Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

maitreya uvāca |
caramaḥ sadviśeṣāṇāṃ aneko'saṃyutaḥ sadā |
paramāṇuḥ sa vijñeyo nṛṇāmaikyabhramo yataḥ || 1 ||
[Analyze grammar]

sata eva padārthasya svarūpāvasthitasya yat |
kaivalyaṃ paramamahān aviśeṣo nirantaraḥ || 2 ||
[Analyze grammar]

evaṃ kālo'pyanumitaḥ saukṣmye sthaulye ca sattama |
saṃsthānabhuktyā bhagavān avyakto vyaktabhugvibhuḥ || 3 ||
[Analyze grammar]

sa kālaḥ paramāṇurvai yo bhuṅkte paramāṇutām |
sato'viśeṣabhugyastu sa kālaḥ paramo mahān || 4 ||
[Analyze grammar]

aṇurdvau paramāṇū syāt trasareṇustrayaḥ smṛtaḥ |
jālārkaraśmyavagataḥ khamevānupatannagāt || 5 ||
[Analyze grammar]

trasareṇutrikaṃ bhuṅkte yaḥ kālaḥ sa truṭiḥ smṛtaḥ |
śatabhāgastu vedhaḥ syāt taistribhistu lavaḥ smṛtaḥ || 6 ||
[Analyze grammar]

nimeṣastrilavo jñeya āmnātaste trayaḥ kṣaṇaḥ |
kṣaṇān pañca viduḥ kāṣṭhāṃ laghu tā daśa pañca ca || 7 ||
[Analyze grammar]

laghūni vai samāmnātā daśa pañca ca nāḍikā |
te dve muhūrtaḥ praharaḥ ṣaḍyāmaḥ sapta vā nṛṇām || 8 ||
[Analyze grammar]

dvādaśārdhapalonmānaṃ caturbhiścaturaṅgulaiḥ |
svarṇamāṣaiḥ kṛtacchidraṃ yāvat prasthajalaplutam || 9 ||
[Analyze grammar]

yāmāścatvāraścatvāro martyānāmahanī ubhe |
pakṣaḥ pañcadaśāhāni śuklaḥ kṛṣṇaśca mānada || 10 ||
[Analyze grammar]

tayoḥ samuccayo māsaḥ pitṝṇāṃ tadaharniśam |
dvau tāvṛtuḥ ṣaḍayanaṃ dakṣiṇaṃ cottaraṃ divi || 11 ||
[Analyze grammar]

ayane cāhanī prāhuḥ vatsaro dvādaśa smṛtaḥ |
saṃvatsaraśataṃ nṝṇāṃ paramāyurnirūpitam || 12 ||
[Analyze grammar]

graharkṣatārācakrasthaḥ paramāṇvādinā jagat |
saṃvatsarāvasānena paryetyanimiṣo vibhuḥ || 13 ||
[Analyze grammar]

saṃvatsaraḥ parivatsara iḍāvatsara eva ca |
anuvatsaro vatsaraśca viduraivaṃ prabhāṣyate || 14 ||
[Analyze grammar]

yaḥ sṛjyaśaktimurudhocchvasayan svaśaktyā |
puṃso'bhramāya divi dhāvati bhūtabhedaḥ |
kālākhyayā guṇamayaṃ kratubhirvitanvan |
tasmai baliṃ harata vatsarapañcakāya || 15 ||
[Analyze grammar]

vidura uvāca |
pitṛdevamanuṣyāṇāṃ āyuḥ paramidaṃ smṛtam |
pareṣāṃ gatimācakṣva ye syuḥ kalpād‍bahirvidaḥ || 16 ||
[Analyze grammar]

bhagavān veda kālasya gatiṃ bhagavato nanu |
viśvaṃ vicakṣate dhīrā yogarāddhena cakṣuṣā || 17 ||
[Analyze grammar]

maitreya uvāca |
kṛtaṃ tretā dvāparaṃ ca kaliśceti caturyugam |
divyairdvādaśabhirvarṣaiḥ sāvadhānaṃ nirūpitam || 18 ||
[Analyze grammar]

catvāri trīṇi dve caikaṃ kṛtādiṣu yathākramam |
saṅkhyātāni sahasrāṇi dviguṇāni śatāni ca || 19 ||
[Analyze grammar]

saṃdhyāṃśayorantareṇa yaḥ kālaḥ śatasaṅkhyayoḥ |
tamevāhuryugaṃ tajjñā yatra dharmo vidhīyate || 20 ||
[Analyze grammar]

