Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 102
cavikātriphalābhārgīdaśamūlaiḥ sacitrakaiḥ||159||
kulatthapippalīmūlapāṭhākolayavairjale||159||
śṛtairnāgaraduḥsparśāpippalīśaṭhipauṣkaraiḥ||160||
piṣṭaiḥ karkaṭaṣṛṅgyā ca samaiḥ sarpirvipācayet||160||
siddhe'smiṃścūrṇitau kṣārau dvau pañca lavaṇāni ca||161||
dattvā yuktyā pibenmātrāṃ kṣayakāsanipīḍitaḥ||161||
Commentary: Aruṇadatta’s Sarvāṅgasundarā
cavikādibhirjale śṛtairnāgarādibhiḥ piṣṭaiḥ samaiḥ sarpirvipācayet| siddhe'smin ghṛte kṣārau dvau, pañcasaidhavādīni lavaṇāni ca, dattvā mātrāṃ prakṛtatvāt ghṛtasya pibet, kaphakāsārtaḥ puruṣaḥ|
Commentary: Hemādri’s Āyurvedarasāyana
māṃsayogyasya ghṛtamāha——cavikātriphalenti| samaiḥnāgarādibhiḥ pañcabhirekayā karkaṭaśṛṅgayā, anyathā samairiti vyarthaṃ, pratyekaṃ samasya paribhāṣāprātvāt|
Commentary: Aruṇadatta’s Sarvāṅgasundarā
kāsamardādibhirakṣapramāṇaiḥ kṣīradrākṣārasayormiśritayorāḍhake ghṛtaprasthaṃ pacet| śoṣādiharaṃ śivaṃ caārogyakaram|