Bhagavata Purana [sanskrit]

140,807 words

This Sanskrit edition of the Bhagavatapurana. It is one of the traditional eighteen Mahapuranas presented as an encyclopedia of ancient Indian history and knowledge. The extant edition contains 12 books originally written in 18,000 Sanskrit verses

[English text for this chapter is available]

śrīśuka uvāca |
ātmamāyāmṛte rājan panparasyānubhavātmanaḥ |
na ghaṭetārthasambandhaḥ svapnadraṣṭurivāñjasā || 1 ||
[Analyze grammar]

bahurūpa ivābhāti māyayā bahurūpayā |
ramamāṇo guṇeṣvasyā mamāhamiti manyate || 2 ||
[Analyze grammar]

yarhi vāva mahimni sve parasmin kālamāyayoḥ |
rameta gatasammohaḥ tyaktvodāste tadobhayam || 3 ||
[Analyze grammar]

ātmatattvaviśuddhyarthaṃ yadāha bhagavānṛtam |
brahmaṇe darśayan rūpaṃ avyalīkavratādṛtaḥ || 4 ||
[Analyze grammar]

sa ādidevo jagatāṃ paro guruḥ |
svadhiṣṇyamāsthāya sisṛkṣayaikṣata |
tāṃ nādhyagachraddṛśamatra sammatāṃ |
prapañcanirmāṇavidhiryayā bhavet || 5 ||
[Analyze grammar]

sa cintayan dvyakṣaramekadāmbhasi |
upāśṛṇot dvirgaditaṃ vaco vibhuḥ |
sparśeṣu yatṣoḍaśamekaviṃśaṃ |
niṣkiñcanānāṃ nṛpa yaddhanaṃ viduḥ || 6 ||
[Analyze grammar]

niśamya tadvaktṛdidṛkṣayā diśo |
vilokya tatrānyadapaśyamānaḥ |
svadhiṣṇyamāsthāya vimṛśya taddhitaṃ |
tapasyupādiṣṭa ivādadhe manaḥ || 7 ||
[Analyze grammar]

divyaṃ sahasrābdamamoghadarśano |
jitānilātmā vijitobhayendriyaḥ |
atapyata smākhilalokatāpanaṃ |
tapastapīyāṃstapatāṃ samāhitaḥ || 8 ||
[Analyze grammar]

tasmai svalokaṃ bhagavān sabhājitaḥ |
sandarśayāmāsa paraṃ na yatparam |
vyapetasaṅkleśavimohasādhvasaṃ |
svadṛṣṭavadbhiḥ vibudhairabhiṣṭutam || 9 ||
[Analyze grammar]

pravartate yatra rajastamastayoḥ |
sattvaṃ ca miśraṃ na ca kālavikramaḥ |
na yatra māyā kimutāpare hareḥ |
anuvratā yatra surāsurārcitāḥ || 10 ||
[Analyze grammar]

śyāmāvadātāḥ śatapatralocanāḥ |
piśaṅgavastrāḥ surucaḥ supeśasaḥ |
sarve caturbāhava unmiṣanmaṇi |
pravekaniṣkābharaṇāḥ suvarcasaḥ |
pravālavaidūryamṛṇālavarcasaḥ |
parisphuratkuṇḍala maulimālinaḥ || 11 ||
[Analyze grammar]

bhrājiṣṇubhiryaḥ parito virājate |
lasadvimānāvalibhirmahātmanām |
vidyotamānaḥ pramadottamādyubhiḥ |
savidyudabhrāvalibhiryathā nabhaḥ || 12 ||
[Analyze grammar]

