Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 14.15
rajasi pralayaṃ gatvā karmasaṅgiṣu jāyate |
tathā pralīnastamasi mūḍhayoniṣu jāyata ||15||
The Subodhinī commentary by Śrīdhara
kiṃ ca rajasīti | rajasi pravṛddhe sati mṛtyuṃ prāpya karmāsakteṣu manuṣyeṣu jāyate | tathā tamasi pravṛddhe sati pralīno mṛto mūḍhayoniṣu jāyate ||15||
The Gūḍhārthadīpikā commentary by Madhusūdana
rajasi pravṛddhe sati pralayaṃ mṛtyuṃ gatvā prāpya karmasaṅgiṣu śrutismṛtivihitapratiṣiddhakarmaphalādhikāriṣu manuṣyeṣu jāyate | tathā tadvadeva tamasi pravṛddhe pralīno mṛto mūḍhayoniṣu paśvādiṣu jāyate ||15||
The Sārārthavarṣiṇī commentary by Viśvanātha
karmasaṅgiṣu karmāsaktamanuṣyeṣu ||15||
The Gītābhūṣaṇa commentary by Baladeva
rajasi pravṛddhe pralayṃ maraṇaṃ gatvā janaḥ karmasaṅgiṣu kāmyakarmāsakteṣu nṛṣu madhye jāyate | tathā tamasi pravṛddhe pralīno mṛto jano mūḍhayoniṣu paśvādiṣu ||15||
__________________________________________________________