Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 29
daśamūlaṃ balāṃ rāsnāmaśvagandhāṃ punarnavām||54||
guḍucyairaṇḍabūtīkabhārgīvṛṣakarohiṣam||55||
śatāvarīṃ sahacaraṃ kākanāsāṃ palāṃśakam||55||
yavamāṣātasīkolakulatthān prasṛtonmitān||56||
vahe vipācya toyasya droṇaśeṣeṇa tena ca||56||
pacettailāḍhakaṃ peṣyairjīvanīyaiḥ palonmitaiḥ||57||
anuvāsanamityetatsarvavātavikāranut||57||
Commentary: Aruṇadatta’s Sarvāṅgasundarā
daśamūlādikaṃ palapramāṇam| kākanāsā-kākajaṅghā| yavādīni prasṛtapramāṇāni, jalasya vahe-droṇacatuṣṭaye, vipācya, tena ca droṇaśeṣeṇa tailāḍhakaṃ palāṃśakaiḥ jīvanīyaiḥ peṣyaiḥ saha pacet| etadanuvāsanamakhilapavanāmayajit| §18358 5
Commentary: Hemādri’s Āyurvedarasāyana
daśamulādisnehamāha-daśamulamiti| bhūtīkaṃbhustṛṇam| vṛṣakaḥ-pāṣāṇabhedaḥ| kākanāsā-kākatuṇḍī| vahe-droṇacatuṣṭaye|
Commentary: Hemādri’s Āyurvedarasāyana
vasāsnehamāha-ānūpānāmiti| jīvanīyānāṃ kalkaḥ kāryaḥ| dravaṃ tūdakam|