śrīryatra rūpiṇyurugāyapādayoḥ |
karoti mānaṃ bahudhā vibhūtibhiḥ |
preṅkhaṃ śritā yā kusumākarānugaiḥ |
vigīyamānā priyakarma gāyatī || 13 ||
[Analyze grammar]

dadarśa tatrākhilasātvatāṃ patiṃ |
śriyaḥ patiṃ yajñapatiṃ jagatpatim |
sunaṃdanaṃdaprabalārhaṇādibhiḥ |
svapārṣadāgraiḥ parisevitaṃ vibhum || 14 ||
[Analyze grammar]

bhṛtyaprasādābhimukhaṃ dṛgāsavaṃ |
prasannahāsāruṇalocanānanam |
kirīṭinaṃ kuṇḍalinaṃ caturbhujaṃ |
pītāṃśukaṃ vakṣasi lakṣitaṃ śriyā || 15 ||
[Analyze grammar]

adhyarhaṇīyāsanamāsthitaṃ paraṃ |
vṛtaṃ catuḥṣoḍaśapañcaśaktibhiḥ |
yuktaṃ bhagaiḥ svairitaratra cādhruvaiḥ |
sva eva dhāman ramamāṇamīśvaram || 16 ||
[Analyze grammar]

taddarśanāhlādapariplutāntaro |
hṛṣyattanuḥ premabharāśrulocanaḥ |
nanāma pādāmbujamasya viśvasṛg |
yat pāramahaṃsyena pathādhigamyate || 17 ||
[Analyze grammar]

taṃ prīyamāṇaṃ samupasthitaṃ kaviṃ |
prajāvisarge nijaśāsanārhaṇam |
babhāṣa īṣatsmitaśociṣā girā |
priyaḥ priyaṃ prītamanāḥ kare spṛśan || 18 ||
[Analyze grammar]

śrībhagavānuvāca |
tvayāhaṃ toṣitaḥ samyag vedagarbha sisṛkṣayā |
ciraṃ bhṛtena tapasā dustoṣaḥ kūṭayoginām || 19 ||
[Analyze grammar]

varaṃ varaya bhadraṃ te vareśaṃ mābhivāñchitam |
brahmañchreyaḥ pariśrāmaḥ puṃsāṃ maddarśanāvadhiḥ || 20 ||
[Analyze grammar]

manīṣitānubhāvo'yaṃ mama lokāvalokanam |
yadupaśrutya rahasi cakartha paramaṃ tapaḥ || 21 ||
[Analyze grammar]

pratyādiṣṭaṃ mayā tatra tvayi karmavimohite |
tapo me hṛdayaṃ sākṣād ātmā'haṃ tapaso'nagha || 22 ||
[Analyze grammar]

sṛjāmi tapasaivedaṃ grasāmi tapasā punaḥ |
bibharmi tapasā viśvaṃ vīryaṃ me duścaraṃ tapaḥ || 23 ||
[Analyze grammar]

brahmovāca |
bhagavan sarvabhūtānāṃ adhyakṣo'vasthito guhām |
veda hyapratiruddhena prajñānena cikīrṣitam || 24 ||
[Analyze grammar]

tathāpi nāthamānasya nātha nāthaya nāthitam |
parāvare yathā rūpe jānīyāṃ te tvarūpiṇaḥ || 25 ||
[Analyze grammar]

yathātmamāyāyogena nānāśaktyupabṛṃhitam |
vilumpan visṛjan gṛhṇan bibhradātmānamātmanā || 26 ||
[Analyze grammar]

krīḍasyamoghasaṅkalpa ūrṇanābhiryathorṇute |
tathā tadviṣayāṃ dhehi manīṣāṃ mayi mādhava || 27 ||
[Analyze grammar]

bhagavacchikṣitamahaṃ karavāṇi hyatandritaḥ |
nehamānaḥ prajāsargaṃ badhyeyaṃ yadanugrahāt || 28 ||
[Analyze grammar]

yāvatsakhā sakhyuriveśa te kṛtaḥ |
prajāvisarge vibhajāmi bho janam |
aviklabaste parikarmaṇi sthito |
mā me samunnaddhamado'jamāninaḥ || 29 ||
[Analyze grammar]

śrībhagavānuvāca |
jñānaṃ paramaguhyaṃ me yadvijñānasamanvitam |
sarahasyaṃ tadaṅgaṃ ca gṛhāṇa gaditaṃ mayā || 30 ||
[Analyze grammar]

yāvānahaṃ yathābhāvo yad rūpaguṇakarmakaḥ |
tathaiva tattvavijñānaṃ astu te madanugrahāt || 31 ||
[Analyze grammar]

ahamevāsameko'gre nānyat yatsadasatparam |
paścādahaṃ yadetacca yo'vaśiṣyeta so'smyaham || 32 ||
[Analyze grammar]

