![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 60
atha sannyāsacikitsitam||110||
āśu prayojyaṃ sannyāse sutīkṣṇaṃ nasyamañjanam||110||
dhūmaḥ pradhamanaṃ todaḥ sūcībhiśca nakhāntare||110||
keśānāṃ luñcanaṃ dāho daṃśo daśanavṛścikaiḥ||111||
kaṭvamlagālanaṃ vakre kapikacchvavagharṣaṇam||111||
utthito labdhasaṃjñaśca laśunasvarasaṃ pibet||112||
khādetsavyoṣalavaṇaṃ bījapūrakakesaram||112||
laghvannaprati tīkṣṇoṣṇamadyātsrotoviśuddhaye||113||
Commentary: Aruṇadatta’s Sarvāṅgasundarā
sannyāse śīghraṃ suṣṭhu nasyamañjanaṃ dhūmaḥ pradhamanaṃ ca prayojyam| sūcītodādikaṃ ca nakhamadhye| tathā, vakre kaṭūnāṃ marīcādīnāṃ, amlānāṃmātuluṅgādīnāṃ, ca gālanaṃ prayojyam| tathā| kapikacchvavagharṣaṇam| evamupakrāntaḥ samutthito labdhacetanaśca san laśunasvarasaṃ pibet| tathā, bījapūrakakesaraṃ savyoṣalavaṇaṃ bhakṣayet| srotoviśodhanārthaṃ laghvannaprati bhuñjīta| kīdṛśam? tīkṣṇoṣṇam| laghvannapratīti alpalaghvannam| "suppratinā mātrārthe" iti samāsaḥ| §14356