Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 343

[English text for this chapter is available]

agniruvāca |
syādāvṛttiranuprāso varṇānāṃ padavākyayoḥ |
ekavarṇā'nekavarṇāvṛttervvarṇaguṇo dvidhā || 1 ||
[Analyze grammar]

ekavarṇagatāvṛtterjjāyante pañca vṛttayaḥ |
madhurā lalitā prauḍhā bhadrā paruṣayā saha || 2 ||
[Analyze grammar]

madhurāyāśca vargāntādadho vargyā raṇau svanau |
hrasvasvareṇāntaritau saṃyuktatvaṃ nakārayoḥ || 3 ||
[Analyze grammar]

na kāryyā varṇyavarṇānāmāvṛttiḥ pañcamādhikā |
mhāprāṇoṣmasaṃyogapravimuktalaghūttarau || 4 ||
[Analyze grammar]

lalitā balabhūyiṣṭhā prauḍhā yā paṇavargajā |
ūdrdhvaṃ repheṇa yujyante naṭavargonapañcamāḥ || 5 ||
[Analyze grammar]

bhadrāyāṃ pariśiṣṭāḥ syuḥ paruṣā sā'bhidhīyate |
bhavanti yasyāmūṣmāṇaḥ saṃyuktāstattadakṣaraiḥ || 6 ||
[Analyze grammar]

akāravarjjamāvṛttiḥ svarāṇāmatibhūyasī |
anusvāraviśargau ca pāruṣyāya nirantarau || 7 ||
[Analyze grammar]

śaṣasā rephasaṃyuktāścākāraścāpi bhūyasā |
antasthābhinnamābhyāñca haḥ pāruṣyāya saṃyutaḥ || 8 ||
[Analyze grammar]

anyathāpi gururvarṇaḥ saṃyukte paripanthini |
pāruṣyāyādimāṃstatra pūjitā na tu pañcamī || 9 ||
[Analyze grammar]

kṣepe śabdānukāre ca paruṣāpi prayujyate |
karṇāṭī kauntalī kauntī kauṅkaṇī vāmanāmikā4 || 10 ||
[Analyze grammar]

drāvaṇi mādhavī pañcavarṇāntasthoṣmabhiḥ kramāt |
anekavarṇāvṛttiryā bhinnārthapratipādikā || 11 ||
[Analyze grammar]

yamakaṃ sāvyapetañca vyapetañceti taddvidhā |
ānantaryādavyapetaṃ vyapetaṃ vyavadhānataḥ || 12 ||
[Analyze grammar]

dvaividhyenānayoḥ sthānapādabhedāccaturvidham |
ādipādādimadhyānteṣvekadvitriniyogataḥ || 13 ||
[Analyze grammar]

saptadhā saptapūrveṇa cet pādenottarottaraḥ |
ekadvitripadārambhastulyaḥ ṣoḍhā tadāparaṃ || 14 ||
[Analyze grammar]

tṛtīyaṃ trividhaṃ pādasyādimadhyāntagocaram |
pādāntayamakañcaiva kāñcīyamakameva ca || 15 ||
[Analyze grammar]

saṃsargayamakañcaiva vikrāntayamakantathā |
pādādiyamakañcaiva tathāmreḍitameva ca || 16 ||
[Analyze grammar]

caturvyavasitañcaiva mālāyamakameva ca |
daśadhā yamakaṃ śreṣṭhaṃ tadbhedā bahavo'pare || 17 ||
[Analyze grammar]

svatantrasyānyatantrasya padasyāvarttanā dvidhā |
bhinnaprayojanapadasyāvṛttiṃ tvekatra vigrāhāt || 18 ||
[Analyze grammar]

dvayorāvṛttapadayoḥ samastā syātsamāsataḥ |
asamāsāttayorvyastā pāde tvekatra vigrahāt || 19 ||
[Analyze grammar]

vākyasyāvṛttirapyevaṃ yathāsambhavamiṣyate |
alaṅkārādyanuprāso laghumadhyevamarhaṇāt || 20 ||
[Analyze grammar]

yayā kayācidvṛtyā yat samānamanubhūyate |
tadrūpādipadāsattiḥ sānuprāsā rasāvahā || 21 ||
[Analyze grammar]

goṣṭhyāṃ kutūhalādhyāyī vāgbandhaścitramucyate |
praśnaḥ prahelikā guptaṃ cyutadakte tathobhayam || 22 ||
[Analyze grammar]

samasyā sapta tadbhedā nānārthasyānuyogataḥ |
yatra pradīyate tulyavarṇavinyāsamuttaraṃ || 23 ||
[Analyze grammar]

sa praśnaḥ syādekapṛṣṭadvapṛṣṭottarabhedataḥ |
dvidhaikapṛṣṭo dvividhaḥ samasto vyasta eva ca || 24 ||
[Analyze grammar]

dvayorapyarthayorguhyamānaśabdā prahelikā |
sā dvidhārthī ca śābdī ca tatrārthī cārthabodhataḥ || 25 ||
[Analyze grammar]

