Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 18.15
śarīravāṅmanobhiryatkarma prārabhate naraḥ |
nyāyyaṃ vā viparītaṃ vā pañcaite tasya hetavaḥ ||15||
The Subodhinī commentary by Śrīdhara
eteṣāmeva sarvakarmahetutvamāha śarīreti | yathoktaiḥ pañcabhiḥ prārabhyamānaṃ karma triṣvevāntarbhāvyam | śarīravāṅmanobhirityuktaṃ śārīraṃ vācikaṃ mānasaṃ ca trividhaṃ karmeti prasiddheḥ | śarīrādibhiḥ yatkarma dharmyamadharmyaṃ vā karoti narastasya karmaṇa ete pañca hetavaḥ |
The Sārārthavarṣiṇī commentary by Viśvanātha
śarīrādibhiriti śārīraṃ vācikaṃ mānasaṃ ceti karma trividham | tacca sarvaṃ dvividham | nyāyyaṃ dharmyaṃ viparītamanyāyyamadharmyam | tasya sarvasyāpi karmaṇa ete pañcahetavaḥ |
The Gītābhūṣaṇa commentary by Baladeva
śarīreti nyāyyaṃ śāstrīyam, viparītamaśāstrīyam || 15 ||
__________________________________________________________