Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 6.39
etanme saṃśayaṃ kṛṣṇa chettumarhasyaśeṣataḥ |
tvadanyaḥ saṃśayasyāsya chettā na hyupapadyate ||39||
The Subodhinī commentary by Śrīdhara
tvayaiva sarvajñenāyaṃ mama sandeho nirasanīyaḥ | tvatto'nyastvetatsandehanivartako nāsti ityāha etaditi etadenam | chettvā nivartakaḥ spaṣṭamanyat ||39||
The Gūḍhārthadīpikā commentary by Madhusūdana
yathopadarśitasaṃśayāpākaraṇāya bhagavantamantaryāmiṇamarthayate pārthaḥ etanma iti | etadevaṃ pūrvopadarśitaṃ me mama saṃśayaṃ he kṛṣṇa cchettumapanetumarhasyaśeṣataḥ saṃśayamūlādharmādyucchedena | madanyaḥ kaścidṛṣirvā devo vā tvadīyamimaṃ saṃśayamucchetsyatītyāśaṅkyāha tvadanya iti | tvatparameśvarātsarvajñācchāstrakṛtaḥ paramaguroḥ kāruṇikādanyo'nīśvaratvena asarvajñaḥ kaścidṛṣirvā devo vāsya yogabhraṣṭaparalokagativiṣayasya saṃśayasya cchettā samyaguttaradānena nāśayitā hi yasm¨nnopapadyate na sambhavati tasmāttvam
eva pratyakṣadarśī sarvasya paramaguruḥ saṃśayametaṃ mama cchettumarhasītyarthaḥ ||39||
The Sārārthavarṣiṇī commentary by Viśvanātha
etadetam ||39||
The Gītābhūṣaṇa commentary by Baladeva
etaditi klībtvamārṣam | tvaditi sarveśvarātsarvajñatvatto'nyo'nīśvaro'lpajñaḥ kaścidṛṣiḥ ||39||
__________________________________________________________