Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 40
ghrāṇage rudhire śuddhe nāvanaṃ cānuṣecayet||47||
kaṣāyayogān pūrvoktān kṣīrekṣvādirasāplutān||48||
kṣīrādīnsasitāṃstoyaṃ kevalaṃ vā jalaṃ hitam||48||
raso dāḍimapuṣpāṇāmāmrāsthnaḥ śāḍvalasya vā||49||
Commentary: Hemādri’s Āyurvedarasāyana
ghrāṇapravṛtte nasyamāha-ghrāṇage rudhira iti| kṣīrādīn sasitānityanyaḥ prayogaḥ| toyaṃ sasitamityanyaḥ| kevalaṃ vā jalamityanyaḥ| raso dāḍimapuṣpāṇāmityanyaḥ| āmrāsthno rasa ityanyaḥ| śādvalasya rasa ityanyaḥ|
Commentary: Aruṇadatta’s Sarvāṅgasundarā
ghrāṇage rudhire śuddhe sati nāvanamanuṣecayet-nasyaṃ dadyāt| kaṣāyayogān pūrvoktān-vāsakādīn, ghrāṇage'nuṣecayet| kimbhūtān? kṣīrekṣvādirasenāplutān-sadravān| ādiśabdena māṃsarasaghṛtādi gṛhyate| kṣīrādīn vā saśarkarān dadyāt| tathā toyamarthātsasitaṃ, vā kevalaṃ jalaṃ hitamiti| tathā dāḍimapuṣpāṇāṃ rasaḥ, tathā cūtaphalāsthnaḥ, tathā dūrvāyā raso, nasyaṃ pṛthakpṛthak hitam|