Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 3
doṣāḥ sannicitā ye ca vidagdhāhāramurcśitāḥ||2||
atīsārāya kalpante teṣūpekṣaiva bheṣajam||3||
bhṛṣotkleśapravṛtteṣu svayameva calātmasu||3||
Commentary: Aruṇadatta’s Sarvāṅgasundarā
ye ca doṣāḥ sannicitāḥ-atiśayena vṛddhiṃ gatāḥ, tathā vidagdhenapakvāpakvarūpeṇa, āhāreṇa mūrcśitāḥekatāṃ prāptāḥ, atīsārāya kalpantesampadyante| teṣu tathotkleśanaṃ-utkleśākhyavikārakaraṇaṃ pratyunmukhatābījasyāṅkurotpattāvucśūnāvastheva, atiśayenoskleśo bhṛśotkleśastena pravṛttāḥ-atīsārakaraṇaṃ prati samudyatāsteṣu, tathā svayameva-yatnaṃ vinā, calātmasu-calasvabhāveṣu, teṣu-tathābhūteṣu, upekṣāpathyāśitvena samyak pravartanameva bheṣajam, na tu pācanādikamityarthaḥ| saṅgrahaṇauṣadhaṃ kuṭajatvagādikaṃ vyādhipratipakṣabhūtaṃ kasmādatra na prayujyate? api cāgnyasaṅgrahe paṭhiṣyati (hṛ. u. a. 40/49)- "kuṭajo'tīsāre" iti| tasmādatra saṅgrāhauṣadhaṃ dātumucitamiti yo manyate taṃ pratyāha-