Bhagavad-gita with four Commentaries [sanskrit]

140,673 words | ISBN-10: 8189564072 | ISBN-13: 9788189564070

The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)

klaibyaṃ sma gamaḥ pārtha naitattvayyupapadyate |
kṣudraṃ hṛdayadaurbalyaṃ tyaktvottiṣṭha paraṃtapa ||3||

The Subodhinī commentary by Śrīdhara

klaibyaṃ sma gama iti | tasmāthe pārtha ! klaibyaṃ kātaryaṃ sma gamaḥ | na prāpnuhi | yatastvayi etannopapadyate yogyaṃ na bhavati | kṣudraṃ tucchaṃ hṛdayadaurbalyaṃ kātaryaṃ yuddhāya uttiṣṭha, he parantapa śatrutāpana ! ||3||

The Gūḍhārthadīpikā commentary by Madhusūdana

nanu bandhusenāvekṣaṇajātenādhairyeṇa dhanurapi dhārayitumaśaknuvatā mayā kiṃ kartuṃ śakyamityata āha klaibyamiti | klaibyaṃ klībbhāvamadhairyamojastejaādibhaṅgarūpaṃ sma gamo | he pārtha pṛthātanaya! pṛthayā devaprasādalabdhe tattanayamātre vīryātiśayasya prasiddhatvātpṛthātanayatvena tvaṃ klaibyāyogya ityarthaḥ | arjunatvenāpi tadayogyatvamāha naitaditi | tvayi arjune sākṣānmaheśvareṇāpi saha kṛtāhave prakhyātamahāprabhāve nopapadyate na yujyata etatklaibyamityasādhāraṇyena tadayogyatvanirdeśaḥ |

nanu na ca śaknomyavasthātuṃ bhramatīva ca me manaḥ iti pūrvameva mayoktamityāśaṅkyāha kṣudramiti | hṛdayadaurbalyaṃ manaso bhramaṇādirūpamadhairyaṃ kṣudratvakāraṇatvātkṣudraṃ sunirasanaṃ tyaktvā vivekenāpanīyottiṣṭha yuddhāya sajjo bhava | he parantapa ! paraṃ śatruṃ tāpayatīti tathā saṃbodhyate hetugarbham ||3||

The Sārārthavarṣiṇī commentary by Viśvanātha

klaibyaṃ klībdharmaṃ kātaryam | he pārtheti tvaṃ pṛthāputraḥ sannapi gacchasi | tasmānmā sma gamaḥ, prāpnuhi, anyasmin kṣatrabandhau varamidamupapadyatām, tvayi matsakhau tu nopayujyate |

nanvidaṃ śauryābhāvalakṣaṇaṃ klaibyaṃ śaṅkiṣṭhāḥ | kintu bhīṣmadroṇādiguruṣu dharmadṛṣṭyā viveko'yaṃ dhārtarāṣṭreṣu tu durbaleṣu madastrāghātamāsādya martumudyateṣu dayaiveyamiti tatrāha kṣudramiti | naite tava vivekadaye, kintu śokamohāveva | tau ca manaso daurbalyavyañjakau | tasmāthṛdayadaurbalyamidaṃ tyaktvā uttiṣṭha | he parantapa ! parān śatrūn tāpayan yudhyasva ||3||

The Gītābhūṣaṇa commentary by Baladeva

nanu bandhukṣayādhyavasāyadoṣātprakampitena mayā kiṃ bhāvyamiti cettatrāha klaibyamiti | he pārtha ! devarājaprasādātpṛthāyāmutpanna ! klaibyaṃ kātaryaṃ sma gamaḥ prāpnuhi | tvayi viśvavijetari matsakhe'rjune kṣatrabandhāvivaitadīdṛśaṃ klaibyaṃ nopayujyate |

nanu na me śauryābhāvarūpaṃ klaibyaṃ kintu bhīṣmādiṣu pūjyeṣu dharmabuddhyā viveko'yaṃ duryodhanādiṣu bhrātṛṣu macchastraprahāreṇa mariṣyatsu kṛpeyamiti cettatrāha kṣudramiti | naite tava vivekakṛpe, kintu kṣudraṃ laghiṣṭhaṃ hṛdayadaurbalyameva | tasmāttattyaktvā yuddhāyottiṣṭha sajjībhava | he parantapa ! śatrutāpaneti śatruhāsapātratāṃ gāḥ ||3||

__________________________________________________________

Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: