![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 9
kaphamārutasaṃsṛṣṭamasādhyamubhayāyanam||13||
aśakyaprātilomyatvādabhāvādauṣadhasya ca||13||
na hi saṃśodhanaṃ kiñcidastyasya pratilomagam||14||
śodhanaṃ pratilomaṃ ca raktapitte bhiṣgjitam||14||
evamevopaśamanaṃ sarvaśo vidyate||15||
saṃsṛṣṭeṣu hi doṣeṣu sarvajicchamanaṃ hitam||15||
Commentary: Aruṇadatta’s Sarvāṅgasundarā
ubhayāyanaṃ-mārgadvayaprapannaṃ, kaphamārutasaṃsṛṣṭamasādhyaṃsādhayitumaṣakyam| asādhyatve hetudvayamāha-aṣakyaprātilomyatvādityādi| anulomaviparītaḥ-pratilomaḥ, tasya bhāvaḥ prātilomyam| aṣakyaṃ-kartumaṣakyaṃ prātilomyaṃ yasya raktasya tadaṣakyaprātilomyam| tasya bhāvo'ṣakyaprātilomyatvam| tasmādubhayāyanaṃ raktapittamasādhyam| abhāvādauṣadhasya ca,-etadyogyauṣadhāsampatteṣcaitadasādhyam| nanu, kathamevamucyate? ityāha-na hītyādi| hi-yasmāt, tadasya saṃṣodhanaṃ pratilomagaṃ na kiñcidasti| yacca pratilomagaṃ saṃṣodhanaṃ tadraktapitte bhiṣagjitaṃauṣadham| tacca tathābhūtamauśadhaṃ na sambhavati yattatra saṃṣamanārthaṃ dīyate| yadyadhomārgāpekṣayā dīyate tadānīmūrdhvabhāgapravṛttaṃ raktaṃ pravṛddhaṃ sampadyate| athordhvamārgāpekṣayā virecanamupayujyate tadā'dhogaṃ raktapittaṃ varddhate| evamasya pratilomagamauṣadhaṃ ṣodhanaṃ na sambhavati| tasmādauṣadhasyābhāvaḥ| bhiṣagjitamiti bhiṣak'a'aṣabdāt kaṇḍvādiyagantānniṣṭhā iṭca| svabhāvāccāyaṃ bheṣajavācī| nanu, ubhayāyanasya raktapittasya saṃṣodhanarūpamauṣadhaṃ mā bhavatu| ṣamanarūpaṃ tvauṣadhamasya ṣamāya bhaviṣyatīti "abhāvādauṣadhasya ca" ityayuktamuditam, ityāṣaṅkyāhaevamevetyādi| yathā ṣodhanamasya-ubhayāyanasya, ṣamanāya na sambhavati tathā ṣamanamapi yadauṣadhaṃ tadapyetasya ṣamanaṃ na sambhavati| kuto hetoḥ? ityāha-saṃsṛṣṭeṣvityādi| hi-yasmāt, saṃsṛṣṭeṣu triṣu doṣeṣu yatsarvajicśamanaṃ taddhitam| tacca santarpaṇāpatarpaṇarūpatvāddvividham| tatra yadi santarpaṇaṃ bṛṃhaṇaṃ ṣamanamadhomārgapravṛttaraktapittadoṣāpekṣayā mārutaṣāntyarthamupayujyate tadā tacśāntiṃ kurvato raktapittavikārakaraṇasya ṣleṣmaṇo vṛddhaye sampadyate| athāpatarpaṇamūrdhvabhāgapravṛttadoṣāpekṣayā kaphaṣāntyarthamupayujyate tadānīṃ tasya ṣāntiṃ kurvato'dhogaraktapittasya kāraṇaṃ vāyuṃ prakopayet| na cobhayātmakamekaṃ nṛsiṃharūpavat ṣamanamasti yatprayojitamubhayāyanasya ṣamanāya syāt| tasmādubhayāyanamasādhyam|