![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 11.6
paśyādityān vasūn rudrānaśvinau marutastathā |
bahūnyadṛṣṭapūrvāṇi paśyāścaryāṇi bhārata ||6||
The Subodhinī commentary by Śrīdhara
tānyeva paśyeti | ādityādīnmama dehe paśya | maruta ekonapañcāśaddevatāviśeṣān | adṛṣṭapūrvāṇi tvayā vānyena vā pūrvamadṛṣṭāni rūpāṇi | āścaryāṇyadbhutāni ||6||
The Gūḍhārthadīpikā commentary by Madhusūdana
divyāni rūpāṇi paśyetyuktvā tānyeva leśato'nukrāmati dvābhyāṃ paśyeti | paśyādityān dvādaśa vasūnaṣṭau rudrānekādaśa aśvinau dvau marutaḥ saptasaptakānekonapañcāśat | tathānyānapi devānityarthaḥ | bahūnyanyānyadṛṣṭapūrvāṇi pūrvamadṛṣṭāni manuṣyaloke tvayā tvatto'nyena vā kenacit | paśyāścaryāṇyadbhutāni he bhārata ! atra śataśo'tha sahasraśaḥ nānāvidhānītyasya vivaraṇaṃ bahūnīti ādityanyityādi ca | adṛṣṭapūrvāṇīti divyānītyasya āścaryāṇīti nānāvarṇākṛtīnītyasyeti draṣṭavyam ||6||
The Gītābhūṣaṇa commentary by Baladeva
kiṃ cedha mama dehe ekasthamekadeśasthitaṃ sacarācaraṃ kṛtsnaṃ jagattvamadyādhunaiva paśya | yattatra tatra paribhramatā tvayā varṣāyutairapi draṣṭumaśakyam | tadaikadaivaikatraiva madanugrahādavalokasvetyarthaḥ | yacca jagadāśrayabhūtaṃ pradhānamahadādikāraṇasvarūpaṃ svajayaparājayādikaṃ cānyaddraṣṭumicchāmi tadapi paśya ||6||
__________________________________________________________