Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 1
athāto rasabhedīyamadhyāyaṃ vyākhyāsyāmaḥ||2||
iti ha smāhurātreyādayo maharṣayaḥ||2||
Commentary: Aruṇadatta’s Sarvāṅgasundarā
rasānāṃ bhedo rasabhedaḥ, tasmai hito rasabhedīyaḥ, tamadhyāyaṃ vyākhyāsyāmaḥ-kathayiṣyāmaḥ| "rasanārtho rasaḥ" iti muniḥ (ca. sū. a. 1|63)| tathā, abyoniḥ, apāmeva rasavattvāt| tathā ca muniḥ (ca. sū. a. 25|13)- "āpo hi rasavatyaḥ" iti| apāṃ cātryaktarasatvāt prativyaktyanyādṛśo'nyādṛśo rasānāṃ mahābhūtavailakṣaṇyaja āsvāda āsvādyate| tathā ca, madhurarasādhiṣṭhatānāṃ kṣīradrākṣekṣuśarkarādīnāṃ prativyaktyanyādṛśo'nyādṛśo madhurarasāsvāda upalabhyate, na tvekarūpaḥ| evamamlānāmāranālakolāmlīkādīnāmapi pratidravyamanekarūpa āsvādaviśeṣa upalabhyate, na tveka eva|
Commentary: Hemādri’s Āyurvedarasāyana
rasabhedīyamadhyāyaṃ vyākhyātuṃ pratijānīte atheti| yataḥ pūva'adhyāye (ślo.12)-"raso bhedairuttaratropadekṣyate" ityuktam| ata evāyaṃ rasabhedīyaḥ|