Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 39
srutālpapittaśleṣmāṇaṃ madyapaṃ vātapaittikam||46||
peyāṃ na pāyayetteṣāṃ tarpaṇādikramo hitaḥ||47||
Commentary: Aruṇadatta’s Sarvāṅgasundarā
srutau-patitau, alpau pittaśleṣmāṇau yasya taṃ, tathā madyapo yo narastaṃ madyapaṃ. tathā vātapaittikaṃ, etāṃstrīnapi peyāṃ na pāyayet| tarhyeṣāṃ kiṃ kāryam?
ityāha-teṣāmityādi| prathame'nnakāle lājasaktavo dvitīye'nnakāle māṃsarasaudana(?)mityeṣa tarpaṇādikramasteṣāṃ hitaḥ|
Commentary: Hemādri’s Āyurvedarasāyana
srutālpapittādiṣu peyāṃ niṣedhati-srutālpapitteti| niṣiddhapeyānāṃ peyāsthāne mantho yojya ityāha-teṣāmiti|