Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

sūta uvāca |
niśamya kauṣāraviṇopavarṇitaṃ |
dhruvasya vaikuṇṭhapadādhirohaṇam |
prarūḍhabhāvo bhagavatyadhokṣaje |
praṣṭuṃ punastaṃ viduraḥ pracakrame || 1 ||
[Analyze grammar]

vidura uvāca |
ke te pracetaso nāma kasyāpatyāni suvrata |
kasyānvavāye prakhyātāḥ kutra vā satramāsata || 2 ||
[Analyze grammar]

manye mahābhāgavataṃ nāradaṃ devadarśanam |
yena proktaḥ kriyāyogaḥ paricaryāvidhirhareḥ || 3 ||
[Analyze grammar]

svadharmaśīlaiḥ puruṣaiḥ bhagavān yajñapūruṣaḥ |
ijyamāno bhaktimatā nāradeneritaḥ kila || 4 ||
[Analyze grammar]

yāstā devarṣiṇā tatra varṇitā bhagavatkathāḥ |
mahyaṃ śuśrūṣave brahman kārtsnyenācaṣṭumarhasi || 5 ||
[Analyze grammar]

maitreya uvāca |
dhruvasya cotkalaḥ putraḥ pitari prasthite vanam |
sārvabhaumaśriyaṃ naicchad adhirājāsanaṃ pituḥ || 6 ||
[Analyze grammar]

sa janmanopaśāntātmā niḥsaṅgaḥ samadarśanaḥ |
dadarśa loke vitataṃ ātmānaṃ lokamātmani || 7 ||
[Analyze grammar]

ātmānaṃ brahma nirvāṇaṃ pratyastamitavigraham |
avabodharasaikātmyaṃ ānandaṃ anusantatam || 8 ||
[Analyze grammar]

avyavacchinnayogāgni dagdhakarmamalāśayaḥ |
svarūpamavarundhāno nātmano'nyaṃ tadaikṣata || 9 ||
[Analyze grammar]

jaḍāndhabadhironmatta mūkākṛtiratanmatiḥ |
lakṣitaḥ pathi bālānāṃ praśāntārciḥ ivānalaḥ || 10 ||
[Analyze grammar]

matvā taṃ jaḍamunmattaṃ kulavṛddhāḥ samaṃtriṇaḥ |
vatsaraṃ bhūpatiṃ cakruḥ yavīyāṃsaṃ bhrameḥ sutam || 11 ||
[Analyze grammar]

svarvīthirvatsarasyeṣṭā bhāryāsūta ṣaḍātmajān |
puṣpārṇaṃ tigmaketuṃ ca iṣamūrjaṃ vasuṃ jayam || 12 ||
[Analyze grammar]

puṣpārṇasya prabhā bhāryā doṣā ca dve babhūvatuḥ |
prātarmadhyandinaṃ sāyaṃ iti hyāsan prabhāsutāḥ || 13 ||
[Analyze grammar]

pradoṣo niśitho vyuṣṭa iti doṣāsutāstrayaḥ |
vyuṣṭaḥ sutaṃ puṣkariṇyāṃ sarvatejasamādadhe || 14 ||
[Analyze grammar]

sa cakṣuḥ sutamākūtyāṃ pat‍nyāṃ manuṃ avāpa ha |
manorasūta mahiṣī virajānnaḍvalā sutān || 15 ||
[Analyze grammar]

puruṃ kutsaṃ tritaṃ dyumnaṃ satyavantamṛtaṃ vratam |
agniṣṭomamatīrātraṃ pradyumnaṃ śibimulmukam || 16 ||
[Analyze grammar]

ulmuko'janayat putrān puṣkariṇyāṃ ṣaḍuttamān |
aṅgaṃ sumanasaṃ khyātiṃ kratuṃ aṅgirasaṃ gayam || 17 ||
[Analyze grammar]

1 sunīthāṅgasya yā pat‍nī suṣuve venamulbaṇam |
yaddauḥśīlyātsa rājarṣiḥ nirviṇṇo niragātpurāt || 18 ||
[Analyze grammar]

yamaṅga śepuḥ kupitā vāgvajrā munayaḥ kila |
gatāsostasya bhūyaste mamanthurdakṣiṇaṃ karam || 19 ||
[Analyze grammar]

arājake tadā loke dasyubhiḥ pīḍitāḥ prajāḥ |
jāto nārāyaṇāṃśena pṛthurādyaḥ kṣitīśvaraḥ || 20 ||
[Analyze grammar]

vidura uvāca |
tasya śīlanidheḥ sādhoḥ brahmaṇyasya mahātmanaḥ |
rājñaḥ kathamabhūd duṣṭā prajā yadvimanā yayau || 21 ||
[Analyze grammar]

kiṃ vāṃho vena uddiśya brahmadaṇḍaṃ ayūyujan |
daṇḍavratadhare rājñi munayo dharmakovidāḥ || 22 ||
[Analyze grammar]

nāvadhyeyaḥ prajāpālaḥ prajābhiraghavānapi |
yadasau lokapālānāṃ bibhartyojaḥ svatejasā || 23 ||
[Analyze grammar]

etadākhyāhi me brahman sunīthātmaja ceṣṭitam |
śraddadhānāya bhaktāya tvaṃ parāvaravittamaḥ || 24 ||
[Analyze grammar]

