Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.23
rūpaṃ mahatte bahuvaktranetraṃ
mahābāho bahubāhūrupādam |
bahūdaraṃ bahudaṃṣṭrākarālaṃ
dṛṣṭvā lokāḥ pravyathitāstathāham ||23||
The Subodhinī commentary by Śrīdhara
kiṃ ca rūpamiti | he mahābāho mahadatyūrjitaṃ tava rūpaṃ dṛṣṭvā lokāḥ sarve pravyathitā atibhītāḥ | tathāhaṃ ca pravyathito'smi | kīdṛśaṃ rūpaṃ dṛṣṭvā | bahūni vaktrāṇi netrāṇi ca yasmiṃstat | bahavo bāhava ūravaḥ pādāśca yasmiṃstat | bahūnyudarāṇi yasmiṃstat | bahvībhirdaṃṣṭrābhiḥ karālaṃ vikṛtam | raudramityarthaḥ ||23||
The Gūḍhārthadīpikā commentary by Madhusūdana
lokatrayaṃ pravyathitamityuktamupasaṃharati rūpamiti | he mahābāho te tava rūpaṃ dṛṣṭvā lokāḥ sarve'pi prāṇinaḥ pravyathitāstathāhaṃ pravyathito bhayena | kīdṛśaṃ te rūpaṃ ? mahadatipramāṇam | bahūni vaktrāṇi netrāṇi ca yasmiṃstat | bahavo bāhava ūravaḥ pādāśca yasmiṃstat | bahūnyudarāṇi yasmiṃstat | bahubhirdaṃṣṭrābhiḥ karālamatibhayānakaṃ dṛṣṭvaiva matsahitāḥ sarve lokā bhayena pīḍitā ityarthaḥ ||23||
The Gītābhūṣaṇa commentary by Baladeva
lokatrayaṃ pravyathitamityuktamupasaṃharati rūpaṃ mahaditi | bahubhirdaṃṣṭrābhiḥ karālaṃ raudram | sphuṭamanyat | tathāhamityasyottareṇa sambandhaḥ ||23||
__________________________________________________________