Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.25
anubandhaṃ kṣayaṃ hiṃsāmanapekṣya ca pauruṣam |
mohādārabhyate karma yattattāmasamucyate ||25||
The Subodhinī commentary by Śrīdhara
tāmasaṃ karmāha anubandhamiti | anubadhyata iti anubandhaḥ paścādbhāvi śubhāśubham | kṣayaṃ vittavyayam | hiṃsāṃ parapīḍām | pauruṣaṃ ca svasāmarthyamanapekṣyāparyālocya kevalaṃ mohādeva yatkarmārabhyate tattāmasamucyate ||25||
The Sārārthavarṣiṇī commentary by Viśvanātha
anu karmānuṣṭhānānantaramāyatyāṃ bhāvinaṃ bandhaṃ rājadasyuyamadūtādibhirbandhanam | kṣayaṃ dharmajñānādyapacayam | hiṃsāṃ svasya nāśaṃ ca anapekṣyāparyālocya pauruṣaṃ vyavahārikapuruṣamātrakartavyaṃ karma mohādajñānādeva yadārabhyate tattāmasam ||25||
The Gītābhūṣaṇa commentary by Baladeva
anu karmānuṣṭhānānantaraṃ bandhaṃ rājadūtayamadūtakṛtam | kṣayaṃ dharmādivināśam | hiṃsāṃ prāṇipīḍām | pauruṣaṃ sabalaṃ cānavekṣya yatkarma mohādārabhyate tattāmasam ||25||
__________________________________________________________