śabdāvabodhataḥ śābdī prāhuḥ ṣoḍhā prahelikāṃ |
yasmin gupte'pi valākyāṅge bāvyartho'pāramārthikaḥ || 26 ||
[Analyze grammar]

tadaṅgavihitākāṅkṣastadguptaṃ gūḍha़mapyadaḥ |
yatrārthāntaranirbāso vākyāṅgacyavanādibhiḥ || 27 ||
[Analyze grammar]

tadaṅgavihitākāṅkṣastaccutaṃ syāccaturvidham |
svaravyañjanavindūnāṃ visargasya ca vicyuteḥ || 28 ||
[Analyze grammar]

dattepi yatra vākyāṅge dvitīyorthaḥ pratīyate |
taddntadāhustadbhedāḥ svarādyaiḥ pūrvvavanmatāḥ || 29 ||
[Analyze grammar]

apanītākṣarasthāne nyaste varṇāntare'pi ca |
bhāsate'rthāntaraṃ yatra cyutadattaṃ taducyate || 30 ||
[Analyze grammar]

suśliṣṭapadyamekaṃ yannānāślokāṃśanirmmitam |
sā mamasyā parasyātmaparayoḥ kṛtisaṅkarāt || 31 ||
[Analyze grammar]

duḥkhena kṛtamatyarthaṃ kavisāmarthyasūcakam |
duṣkaraṃ nīrasatvepi vidagdhānāṃ mahotsavaḥ || 32 ||
[Analyze grammar]

niyamācca vidarbācca bandhācca bhavati tridhā |
kaveḥ pratijñā nirmmāṇaramyasya niyamaḥ samṛtaḥ || 33 ||
[Analyze grammar]

prātilomyānulomyañca śabdenārthena jāyate |
anekadhāvṛttavarṇavinyāsaiḥ śilpakalpanā || 34 ||
[Analyze grammar]

prātilomyānulomyañca śabdenārthena jāyate |
anekadhāvṛttavarṇavinyāsaiḥ śilpakalpanā || 35 ||
[Analyze grammar]

tattatprasiddhavastūnāṃ bandha ityabhidhīyate |
gomūtrikārddhabhramaṇe sarvvatobhadramambujam || 36 ||
[Analyze grammar]

cakrañcakrābjakaṃ daṇḍo murajāśceti cāṣṭadhā |
pratyardhaṃ pratipādaṃ syādekāntarasamākṣarā || 37 ||
[Analyze grammar]

dvidhā gomūtrikāṃ pūrvvāmāhuraśvapadāṃ pare |
antyāṅgomūtrikāṃ dhenuṃ jālabandhaṃ vadanti hi || 38 ||
[Analyze grammar]

arddhābhyāmardhapādaiśca kuryyādvinyāsametayoḥ |
nyastānāmiha varṇānāmadhodhaḥ kramabhāgināṃ || 39 ||
[Analyze grammar]

adhodhaḥ sthitavarṇānāṃ yāvattūryyapadannayet |
turyyapādānnayedūdrdhvaṃ pādārddhaṃ prātilomyataḥ || 40 ||
[Analyze grammar]

tadeva sarvvatobhadraṃ trividhaṃ sarasīruhaṃ |
catuṣpatraṃ tato vighnaṃ catuṣpatre ubhe api || 41 ||
[Analyze grammar]

atha prathamapādasya mūrddhanyastripadākṣaraṃ |
sarvveṣāmeva pādānāmante tadupajāyate || 42 ||
[Analyze grammar]

prākpadasyāntimaṃ pratyak pādādau prātilomyataḥ |
antyapādāntimañcādyapādādāvakṣaradvayaṃ || 43 ||
[Analyze grammar]

catuśchade bhavedaṣṭacchade varṇatrayaṃ punaḥ |
syāt ṣoḍa़śacchade tvekāntarañcedekamakṣaraṃ || 44 ||
[Analyze grammar]

karṇikāṃ tolayedūdrdhvaṃ patrākārākṣarāvaliṃ |
praveśayet karṇikāyāñcatuṣpatrasaroruhe || 45 ||
[Analyze grammar]

