Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

śrīśuka uvāca |
atra sargo visargaśca sthānaṃ poṣaṇamūtayaḥ |
manvantareśānukathā nirodho muktirāśrayaḥ || 1 ||
[Analyze grammar]

daśamasya viśuddhyarthaṃ navānāmiha lakṣaṇam |
varṇayanti mahātmānaḥ śrutenārthena cāñjasā || 2 ||
[Analyze grammar]

bhūtamātrendriyadhiyāṃ janma sarga udāhṛtaḥ |
brahmaṇo guṇavaiṣamyāt visargaḥ pauruṣaḥ smṛtaḥ || 3 ||
[Analyze grammar]

sthitirvaikuṇṭhavijayaḥ poṣaṇaṃ tadanugrahaḥ |
manvantarāṇi saddharma ūtayaḥ karmavāsanāḥ || 4 ||
[Analyze grammar]

avatārānucaritaṃ hareścāsyānuvartinām |
puṃsāṃ īśakathāḥ proktā nānākhyāna upabṛṃhitāḥ || 5 ||
[Analyze grammar]

nirodho'syānuśayanaṃ ātmanaḥ saha śaktibhiḥ |
muktiḥ hitvānyathā rūpaṃ svarūpeṇa vyavasthitiḥ || 6 ||
[Analyze grammar]

ābhāsaśca nirodhaśca yataścādhyavasīyate |
sa āśrayaḥ paraṃ brahma paramātmeti śabdyate || 7 ||
[Analyze grammar]

yo'dhyātmiko'yaṃ puruṣaḥ so'sau evādhidaivikaḥ |
yaḥ tatra ubhaya vicchedaḥ sa smṛtohyādhibhautikaḥ || 8 ||
[Analyze grammar]

ekaṃ ekatarābhāve yadā na upalabhāmahe |
tritayaṃ tatra yo veda sa ātmā svāśrayāśrayaḥ || 9 ||
[Analyze grammar]

puruṣo'ṇḍaṃ vinirbhidya yadā'sau sa vinirgataḥ |
ātmano'yanamanvicchan apaḥ asrākṣīcchuciḥ śucīḥ || 10 ||
[Analyze grammar]

tāsvavātsīt svasṛṣṭāsu sahasraṃ parivatsarān |
tena nārāyaṇo nāma yadāpaḥ puruṣod‍bhavāḥ || 11 ||
[Analyze grammar]

dravyaṃ karma ca kālaśca svabhāvo jīva eva ca |
yadanugrahataḥ santi na santi yad upekṣayā || 12 ||
[Analyze grammar]

eko nānātvamanvicchan yogatalpāt samutthitaḥ |
vīryaṃ hiraṇmayaṃ devo māyayā vyasṛjat tridhā || 13 ||
[Analyze grammar]

adhidaivaṃ atha adhyātmaṃ adhibhūtamiti prabhuḥ |
athaikaṃ pauruṣaṃ vīryaṃ tridhā bhidyata tacchṛṇu || 14 ||
[Analyze grammar]

antaḥ śarīra ākāśāt puruṣasya viceṣṭataḥ |
ojaḥ saho balaṃ jajñe tataḥ prāṇo mahān asuḥ || 15 ||
[Analyze grammar]

anuprāṇanti yaṃ prāṇāḥ prāṇantaṃ sarvajantuṣu |
apānaṃtaṃ apānanti naradevaṃ ivānugāḥ || 16 ||
[Analyze grammar]

prāṇena ākṣipatā kṣut tṛḍ antarā jāyate vibhoḥ |
pipāsato jakṣataśca prāṅ mukhaṃ nirabhidyata || 17 ||
[Analyze grammar]

mukhataḥ tālu nirbhinnaṃ jihvā tatra upajāyate |
tato nānāraso jajñe jihvayā yo'dhigamyate || 18 ||
[Analyze grammar]

vivakṣormukhato bhūmno vahnirvāg vyāhṛtaṃ tayoḥ |
jale vai tasya suciraṃ nirodhaḥ samajāyata || 19 ||
[Analyze grammar]

nāsike nirabhidyetāṃ dodhūyati nabhasvati |
tatra vāyuḥ gandhavaho ghrāṇo nasi jighṛkṣataḥ || 20 ||
[Analyze grammar]

yadā'tmani nirālokaṃ ātmānaṃ ca didṛkṣataḥ |
nirbhinne hyakṣiṇī tasya jyotiḥ cakṣuḥ guṇagrahaḥ || 21 ||
[Analyze grammar]

bodhyamānasya ṛṣibhiḥ ātmanaḥ tat jighṛkṣataḥ |
karṇau ca nirabhidyetāṃ diśaḥ śrotraṃ guṇagrahaḥ || 22 ||
[Analyze grammar]

vastuno mṛdukāṭhinya laghugurvoṣṇa śītatām |
jighṛkṣataḥ tvaṅ nirbhinnā tasyāṃ roma mahīruhāḥ |
tatra cāntarbahirvātaḥ tvacā labdhaguṇo vṛtaḥ || 23 ||
[Analyze grammar]

hastau ruruhatuḥ tasya nānā karma cikīrṣayā |
tayostu balamindraśca ādānaṃ ubhayāśrayam || 24 ||
[Analyze grammar]

gatiṃ jigīṣataḥ pādau ruruhāte'bhikāmikām |
pad‍bhyāṃ yajñaḥ svayaṃ havyaṃ karmabhiḥ kriyate nṛbhiḥ || 25 ||
[Analyze grammar]

nirabhidyata śiśno vai prajānanda amṛtārthinaḥ |
upastha āsīt kāmānāṃ priyaṃ tad ubhayāśrayam || 26 ||
[Analyze grammar]

utsisṛkṣoḥ dhātumalaṃ nirabhidyata vai gudam |
tataḥ pāyustato mitra utsarga ubhayāśrayaḥ || 27 ||
[Analyze grammar]

