Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.47
śreyān svadharmo viguṇaḥ paradharmotsvanuṣṭhitāt |
svabhāvaniyataṃ karma kurvannāpnoti kilbiṣam ||47||
The Subodhinī commentary by Śrīdhara
svakarmeti viśeṣaṇasya phalamāha śreyāniti | viguṇo'pi svadharmaḥ samyaganuṣṭhitādapi paradharmātśreyān śreṣṭhaḥ | na ca bandhuvadhādimuktādyuddhādeḥ svadharmādbhikṣāṭanādi paradharmaḥ śreṣṭha iti mantavyam | yataḥ svabhāvena pūrvoktena niyataṃ niyamenoktaṃ karma kurvan kilbiṣaṃ nāpnoti ||47||
The Sārārthavarṣiṇī commentary by Viśvanātha
na ca kriyādibhiḥ svadharmaṃ rājasaṃ ca vīkṣya tatra anabhirucyā sāttvikaṃ karma kartavyamityāha śreyāniti | paradharmātśreṣṭhādapi svanuṣṭhitātsamyaganuṣṭhitād api svadharmo viguṇo nikṛṣṭo'pi samyaganuṣṭhātumaśakyo'pi śreṣṭhaḥ | tena bandhuvadhādidoṣavattātsvadharmaṃ yuddhaṃ tyaktvā bhikṣāṭanādirūpaparadharmastvayā nānusṭheya iti bhāvaḥ ||47||
The Gītābhūṣaṇa commentary by Baladeva
nanu kṣatriyādidharmāṇāṃ rājasāditvātteṣu ruciśūnyaiḥ kṣatriyādibhiḥ sāttviko brahmadharma evānuṣṭheya iti cettatrāha śreyāniti | svadharmo viguṇaḥ nikṛṣṭo'pi samyaganuṣṭhito'pi vā paradharmādutkṛṣṭātsvanuṣṭhitācca śreyānatipraśasto vihitatvāt |
__________________________________________________________