Ashtanga-hridaya-samhita [sanskrit]

273,418 words | ISBN-10: 8121800226 | ISBN-13: 9788121800226

The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).

annena kukṣerdvāvaṃśau pānenaikaṃ prapūrayet||46||
āśrayaṃ pavanādīnāṃ caturthamavaśeṣayet||47||

Commentary: Aruṇadatta’s Sarvāṅgasundarā

kukṣeḥ-jaṭharasya, annena dvau bhāgau prapūrayet| pānena-jalādinā, ekamaṃśaṃ prapūrayet| caturthamaṃśaṃ pavanādīnāmāśrayamavaśeṣayet-na tvannena pānena prapūrayet| atra tvaṃśakalpanā parikalpanenaiva yujyate, na tvaṅgulamānādinā| suśrute cābhihitam (sū. a. 46|478)- "prakṣālayedadbhirāsyaṃ bhuñjānaśca muhurmuhuḥ| viśuddhe rasane hyasmin rocate'nnamapūrvavat||"iti| [rasanā vidyate yasya mukhasya tadrasanam, tasmin rasane viśuddhe rocate'nnamapūrvavat||]

§2339 10

Commentary: Aruṇadatta’s Sarvāṅgasundarā

annapānayorvibhāgamāha-anneneti| kukṣiḥudaram, caturthā vibhajya dvāvaṃśavannena-adraveṇa pūrayet| tṛtīyamaṃśaṃ pānena-draveṇa pūrayet| caturthamaṃśaṃ pavanādisukhasañcārārthamanaśeṣayet-na kenāpi pūrayet| etadeva ca sauhityamānam| ata evārdhasauhityaṃ nātitṛtpatā ca jñeyā|

Commentary: Hemādri’s Āyurvedarasāyana

athānupānam| tena hyasamyagyogo'pi samyagyogatāṃ yāti| yadāha khāraṇādiḥ-"kāmaṃ doṣavadapyannamamātraṃ niṣevita,| alpadoṣamadoṣaṃ vā'pyanupānena jīryati||" iti| anu-paścātpīyata ityanupānam| etacca bāhulyābhiprayeṇa| taddhi madhye'pyādāvapi pīyate| yadāha suśrutaḥ (sū. a. 46/468)- "tadādau karśayet pītaṃ sthāpayenmadhyasevitam| paścātpītaṃ bṛṃhayati tasmādvīkṣya prayojayet||" iti| tathā, (su.sū.a. 46/428)- "nirāmayānāṃ caitattu bhuktamadhye praśasyate|" iti ca| kastarhi pānānupānayorbhedaḥ? ucyate| yadaniyatakālaṃ rucivaśātpīyate tat-pānam, yanneyatakālaṃ vidhivaśātpīyate tat-anupānam| tatrādāvanupānavibhāgaḥ| tatra yavādiṣu śītodakamāha-anupānaṃ himamiti| piṣṭamayeṣu īṣaduṣṇodakamāha-koṣṇamiti| yattu suśrutenoktam (sū. a. 46/423)- "śītodakaṃ mākṣikasya piṣṭānnasya ca sarvaśaḥ| dadhipāyasamadyārtiviṣajuṣṭe tathaiva ca||" iti| tadvidāhipiṣṭānnaviṣayam| uktaṃ va saṅgrahe (sū. a. 10)- "tacchītaṃ dadhimadhuyavadodhūmamadyaviṣeṣusarveṣu ca vidāhiṣu śaradgrīṣmayośca|" iti| śākādiṣu mastvādyāha-śāketi| śākaṃ-pāṭhādi, mudgādisūpyam, tasya (tayoḥ) vikṛtiḥ-vaṭakādikā| vikṛtigrahaṇaṃ rasādyanyatva eva mastvādiprāptyartham| avikṛte tu sūpādau suśrutenoktam (sū. a. 46/425)- "payo māṃsaraso vā'pi śākamudgādibhojane|" iti| mastvādiṣu yasya yatsātmyamiṣṭaṃ tasya tadyojyamiti| ekasyaiva tatkāryakaratvāt na miśrīkṛtyaprayogaḥ| ata eva pṛthaguktaṃ saṅgrahe (sū. a. 10)- "dhānyāmlaṃ mastu takraṃ śākāvarānneṣu|" iti| kṛśānāṃ surāmāhasureti| kṛśānāṃ śītodakādyuciteṣvanneṣu suraivānupānam, anavakāśtvāt| puṣṭyarthe-na tu roganivṛtyartham| yastu kṛśo rogārtaḥ tasya rogānurūpamanupānaṃ prayojyam| sthūlānāṃ madhūdakamāha-sthūlānāṃ tviti| madhumiśramudakaṃ-madhūdakam| śeṣaṃ purvavat| śoṣe māṃsarasamāha-śoṣa iti| śoṣe-śuṣyati dehe| yadāha khāraṇādiḥ-"kṛśakṣīṇāmayonmuktapuṣṭivarṇabalārthinām| madyastrīśramanityānāṃ śuṣyatāṃ ca raso hitaḥ||" iti| māṃsāśināṃ mandāgnīnāṃ ca madyamāha-madyamiti| tacca madyocitānāmeva| yadāha suśrutaḥ (sū. a. 46/426)"madyaṃ madyocitānāṃ tu sarvamāṃseṣu pūjitam| amadyapānāmudakaṃ falāmlaṃ praśsyate||" iti| vyādhyādiṣīṇādīnāṃ kṣīramāha-vyādhyauṣadheti| laṅghanaṃupavāsaḥ| karma-ceṣṭā|

Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: