Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.26
muktasaṅgonahaṃvādī dhṛtyutsāhasamanvitaḥ |
siddhyasiddhyornirvikāraḥ kartā sāttvika ucyate ||26||
The Subodhinī commentary by Śrīdhara
kartāraṃ trividhamāha muktasaṅga iti tribhiḥ | muktasaṅgastyaktābhiniveśaḥ | anahaṃvādī garvoktirahitaḥ | dhṛtirdhairyam | utsāha udyamaḥ | tābhyāṃ samanvitaḥ saṃyuktaḥ | ārabdhasya karmaṇaḥ siddhāvasiddhau ca nirvikāro harṣaviṣādaśūnyaḥ | evambhūtaḥ kartā sāttvika ucyate ||26||
The Sārārthavarṣiṇī commentary by Viśvanātha
trividhaṃ karmoktam | trividhaṃ kartāramāha muktasaṅga iti ||26||
The Gītābhūṣaṇa commentary by Baladeva
atha kartṛtraividhyamāha mukteti tribhiḥ | muktasaṅgaḥ kartṛtvābhiniveśaphalecchāśūnyaḥ | anahaṃvādī garvokti śūnyaḥ | dhṛtirārabdhakarmapūrtiparyantāvarjanīyaduḥkhasahiṣṇutā | utsāhastadanuṣṭhānodyatacittatā tābhyāṃ samanvitaḥ | ānuṣaṅgikaphalasya siddhāvasiddhau ca nirvikāro sukhena duḥkhena ca rahitaḥ | īdṛśaḥ kartā sāttvikaḥ ||26||
__________________________________________________________