![Bhagavad-gita with four Commentaries [sanskrit] - book cover](/uploads/a/Gita-Bhushana.jpg)
Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 4.30
apare niyatāhārāḥ prāṇān prāṇeṣu juhvati |
sarve'pyete yajñavido yajñakṣapitakalmaṣāḥ ||30||
The Subodhinī commentary by Śrīdhara
tadevamuktānāṃ dvādaśānāṃ yajñavidāṃ phalamāha sarve'pīti | yajñān vindanti labhanta iti yajñavidaḥ | yajñajñā iti vā | yajñaiḥ kṣayitaṃ nāśitaṃ kalmaṣaṃ yaiste ||30||
The Gūḍhārthadīpikā commentary by Madhusūdana
tadevamuktānāṃ dvādaśadhā yajñavidāṃ phalamāha sarve'pīti | yajñān vidanti jānanti vindanti labhante veti yajñavido yajñānāṃ jñātāraḥ kartāraśca | yajñaiḥ pūrvoktaiḥ kṣapitaṃ nāśitaṃ kalmaṣaṃ pāpaṃ yeṣāṃ te yajñakṣapitakalmaṣāḥ | yajñān kṛtvāvaśiṣṭe kāle'nnamamṛtaśabdavācyaṃ bhuñjata iti yajñaśiṣṭāmṛtabhujaḥ | te sarve'pi sattvaśuddhijñānaprāptidvāreṇa yānti brahma sanātanaṃ nityaṃ saṃsārānmucyanta ityarthaḥ ||30||
The Sārārthavarṣiṇī commentary by Viśvanātha
sarve'pyete yajñavida uktalakṣaṇān yajñān vindamānāḥ santo jñānadvārā brahma yānti | atrānanusaṃhitaṃ phalamāha yajñaśiṣṭaṃ yajñāvaśiṣṭaṃ yadamṛtaṃ bhogaiśvaryasiddhyādikaṃ tadbhuñjata iti ||30||
The Gītābhūṣaṇa commentary by Baladeva
ete khalvindiryavijayakāmāḥ sarve'pīti yajñavidaḥ | pūrvoktān devādiyajñān vindamānā taireva yajñaiḥ kṣapitakalmaṣāḥ ||30||
__________________________________________________________