dharmaścatuṣpānmanujān kṛte samanuvartate |
sa evānyeṣvadharmeṇa vyeti pādena vardhatā || 21 ||
[Analyze grammar]

trilokyā yugasāhasraṃ bahirābrahmaṇo dinam |
tāvatyeva niśā tāta yannimīlati viśvasṛk || 22 ||
[Analyze grammar]

niśāvasāna ārabdho lokakalpo'nuvartate |
yāvaddinaṃ bhagavato manūn bhuñjaṃścaturdaśa || 23 ||
[Analyze grammar]

svaṃ svaṃ kālaṃ manurbhuṅkte sādhikāṃ hyekasaptatim |
manvantareṣu manavaḥ tad vaṃśyā ṛṣayaḥ surāḥ |
bhavanti caiva yugapat sureśāścānu ye ca tān || 24 ||
[Analyze grammar]

eṣa dainandinaḥ sargo brāhmastrailokyavartanaḥ |
tiryaṅnṛpitṛdevānāṃ sambhavo yatra karmabhiḥ || 25 ||
[Analyze grammar]

manvantareṣu bhagavān bibhratsattvaṃ svamūrtibhiḥ |
manvādibhiridaṃ viśvaṃ avatyuditapauruṣaḥ || 26 ||
[Analyze grammar]

tamomātrāmupādāya pratisaṃruddhavikramaḥ |
kālenānugatāśeṣa āste tūṣṇīṃ dinātyaye || 27 ||
[Analyze grammar]

tamevānvapi dhīyante lokā bhūrādayastrayaḥ |
niśāyāṃ anuvṛttāyāṃ nirmuktaśaśibhāskaram || 28 ||
[Analyze grammar]

trilokyāṃ dahyamānāyāṃ śaktyā saṅkarṣaṇāgninā |
yāntyūṣmaṇā maharlokāt janaṃ bhṛgvādayo'rditāḥ || 29 ||
[Analyze grammar]

tāvat tribhuvanaṃ sadyaḥ kalpāntaidhitasindhavaḥ |
plāvayantyutkaṭāṭopa caṇḍavāteritormayaḥ || 30 ||
[Analyze grammar]

antaḥ sa tasmin salila āste'nantāsano hariḥ |
yoganidrānimīlākṣaḥ stūyamāno janālayaiḥ || 31 ||
[Analyze grammar]

evaṃvidhairahorātraiḥ kālagatyopalakṣitaiḥ |
apakṣitamivāsyāpi paramāyurvayaḥśatam || 32 ||
[Analyze grammar]

yadardhamāyuṣastasya parārdhamabhidhīyate |
pūrvaḥ parārdho'pakrānto hyaparo'dya pravartate || 33 ||
[Analyze grammar]

pūrvasyādau parārdhasya brāhmo nāma mahānabhūt |
kalpo yatrābhavad‍brahmā śabdabrahmeti yaṃ viduḥ || 34 ||
[Analyze grammar]

tasyaiva cānte kalpo'bhūd yaṃ pādmamabhicakṣate |
yaddharernābhisarasa āsīt lokasaroruham || 35 ||
[Analyze grammar]

ayaṃ tu kathitaḥ kalpo dvitīyasyāpi bhārata |
vārāha iti vikhyāto yatrāsīt śūkaro hariḥ || 36 ||
[Analyze grammar]

kālo'yaṃ dviparārdhākhyo nimeṣa upacaryate |
avyākṛtasyānantasya anāderjagadātmanaḥ || 37 ||
[Analyze grammar]

kālo'yaṃ paramāṇvādiḥ dviparārdhānta īśvaraḥ |
naiveśituṃ prabhurbhūmna īśvaro dhāmamāninām || 38 ||
[Analyze grammar]

vikāraiḥ sahito yuktaiḥ viśeṣādibhirāvṛtaḥ |
āṇḍakośo bahirayaṃ pañcāśatkoṭivistṛtaḥ || 39 ||
[Analyze grammar]

daśottarādhikairyatra praviṣṭaḥ paramāṇuvat |
lakṣyate'ntargatāścānye koṭiśo hyaṇḍarāśayaḥ || 40 ||
[Analyze grammar]

tadāhurakṣaraṃ brahma sarvakāraṇakāraṇam |
viṣṇordhāma paraṃ sākṣāt puruṣasya mahātmanaḥ || 41 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
tṛtīyaskandhe ekādaśo'dhyāyaḥ || 11 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 11

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: