Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 31
prapauṇḍarīkamadhukabisagranthikaserukāḥ||47||
saśuṇṭhīśaivalāstābhiḥ sakṣīraṃ vipacedghṛtam||48||
śītaṃ samadhu tacceṣṭaṃ svāduvargakṛtaṃ ca yat||48||
bastiṃ ca dadyātsakṣaudraṃ tailaṃ madhukasādhitam||49||
Commentary: Aruṇadatta’s Sarvāṅgasundarā
prapauṇḍarīkādibhiḥ kṣīrayutaṃ pakvaṃ ghṛtaṃ śītībhutaṃ sanmākṣikopetaṃ tacceṣṭamatra roge| svāduvargeṇadrākṣādinā, yacca kṛtaṃ tacca hitam| tathā, bastiṃ madhukasādhitaṃ-madhukena pakvaṃ, mākṣikānvitaṃ dadyāt|
Commentary: Hemādri’s Āyurvedarasāyana
ghṛtāntaramāha-prapauṇḍarīketi| śaivalaḥ-śaivālaḥ| ghṛtāntaramāhasvāduvargakṛtaṃ ca yaditi| svāduvargorasaskandheṣūktaḥ (hṛ. sū. a. 10/22)| bastimāha-bastiṃ ceti-anuvāsanam|
vaṅgasene(hṛdayarogā. ślo. 18)- " arjunasya tvacā siddhaṃ kṣīraṃ yojyaṃ hṛdāmaye| sitayā pañcamūlyā vā balayā madhukena vā|| sthirādikalkavatsarpiḥ kṣīreṇekṣurasena vā| drākṣārasena vā pakvaṃ pittahṛdroganāśanam||" iti|