Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 39
dhārayecca tam||30||
āvaktranāsikotkledāddaśāṣṭau ṣaṭ calādiṣu||30||
mātrāsahasrāṇyaruje tvekaṃ——————————-||31||
Commentary: Aruṇadatta’s Sarvāṅgasundarā
taṃ ca-sneha, yāvadvaktranāsikāsrutiḥ syāttāvaddhārayet| cala ādiryeṣāṃ te calādayaḥ, teṣu yathāsaṅhkhyaṃ daśāṣṭau ṣaṭ mātrāsahasrāṇi yāvatsnehaṃ dhārayet| vāte daśa mātrāsahasrāṇi, pitte'ṣṭau mātrāsahasrāṇi, kaphe ṣaṇmātrāsahasrāṇītyarthaḥ| aruje tu-svasthavṛte, ekaṃ mātrāsahasraṃ dhārayet|
Commentary: Hemādri’s Āyurvedarasāyana
bastidhāraṇāvadhimāha-dhārayediti| arujetvekaṃ mātrāsahasram| mātrāmānaṃ kledāsambhave| klede tvarvāgapi nivartate|
1.22.117
——————————————-skandhādi mardayet||31||
muktasnehasya—————————————————
||31||
Commentary: Aruṇadatta’s Sarvāṅgasundarā
muktasnehasya-apanītaśirobasteḥ, skandhaśirogrīvādi mardayet| snehabastirhi snehaśabdenātra gṛhyate| tataḥ "uṣṇodakopacārī syāt "ityādikamācaret| tatra hyavocat (hṛ.sū.a.16|28)-"sarvakarmasvayaṃ prāyo vyādhikṣīṇeṣu ca kramaḥ|" iti|