āsisṛpsoḥ puraḥ puryā nābhidvāraṃ apānataḥ |
tatra apānaḥ tato mṛtyuḥ pṛthaktvaṃ ubhayāśrayam || 28 ||
[Analyze grammar]

āditsoḥ annapānānāṃ āsan kukṣyanna nāḍayaḥ |
nadyaḥ samudrāśca tayoḥ tuṣṭiḥ puṣṭiḥ tadāśraye || 29 ||
[Analyze grammar]

nididhyāsoḥ ātmamāyāṃ hṛdayaṃ nirabhidyata |
tato manaḥ tataścaṃdraḥ saṅkalpaḥ kāma eva ca || 30 ||
[Analyze grammar]

tvak carma māṃsa rudhira medo majjāsthi dhātavaḥ |
bhūmyaptejomayāḥ sapta prāṇo vyomāmbu vāyubhiḥ || 31 ||
[Analyze grammar]

guṇātmakān iṃdriyāṇi bhūtādi prabhavā guṇāḥ |
manaḥ sarva vikārātmā buddhirvijñānarūpiṇī || 32 ||
[Analyze grammar]

etad bhagavato rūpaṃ sthūlaṃ te vyāhṛtaṃ mayā |
mahyādibhiśca āvaraṇaiḥ aṣṭabhiḥ bahirāvṛtam || 33 ||
[Analyze grammar]

ataḥ paraṃ sūkṣmatamaṃ avyaktaṃ nirviśeṣaṇam |
anādimadhyanidhanaṃ nityaṃ vāṅ manasaḥ param || 34 ||
[Analyze grammar]

amunī bhagavad rūpe mayā te hyanuvarṇite |
ubhe api na gṛhṇanti māyāsṛṣṭe vipaścitaḥ || 35 ||
[Analyze grammar]

sa vācya vācakatayā bhagavān brahmarūpadhṛk |
nāmarūpakriyā dhatte sakarmākarmakaḥ paraḥ || 36 ||
[Analyze grammar]

prajāpatīn manūn devān ṛṣīn pitṛgaṇān pṛthak |
siddhacāraṇagandharvān vidyādhrāsura guhyakān || 37 ||
[Analyze grammar]

kinnarāpsaraso nāgān sarpān kimpuruṣoragān |
mātṛrakṣaḥpiśācāṃśca pretabhūtavināyakān || 38 ||
[Analyze grammar]

kūṣmāṇdonmāda vetālān yātudhānān grahānapi |
khagān mṛgān paśūn vṛkṣān girīn nṛpa sarīsṛpān || 39 ||
[Analyze grammar]

dvividhāścaturvidhā ye'nye jala sthala vanaukasaḥ |
kuśalāakuśalā miśrāḥ karmaṇāṃ gatayastvimāḥ || 40 ||
[Analyze grammar]

sattvaṃ rajastama iti tisraḥ suranṛnārakāḥ |
tatrāpyekaikaśo rājan bhidyante gatayastridhā |
yad ekaikataro'nyābhyāṃ svabhāva upahanyate || 41 ||
[Analyze grammar]

sa evedaṃ jagaddhātā bhagavān dharmarūpadhṛk |
puṣṇāti sthāpayan viśvaṃ tiryaṅnarasurādibhiḥ || 42 ||
[Analyze grammar]

tataḥ kālāgnirudrātmā yatsṛṣṭaṃ idamātmanaḥ |
saṃ niyacchati tatkāle ghanānīkaṃ ivānilaḥ || 43 ||
[Analyze grammar]

itthaṃ bhāvena kathito bhagavān bhagavattamaḥ |
na itthaṃ bhāvena hi paraṃ draṣṭuṃ arhanti sūrayaḥ || 44 ||
[Analyze grammar]

nāsya karmaṇi janmādau parasya anuvidhīyate |
kartṛtvapratiṣedhārthaṃ māyayāropitaṃ hi tat || 45 ||
[Analyze grammar]

ayaṃ tu brahmaṇaḥ kalpaḥ savikalpa udāhṛtaḥ |
vidhiḥ sādhāraṇo yatra sargāḥ prākṛtavaikṛtāḥ || 46 ||
[Analyze grammar]

parimāṇaṃ ca kālasya kalpalakṣaṇa vigraham |
yathā purastād vyākhyāsye pādmaṃ kalpamatho śrṛṇu || 47 ||
[Analyze grammar]

śaunaka uvāca |
yadāha no bhavān sūta kṣattā bhāgavatottamaḥ |
cacāra tīrthāni bhuvaḥ tyaktvā baṃdhūn sudustyajān || 48 ||
[Analyze grammar]

kṣattuḥ kauśāraveḥ tasya saṃvādo'dhyātmasaṃśritaḥ |
yadvā sa bhagavān tasmai pṛṣṭaḥ tattvaṃ uvāca ha || 49 ||
[Analyze grammar]

brūhi naḥ tad idaṃ saumya vidurasya viceṣṭitam |
bandhutyāga nimittaṃ ca yathaiva āgatavān punaḥ || 50 ||
[Analyze grammar]

sūta uvāca |
rājñā parīkṣitā pṛṣṭo yad avocat mahāmuniḥ |
tadvo'bhidhāsye śrṛṇuta rājñaḥ praśnānusārataḥ || 51 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
dvitīyaskaṃdhe daśamo'dhyāyaḥ || 10 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 10

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: