Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 37
tālīsapatracapalānataloharajoñjanaiḥ||40||
jātīmukulakāsīsasaindhavairmūtrapeṣitaiḥ||41||
tāmramālipya saptāhaṃ dhārayetpeṣayettataḥ||41||
mūtreṇaivānu guṭikāḥ kāryāśchāyaviśoṣitāḥ||42||
tāḥ stanyaghṛṣṭā gharṣāśruśophakaṇḍūvināśanāḥ||42||
Commentary: Aruṇadatta’s Sarvāṅgasundarā
tālīsapatrādibhirmūtrapiṣṭaistāmramālipya saptāhaṃ dhārayet| tataḥ saptāhādūrdhvaṃ gomūtreṇaiva guṭikāḥ kuryāt| tāśca chāyāviśoṣitāḥ stanyaghṛṣṭā gharṣādighnāḥ|
6.16.73
vyāghrītvaṅ'a'amadhukaṃ tāmrarajo'jākṣīrakalkitam||43||
śamyāmalakapatrājyadhūpitaṃ śopharukpraṇut||43||
Commentary: Aruṇadatta’s Sarvāṅgasundarā
vyāghryādikamajākṣīrakalkitaṃ śamyāmalakapatrairghṛtānvitairdhūpitaṃ śopharukpraṇut|