maitreya uvāca |
aṅgo'śvamedhaṃ rājarṣiḥ ājahāra mahākratum |
nājagmurdevatāstasmin āhūtā brahmavādibhiḥ || 25 ||
[Analyze grammar]

taṃ ūcuḥ vismitāstatra yajamānamathartvijaḥ |
havīṃṣi hūyamānāni na te gṛhṇanti devatāḥ || 26 ||
[Analyze grammar]

rājanhavīṃṣyaduṣṭāni śraddhayā'sāditāni te |
chandāṃsyayātayāmāni yojitāni dhṛtavrataiḥ || 27 ||
[Analyze grammar]

na vidāmeha devānāṃ helanaṃ vayamaṇvapi |
yanna gṛhṇanti bhāgān svān ye devāḥ karmasākṣiṇaḥ || 28 ||
[Analyze grammar]

maitreya uvāca |
aṅgo dvijavacaḥ śrutvā yajamānaḥ sudurmanāḥ |
tatpraṣṭuṃ vyasṛjad vācaṃ sadasyān tadanujñayā || 29 ||
[Analyze grammar]

nāgacchantyāhutā devā na gṛhṇanti grahāniha |
sadasaspatayo brūta kimavadyaṃ mayā kṛtam || 30 ||
[Analyze grammar]

sadasaspataya ūcuḥ |
naradeveha bhavato nāghaṃ tāvan manāk sthitam |
astyekaṃ prāktanamaghaṃ yadihedṛk tvamaprajaḥ || 31 ||
[Analyze grammar]

tathā sādhaya bhadraṃ te ātmānaṃ suprajaṃ nṛpa |
iṣṭaste putrakāmasya putraṃ dāsyati yajñabhuk || 32 ||
[Analyze grammar]

tathā svabhāgadheyāni grahīṣyanti divaukasaḥ |
yad yajñapuruṣaḥ sākṣād apatyāya harirvṛtaḥ || 33 ||
[Analyze grammar]

tāṃstān kāmān harirdadyādyān yān kāmayate janaḥ |
ārādhito yathaivaiṣa tathā puṃsāṃ phalodayaḥ || 34 ||
[Analyze grammar]

iti vyavasitā viprāḥ tasya rājñaḥ prajātaye |
puroḍāśaṃ niravapan śipiviṣṭāya viṣṇave || 35 ||
[Analyze grammar]

tasmātpuruṣa uttasthau hemamālyamalāmbaraḥ |
hiraṇmayena pātreṇa siddhamādāya pāyasam || 36 ||
[Analyze grammar]

sa viprānumato rājā gṛhītvāñjalinaudanam |
avaghrāya mudā yuktaḥ prādātpat‍nyā udāradhīḥ || 37 ||
[Analyze grammar]

sā tatpuṃsavanaṃ rājñī prāśya vai patyurādadhe |
garbhaṃ kāla upāvṛtte kumāraṃ suṣuve'prajā || 38 ||
[Analyze grammar]

sa bāla eva puruṣo mātāmahamanuvrataḥ |
adharmāṃśodbhavaṃ mṛtyuṃ tenābhavad adhārmikaḥ || 39 ||
[Analyze grammar]

sa śarāsanamudyamya mṛgayurvanagocaraḥ |
hantyasādhurmṛgān dīnān veno'sāvityaraujjanaḥ || 40 ||
[Analyze grammar]

ākrīḍe krīḍato bālān vayasyān atidāruṇaḥ |
prasahya niranukrośaḥ paśumāramamārayat || 41 ||
[Analyze grammar]

taṃ vicakṣya khalaṃ putraṃ śāsanaiḥ vividhairnṛpaḥ |
yadā na śāsituṃ kalpo bhṛśaṃ āsīt sudurmanāḥ || 42 ||
[Analyze grammar]

prāyeṇābhyarcito devo ye'prajā gṛhamedhinaḥ |
kadapatyabhṛtaṃ duḥkhaṃ ye na vindanti durbharam || 43 ||
[Analyze grammar]

yataḥ pāpīyasī kīrtiḥ adharmaśca mahān nṛṇām |
yato virodhaḥ sarveṣāṃ yata ādhiranantakaḥ || 44 ||
[Analyze grammar]

kastaṃ prajāpadeśaṃ vai mohabandhanamātmanaḥ |
paṇḍito bahu manyeta yadarthāḥ kleśadā gṛhāḥ || 45 ||
[Analyze grammar]

kadapatyaṃ varaṃ manye sadapatyācchucāṃ padāt |
nirvidyeta gṛhānmartyo yatkleśanivahā gṛhāḥ || 46 ||
[Analyze grammar]

evaṃ sa nirviṇṇamanā nṛpo gṛhāt |
niśītha utthāya mahodayodayāt |
alabdhanidro'nupalakṣito nṛbhiḥ |
hitvā gato venasuvaṃ prasuptām || 47 ||
[Analyze grammar]

vijñāya nirvidya gataṃ patiṃ prajāḥ |
purohitāmātyasuhṛd‍gaṇādayaḥ |
vicikyururvyāmatiśokakātarā |
yathā nigūḍhaṃ puruṣaṃ kuyoginaḥ || 48 ||
[Analyze grammar]

alakṣayantaḥ padavīṃ prajāpateḥ |
hatodyamāḥ pratyupasṛtya te purīm |
ṛṣīn sametān abhivandya sāśravo |
nyavedayan paurava bhartṛviplavam || 49 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
caturthaskandhe trayodaśo'dhyāyaḥ || 13 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 13

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: