Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.75
vyāsaprasādācchrutavānetadguhyamahaṃ param |
yogaṃ yogeśvarātkṛṣṇātsākṣātkathayataḥ svayam ||75||
The Subodhinī commentary by Śrīdhara
ātmanastacchravaṇe sambhāvanāmāha vyāsaprasādāditi | bhagavatā vyāsena divyaṃ cakṣuḥ śrotrādi machyaṃ dattamato vyāsasya prasādātetatahaṃ śrutavānasmi | kiṃ tadityapekṣāyāmāha paraṃ yogam | paratvaṃ āviṣkaroti yogeśvarātśrīkṛṣṇātsvayameva sākṣātkathayataḥ śrutavāniti ||75||
The Gītābhūṣaṇa commentary by Baladeva
vyavahitatatsaṃvādaśravaṇe svayogyatāmāha vyāseti | vyāsaprasādāttaddattadivyacakṣuḥśrotrādilābharūpādetadguhyaṃ śrutavān | kimetadityāha paraṃ yogamiti | karmayogaṃ jñānayogaṃ bhaktiyogaṃ cetyarthaḥ | paratvaṃ sampādayati yogeśvarāditi | devamānavādinikhilaprāṇināṃ svabhāvyasambandho yogaḥ | teṣāmadhīśānniyantuḥ svayaṃrūpātkṛṣṇātsvamukhenaiva, na tu paramparayā kathayataḥ | śrutavānasmīti svabhāgyaṃ ślāghyate ||75||
__________________________________________________________