Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 6
na tūnaṣoḍaśātītasaptatyabdasrutāsṛjām||6||
asnigdhāsveditātyarthasveditānilarogiṇām||6||
garbhiṇīsūtikājīrṇapittāsraśvāsakāsinām||7||
atīsārodaracchardipāṇḍusarvāṅgaśophinām||7||
snehapīte prayukteṣu tathā pañcasu karmasu||8||
nāyantritāṃ sirāṃ vidhyenna tiryaṅgāpyanutthitām||8||
nātiśītoṣṇavātābhreṣvanyatrātyayikādgadāt||9||
Commentary: Aruṇadatta’s Sarvāṅgasundarā
ūnaṣoḍaśavarṣādīnāṃ tu sirāṃ na vyadhayet| snehapītepītasneha ityarthaḥ, āhitāgnyāditvāt paranipātaḥ| tathā, pañcasu-vamanādiṣu, karmasu vihiteṣu satsu, sirāṃ na vyadhayet| tathā, ayantritāṃ-abaddhāṃ, sirāṃ na vyadhayet| tathā, na tiryak, na cānutthitāṃ, nātiśīte, nātyuṣṇe, 5 nātivāte, na ca meghodaye, sirāṃ vyadhayet| ātyayikātrohiṇīviṣādikāt, anyatra na vyadhayet| ātyayike tu roge śītoṣṇavṛṣṭīnāṃ yathāyathaṃ pratīkāraṃ vidhāya sirāṃ mokṣayedeva|
Commentary: Hemādri’s Āyurvedarasāyana
śiroroge netraroge ca vedhyāḥ śirā āha-śironetravikāreṣviti| lalāṭe bhavā lalāṭyāḥ| "śarīrāvayavādyat" iti yat| evamapāṅgyā upanāsyāḥ [ca]| upanāsyāḥ-kanīnikābhavāḥ (?)|