Bhagavad-gita with four Commentaries [sanskrit]
140,673 words | ISBN-10: 8189564072 | ISBN-13: 9788189564070
The Sanskrit edition of the Bhagavad Gita with four commentaries: (1) The Subodhini by Shridhara (Sridhara Swami), (2) The Gudharthadipika by Madhusudana (Saraswati), (3) The Sararthavarshini by Vishvanatha (Vishwanath Chakravarti) and (4) The Gitabhushana by Baladeva (Vidyabhushan). Original titles: Bhagavadgītā (भगवद्गीता), Śrīdhara (श्रीधर), Madhusūdana (मधुसूदन), Viśvanātha (विश्वनाथ), Baladeva (बलदेव)
Verse 1.30
na ca śaknomyavasthātuṃ bhramatīva ca me manaḥ |
nimittāni ca paśyāmi viparītāni keśava ||30||
The Subodhinī commentary by Śrīdhara
api ca na śaknomītyādi | viparītāni nimittāni aniṣṭasūcakāni śakunāni paśyāmi ||30||
The Sārārthavarṣiṇī commentary by Viśvanātha
viparītāni nimittāni dhananimittako'yamatra me vāsa itivannimittaśabdo'yaṃ prayojanavācī | tataśca yuddhe vijayino mama rājyalābhātsukhaṃ na bhaviṣyati, kintu tadviparītamanutāpaduḥkhameva bhāvītyarthaḥ ||30||
The Gītābhūṣaṇa commentary by Baladeva
api ceti avasthātuṃ sthiro bhavituṃ mano bhramtīva ceti daurbalyamūrcchayorudayaḥ | nimittāni phalānyatra yuddhe viparītāni paśyāmi | vijayino me rājyaprāptirānando na bhaviṣyati kintu tadviparīto'nutāpa eva bhāvīti | nimittaśabdaḥ phalavācī kasmai nimittāyātra vasasi ityādau tathā pratīteḥ ||30||
__________________________________________________________