![Ashtanga-hridaya-samhita [sanskrit] - book cover](/uploads/a/Ashtanga-Hridaya-Samhita.jpg)
Ashtanga-hridaya-samhita [sanskrit]
273,418 words | ISBN-10: 8121800226 | ISBN-13: 9788121800226
The Sanskrit edition of the Ashtanga-hridaya-samhita, including the commentaries Sarvangasundara and Ayurvedarasayana. The Astangahrdaya-samhita deals with the eight-fold divisions of Ayurveda: (l) Medicine, (2) The science of the special diseases of the supra-clavicular parts of the body (viz. eye, ear, nose, mouth, throat etc.), (3) Surgery, (4) Toxicology, (5) Psycho-therapy, (6) Pediatrics, (7) Rejuvenation and (8) Virilification. Original titles: Vāgbhaṭa Aṣṭāṅgahṛdayasaṃhitā (वाग्भट अष्टाङ्गहृदयसंहिता), Aruṇadatta Sarvāṅgasundarā (अरुणदत्त सर्वाङ्गसुन्दरा), Hemādri Āyurvedarasāyana (हेमाद्रि आयुर्वेदरसायन).
Section 24
śaśāṅkakiraṇān bhakṣyān rajanyāṃ bhakṣayan pibet||32||
sasitaṃ māhiṣaṃ kṣīraṃ candranakṣatraśītalam||33||
Commentary: Aruṇadatta’s Sarvāṅgasundarā
māhiṣaṃ kṣīraṃ sasitaṃ-saśarkaraṃ, rajanyāṃ-rātrau, pibet| kimbhūtam? candreṇa nakṣatraiśca śītalam| rātrāvākāśe śaityārthaṃ sthāpitamityarthaḥ| kiṃkurvan pibet? bhakṣyān bhakṣayan-bhuñjan| kīdṛśān? śaśāṅkakiraṇānkarpūranāḍikākhyān| [ (hṛ.ci.a.5/49)- "tālīsacūrṇavaṭakāḥ sakarpūrasitopalāḥ| śaśāṅkakiraṇākhyāstu bhakṣyā rucikarāḥ param||"]
Commentary: Hemādri’s Āyurvedarasāyana
rātribhojanaṃ vidhatte-śaśāṅkakiraṇāniti| rajanyāṃ punaḥ śaśāṅkakiraṇān bhakṣyān bhakṣayan candranakṣatraśītalaṃ saśarkaraṃ māhiṣaṃ kṣīraṃ pibet| śaśāṅkaḥkarpūraḥ, kīryate-vikṣipyate, yeṣu te śaśāṅkakiraṇāḥ,-karpūranālikādayaḥ| candreṇa tasyābhāve nakṣatrairvā śītalīkṛtaṃ candranakṣatraśītalam|
Commentary: Hemādri’s Āyurvedarasāyana
sthānaviśeṣe nidrāṃ vidhatte-abhraṅkaṣeti| abhraṅkaṣāḥatyuccāḥ| mahāntaḥ-sthūlāḥ| mādhavīṣu-vāsantīṣu, śliṣṭāḥlagnāḥ, drākṣāstabakā yāsu śālāsu-latāgṛheṣu, tadvanti yāni vanāni|