karṇikāyāṃ likhedekaṃ dve dve dikṣu vidikṣu ca |
praveśanirgamau dikṣu kuryyādaṣṭacchade'mbuje || 46 ||
[Analyze grammar]

viśvagviṣamavarṇānāṃ tāvat patrābalījuṣāṃ |
madhye samākṣaranyāsaḥ saroje ṣoḍa़śacchade || 47 ||
[Analyze grammar]

dvidhā cakraṃ caturaraṃ ṣaḍa़rantatra cādimaṃ |
pūrvvārddhe sadṛśā varṇāḥ pādaprathamapañcamā || 48 ||
[Analyze grammar]

ayujo'śvayujaścaiva turyyāvapyaṣṭamāvapi |
tasyopapādaprākpratyagareṣu ca yathākramaṃ || 49 ||
[Analyze grammar]

syātpādārddhacatuṣkantu nābhau tasyādyamakṣaraṃ |
paścimārāvadhi nayennemau śeṣe padadvayī || 50 ||
[Analyze grammar]

tṛtīyaṃ turyyapādānte prathamau sadṛśāvubhau |
varṇau pāḍha़trayasyāpi daśamaḥ sadṛśo yadi || 51 ||
[Analyze grammar]

prathame carame tasya ṣaḍvarṇāḥ paścime yadi |
bhavanti dvyantaraṃ tarhi vṛhaccakramudāhṛtaṃ || 52 ||
[Analyze grammar]

sammukhādvaye pādamekaikaṃ kramaśo likhet |
nābhau tu varṇaṃ daśamaṃ nemau turyyapadannayet || 53 ||
[Analyze grammar]

ślokasyādyantadaśamāḥ samā ādyantimau yujoḥ |
ādau varṇaḥ samau turyyapañcamāvādyaturyyayoḥ || 54 ||
[Analyze grammar]

dvitāyaprātilomyena tṛtīyaṃ jāyate yadi |
padaṃ vidadhyāt patrasya daṇḍaścakrābjakaṃ kṛteḥ || 55 ||
[Analyze grammar]

dvitīyau prāgdale tulyau saptamau ca tathāparau |
saṭṭaśāvuttaradalau dvitīyābhyāmathārddhayoḥ || 56 ||
[Analyze grammar]

dvitīyaṣaṣṭhāḥ saṭṭaśāścaturthapañcamāvapi |
ādyantapādayostulyau parārddhasaptamāvapi || 57 ||
[Analyze grammar]

samau turyyaṃ pañcamantu krameṇa viniyojayet |
turyyau yojyau tu tadvacca dalāntāḥ kramapādayoḥ || 58 ||
[Analyze grammar]

arddhayorantimādyau tu muraje sadṛśāvubhau |
pādārddhapatito varṇaḥ prātilomyānulomataḥ || 59 ||
[Analyze grammar]

antimaṃ paribadhnīyādyāvatturyyamihādimat |
pādātturyyādyadevādyaṃ navamāt ṣoḍa़śādapi || 60 ||
[Analyze grammar]

akṣarāt puṭake madhye madye'kṣaracatuṣṭayam |
kṛtvā kuryyādyathaitasya murajākāratā bhavet || 61 ||
[Analyze grammar]

dvitīyaṃ cakraśārdūlavikrīḍitakasampadam |
gomūtrikā sarvavṛttairanye bandhāstvanuṣṭubhā || 62 ||
[Analyze grammar]

nāmadheyaṃ yadi na cedamīṣu kavikāvyayoḥ |
mitradheyābhituṣyanti nāmitraḥ khidyate tathā || 63 ||
[Analyze grammar]

vāṇabāṇāsanavyomakhaḍgamudgaraśaktayaḥ |
dvicaturthatriśrṛṅgāṭā dambholimuṣlāṅkuśāḥ || 64 ||
[Analyze grammar]

padaṃ rathasya nāgasya puṣkariṇyasiputrikā |
ete bandhāstathā cānye evaṃ jñeyāḥ svayaṃ budhaiḥ || 65 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 343

Cover of edition (1987)

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!
Cover of edition (2007)

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!
Cover of edition (2023)

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!
Cover of edition (2006)

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!
Cover of edition (2013)

The Agni Purana (Hindi)
by (2013)

Publisher: Gita Press, Gorakhpur; Title: अग्निपुराण (केवल हिन्दी अनुवाद); ISBN-10: 8129302934; ISBN-13: 9788129302939; 848 pages.

Buy now!
Cover of edition (2013)

Agni Purana (Kannada)
by Sreedharananda (2013)

Publisher: Pooja Pusthaka Bhandara, Bangalore; Title: ಅಗ್ನಿ ಪುರಾಣ; 560 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: