Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 17.19
mūḍhagrāheṇātmano yatpīḍayā kriyate tapaḥ |
parasyotsādanārthaṃ vā tattāmasamudāhṛtam ||19||
The Subodhinī commentary by Śrīdhara
tāmasaṃ tapa āha mūḍheti | mūḍhagrāheṇāvivekakṛtena durāgraheṇātmanā pīḍayā yattapaḥ kriyate | parasyotsādanārthaṃ vā anyasya vināśārthamabhicārarūpaṃ tattāmasamudāhṛtaṃ kathitam ||19||
The Gūḍhārthadīpikā commentary by Madhusūdana
mūḍhagrāheṇāvivekātiśayakṛtena durāgraheṇātmano dehendriyasaṃghātasya pīḍayā yattapaḥ kriyate parasyotsādanārthaṃ vānyasya vināśārthamabhicārarūpaṃ vā tattāmasamudāhṛtaṃ śiṣṭaiḥ ||19||
The Sārārthavarṣiṇī commentary by Viśvanātha
mūḍhagrāheṇa mauḍhyagrahaṇena | parasyotsādanārthaṃ vināśārtham ||19||
The Gītābhūṣaṇa commentary by Baladeva
mūḍhagrāheṇāvivekajena durāgraheṇātmanā dehendriyādeḥ pīḍayā ca yattapaḥ parasyotsādanārthaṃ vināśāya vā kriyate tattāmasam ||19||
__________________________________________________________