ṛte'rthaṃ yatpratīyeta na pratīyeta cātmani |
tadvidyād ātmano māyāṃ yathābhāso yathā tamaḥ || 33 ||
[Analyze grammar]

yathā mahānti bhūtāni bhūteṣūccāvaceṣvanu |
praviṣṭāni apraviṣṭāni tathā teṣu na teṣvaham || 34 ||
[Analyze grammar]

etāvadeva jijñāsyaṃ tattvajijñāsunā'tmanaḥ |
anvayavyatirekābhyāṃ yatsyāt sarvatra sarvadā || 35 ||
[Analyze grammar]

etanmataṃ samātiṣṭha parameṇa samādhinā |
bhavān kalpavikalpeṣu na vimuhyati karhicit || 36 ||
[Analyze grammar]

śrīśuka uvāca |
sampradiśyaivamajano janānāṃ parameṣṭhinam |
paśyataḥ tasya tad rūpaṃ ātmano nyaruṇaddhariḥ || 37 ||
[Analyze grammar]

antarhitendriyārthāya haraye vihitāñjaliḥ |
sarvabhūtamayo viśvaṃ sasarjedaṃ sa pūrvavat || 38 ||
[Analyze grammar]

prajāpatirdharmapatiḥ ekadā niyamān yamān |
bhadraṃ prajānāmanvicchan nātiṣṭhatsvārthakāmyayā || 39 ||
[Analyze grammar]

taṃ nāradaḥ priyatamo rikthādānāmanuvrataḥ |
śuśrūṣamāṇaḥ śīlena praśrayeṇa damena ca || 40 ||
[Analyze grammar]

māyāṃ vividiṣan viṣṇoḥ māyeśasya mahāmuniḥ |
mahābhāgavato rājan pitaraṃ paryatoṣayat || 41 ||
[Analyze grammar]

tuṣṭaṃ niśāmya pitaraṃ lokānāṃ prapitāmaham |
devarṣiḥ paripapraccha bhavān yanmānupṛcchati || 42 ||
[Analyze grammar]

tasmā idaṃ bhāgavataṃ purāṇaṃ daśalakṣaṇam |
proktaṃ bhagavatā prāha prītaḥ putrāya bhūtakṛt || 43 ||
[Analyze grammar]

nāradaḥ prāha munaye sarasvatyāstaṭe nṛpa |
dhyāyate brahma paramaṃ vyāsāya amitatejase || 44 ||
[Analyze grammar]

yadutāhaṃ tvayā pṛṣṭo vairājātpuruṣādidam |
yathāsīt tadupākhyāste praśnān anyāṃśca kṛtsnaśaḥ || 45 ||
[Analyze grammar]

iti śrīmadbhāgavate mahāpurāṇe pāramahaṃsyāṃ saṃhitāyāṃ |
dvitīyaskaṃdhe navamo'dhyāyaḥ || 9 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 9

Cover of edition (2012)

Shrimad Bhagavat Maha Puranam
by (2012)

Publisher: Gita Press, Gorakhpur; 768 pages.

Buy now!
Cover of edition (1999)

Bhagavata Purana: With the Commentary of Sridhara Svamin
by (1999)

Publisher: Motilal Banarsidass Publishers Pvt. Ltd.; 829 pages. Edited By: Prof. J.L. Shastri

Buy now!
Cover of edition (2011)

The Bhagavata Purana (5 Volumes)
by G. P. Bhatt (2011)

Publisher: Motilal Banarsidass Publishers Pvt. Ltd.; 2241 pages. Edited By: Prof. J.L. Shastri

Buy now!
Cover of edition (2013)

The Srimad Bhagavata Purana: Hindi Translation and Detailed Explanation
by Bhaktivedanta Swami Prabhupada (2013)

Publisher: The Bhaktivedanta Book Trust; 17691 pages; 18 volumes; Sanskrit Text, Word-to-Word Meaning, Hindi Translation and Detailed Explanation

Buy now!
Cover of Bengali edition

Srimad Bhagavat Mahapurana in Bengali
by (2018)

Publisher: Gita Press, Gorakhpur; 2035 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: