![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 16
jālāni kaṇḍarāścāṅge pṛthak ṣoḍaśa nirdiśet||14||
ṣaṭ kūrcāḥ sapta sīvanyo meḍhrajihvāśirogatāḥ||14||
śastreṇa tāḥ parihareccatasro māṃsarajjavaḥ||15||
caturdaśāsthisaṅṅātāḥ, sīmantā dviguṇā nava||15||
asthnāṃ śatāni ṣaṣṭiśca trīṇi dantanakhaiḥ saha||16||
Commentary: Aruṇadatta’s Sarvāṅgasundarā
jālānīva jālāni śarīre ṣoḍaśa ādiśet| kaṇḍarāśca pṛthageva ṣoḍaśa ādiśet-brūyāt| ācārya iti śeṣaḥ| tathā, ṣaṭ kūrcā aṅge syuḥ| tathā sīvanyaḥ saptasaṅkhyā meḍhrādisthitāḥ| tāḥ śastreṇa pariharet, pratyavāyabhayāt| na tāsu śastraṃ pātayedityarthaḥ| tatra-5
"śirāsnāyvasthipiśitaiścatvāri māṇibandhane| ekatraikatra gulphe ca jālānyevaṃ tu ṣoḍaśa|| 1||
hastayordve pādayordve grīvābhāge'tha pṛṣṭhataḥ| pratyekaṃ tu catasraḥ syuḥ kaṇḍarā iti ṣoḍaśa|| 2||
karayordvau pādayordvau grīvāyāṃ mehane tathā| ekaikamiti ṣaṭ kūrcāḥ, sīvanyaḥ sapta kīrtitāḥ|| 3||
ekā meḍhre'tha jihvāyāṃ bhaveyuḥ paśca mūrddhani| pṛṣṭhavaṃśe hyubhayataścatasro māṃsarajjavaḥ|| 4||
bāhye dve antare dve ca, gulphe jānuni vaṅkṣaṇe| trike śirasi kakṣāyāṃ kūrpare maṇibandhane|| 5||
asthnāṃ bhaveyuḥ saṅṅātā amī atra caturdaśa|
sīmantāḥ pañca mūrdhni syurgulphādiṣvasthisaṅṅavat|| 6||
asthnāṃ śatāni ṣaṣṭiśca trīṇi dantanakhaiḥ saha| pañca pādanakhāḥ sakthni pratyaṅgulya sthikatrayam|| 7||
evaṃ pañcadaśaitāni śalākāḥ pañca tu smṛtāḥ| ekastatpratibandhaśca jaṅṅāyāṃ kūrcagulphake|| 8||
dve dve iti ṣaḍeva syuḥ pārṣṇāvūrau ca jānuni| ekaikamitye kasakthni pañcatriṃśattathā'pare|| 9||
bhujayoḥ sakthitulyāni bhedā eṣāṃ tu nāmataḥ| pāṇiḥ syātpādavatatra hastamūlaṃ ca pārṣṇivat|| 10||
maṇibandho gulphatulyaḥ kūrcatulyo dvaye'pi ca| prakoṣṭhau jaṅṅayā tulyau jānuvatkūrparo bhavet|| 11||
ūruvadvāhupṛṣṭhaṃ syāndantarādhau tu parśukāḥ|
caturviṃśatireteṣu sthālakānyarbudāni ca|| 12||
tāvanti pṛṣṭhe triṃśatsyururasyaṣṭau trike bhage| ekaikaṃ syādakṣakayoraṃsayostatphalākhyayoḥ||13||
nitambe tu bhavetāṃ dve śatametatsaviṃśati|
gaṇḍayoḥ karṇayordve dve śaṅkhayoścātha tāluni|| 14||
tathā jatruṇyekamekaṃ grīvāyāṃ tu trayodaśa|
kaṇṭhanāḍyāṃ tu catvāri hanubandhe dvayaṃ bhavet|| 15||
dvātriṃśadeva dantāḥ syustatsaṅkhyolūkhalāni ca| trīṇi ṅrāṇe ṣaṭ śirasi śatamūrdhvamiti smṛtam|| 16||
śākhāntarādhyūrdhvabhedādevaṃ ṣaṣṭiśatatrayam| kapālaṃ rucakaṃ caiva taruṇaṃ valayaṃ tathā|| 17||
nalakaṃ pañcadheti syurnitambe gaṇḍajānuni| tālumadhye śirasyaṃse kapālākhyāni nirdiśet|| 18||
daśanā rucakākhyāḥ syurṅrāṇe karṇe'kṣikośake| taruṇāni pṛṣṭhapārrśve caraṇe valayāni tu|| 19||
śeṣāṇi nalakākhyāni nāmākhyātākṛtīni ca|" iti|§7392