Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.16
tatraivaṃ sati kartāramātmānaṃ kevalaṃ tu yaḥ |
paśyatyakṛtabuddhitvānna sa paśyati durmatiḥ ||16||
The Subodhinī commentary by Śrīdhara
tataḥ kiṃ ? ata āha tatreti | tatra sarvasmin karmaṇi ete pañca hetava iti | evaṃ sati kevalaṃ nirupādhimasaṅgamātmānaṃ tu yaḥ kartāraṃ paśyati śāstrācāryopadeśābhyāmasaṃskṛtabuddhitvāddurmatirasau samyakna paśyati |
The Sārārthavarṣiṇī commentary by Viśvanātha
tataḥ kiṃ ? ata āha tatreti | tatra sarvasmin karmaṇi ete pañcaiva hetava ityevaṃ sati kevalaṃ vastutaḥ niḥsaṅgamevātmānaṃ jīvaṃ yaḥ kartāraṃ paśyati, so'haṅkṛtabuddhitvādasaṃskṛtabuddhitvāddurmatirnaiva paśyati | so'jñānī anda evocyata iti bhāvaḥ |
The Gītābhūṣaṇa commentary by Baladeva
tataḥ kiṃ ? ata āha tatreti | tatreti | evaṃ sati jīvasya kartṛtve pareśānumatipūrvake taddattadehādisāpekṣe ca sati, tatra karmaṇi kevalamevātmānaṃ jīvameva yaḥ kartāraṃ paśyati | sa durmatirakṛtabuddhitvādalabdhajñānatvānna paśyati yathāndhaḥ
__________________________________________________________