatigmanemi bhramatsamantādbhagavatprayuktam |
dandagdhi dandagdhyarisainyamāśu kakṣaṃ yathā vātasakho hutāśaḥ || 23 ||
[Analyze grammar]

gade'śanisparśanavisphuliṅge niṣpiṇḍhi niṣpiṇḍhyajitapriyāsi |
kuṣmāṇḍavaināyakayakṣarakṣo bhūtagrahāṃścūrṇaya cūrṇayārīn || 24 ||
[Analyze grammar]

tvaṃ yātudhānapramathapretamātṛ piśācavipragrahaghoradṛṣṭīn |
darendra vidrāvaya kṛṣṇapūrito bhīmasvano'rerhṛdayāni kampayan || 25 ||
[Analyze grammar]

tvaṃ tigmadhārāsivarārisainyamīśaprayukto mama chindhi chindhi |
cakṣūṃṣi carmanchatacandra chādaya dviṣāmaghonāṃ hara pāpacakṣuṣām || 26 ||
[Analyze grammar]

yanno bhayaṃ grahebhyo'bhūtketubhyo nṛbhya eva ca |
sarīsṛpebhyo daṃṣṭribhyo bhūtebhyoṃ'hobhya eva ca || 27 ||
[Analyze grammar]

sarvāṇyetāni bhagavannāmarūpānukīrtanāt |
prayāntu saṅkṣayaṃ sadyo ye naḥ śreyaḥpratīpakāḥ || 28 ||
[Analyze grammar]

garuḍo bhagavānstotra stobhaśchandomayaḥ prabhuḥ |
rakṣatvaśeṣakṛcchrebhyo viṣvaksenaḥ svanāmabhiḥ || 29 ||
[Analyze grammar]

sarvāpadbhyo harernāma rūpayānāyudhāni naḥ |
buddhīndri yamanaḥprāṇānpāntu pārṣadabhūṣaṇāḥ || 30 ||
[Analyze grammar]

yathā hi bhagavāneva vastutaḥ sadasacca yat |
satyenānena naḥ sarve yāntu nāśamupadravāḥ || 31 ||
[Analyze grammar]

yathaikātmyānubhāvānāṃ vikalparahitaḥ svayam |
bhūṣaṇāyudhaliṅgākhyā dhatte śaktīḥ svamāyayā || 32 ||
[Analyze grammar]

tenaiva satyamānena sarvajño bhagavānhariḥ |
pātu sarvaiḥ svarūpairnaḥ sadā sarvatra sarvagaḥ || 33 ||
[Analyze grammar]

vidikṣu dikṣūrdhvamadhaḥ samantādantarbahirbhagavānnārasiṃhaḥ |
prahāpaya lokabhayaṃ svanena svatejasā grastasamastatejāḥ || 34 ||
[Analyze grammar]

maghavannidamākhyātaṃ varma nārāyaṇātmakam |
vijeṣyase'ñjasā yena daṃśito'surayūthapān || 35 ||
[Analyze grammar]

etaddhārayamāṇastu yaṃ yaṃ paśyati cakṣuṣā |
padā vā saṃspṛśetsadyaḥ sādhvasātsa vimucyate || 36 ||
[Analyze grammar]

na kutaścidbhayaṃ tasya vidyāṃ dhārayato bhavet |
rājadasyugrahādibhyo vyādhyādibhyaśca karhicit || 37 ||
[Analyze grammar]

imāṃ vidyāṃ purā kaścitkauśiko dhārayandvijaḥ |
yogadhāraṇayā svāṅgaṃ jahau sa marudhanvani || 38 ||
[Analyze grammar]

tasyopari vimānena gandharvapatirekadā |
yayau citrarathaḥ strībhirvṛto yatra dvijakṣayaḥ || 39 ||
[Analyze grammar]

gaganānnyapatatsadyaḥ savimāno hyavākśirāḥ |
sa vālakhilyavacanādasthīnyādāya vismitaḥ |
prāsya prācīsarasvatyāṃ snātvā dhāma svamanvagāt || 40 ||
[Analyze grammar]

śrīśuka uvāca |
ya idaṃ śṛṇuyātkāle yo dhārayati cādṛtaḥ |
taṃ namasyanti bhūtāni mucyate sarvato bhayāt || 41 ||
[Analyze grammar]

etāṃ vidyāmadhigato viśvarūpācchatakratuḥ |
trailokyalakṣmīṃ bubhuje vinirjitya mṛdhe'surān || 42 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 8

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: