Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 27
——————————na hi sthūlasya bheṣajam||31||
bṛṃhaṇaṃ laṅghanaṃ vā'lamatimedognivātajit||32||
Commentary: Aruṇadatta’s Sarvāṅgasundarā
yasmāt sthūlasya bheṣajaṃ bṛṃhaṇaṃ nālaṃ-na samartham, na ca laṅghanaṃ samartham| yasmātsthūlasya bheṣajamatimedognivātajit| yanmedaḥkṣapaṇaṃ tadagnināśakṛdvātahṛcca| sthūlasya hi bṛṃhaṇena medo'titarāmupacīyate, laṅghanena ca medaḥkṣapaṇaṃ bhavati, kintvagnipavanāvasyopacīyate| yasmāt bṛṃhaṇaṃ-māṃsakṣīrādi, yacca laṅghanaṃ-kodravaśyāmākādi, tatpūrvasmāddhetoḥ sthūlasya na bheṣajam|
Commentary: Hemādri’s Āyurvedarasāyana
sthaulyasya kṛcchrasādhyatve hetumāha-na hi sthūlasyeti| bṛṃhaṇaṃ laṅghanaṃ vā na sthūlasya bheṣajam| yatastasyātimedognivātajidbheṣajamalaṃ-samartham| laṅghanamatimedojit bhavati, na tvatyagnivātajit| bṛṃhaṇamatyagnivātajidbhavati, na tvatimedojit|