Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 337

< Previous

Next >

[English text for this chapter is available]

agniruvāca |
kāvyasya nāṭakādeśca alaṅkārān vadāmya'tha |
dhvanirvvarṇāḥ padaṃ vākyamityetadvāṅmayaṃ mataṃ || 1 ||
[Analyze grammar]

śāstretihāsavākyānāṃ trayaṃ yatra samāpyate |
śāstre śabdapradhānātvamitihāseṣu niṣṭhatā || 2 ||
[Analyze grammar]

abhidhāyāḥ pradhānatvāt kāvyaṃ tābhyāṃ vibhidyate |
naratvaṃ durllabhaṃ loke vidyātatra ca durllabhā || 3 ||
[Analyze grammar]

kavitvaṃ durllabhaṃ tatra śaktistatra ca durllabhā |
vyutpattirdurllabhā tatra vivekastatra durlabhaḥ || 4 ||
[Analyze grammar]

sarvvaṃ śāstramavidvadbhirmṛgyamāṇanna sidhyati |
ādivarṇā dvitīyaśca mahāprāṇāsturīyakaḥ || 5 ||
[Analyze grammar]

vargeṣu varṇavṛndaṃ syātpadaṃ suptiṅprabhedataḥ |
saṅkṣepādvākyamiṣṭārthavyavachinnā padābalī || 6 ||
[Analyze grammar]

kāvyaṃ sphaṭadalaṅkāraṃ guṇavaddoṣavarjitam |
yonirvvedaśca lokaśca siddhamannādayonijaṃ || 7 ||
[Analyze grammar]

devādīnāṃ saṃskṛtaṃ syāt prākṛtaṃ trividhaṃ nṛṇāṃ |
gadyaṃ padyañca miśrañca kāvyādi trividhaṃ smṛtam || 8 ||
[Analyze grammar]

āpadaḥ padasantāno gadyantadapi gadyate |
cūrṇakotkalikāgandhivṛttabhedāt trirūpakam || 9 ||
[Analyze grammar]

alpālpavigrahaṃ nātimṛdusandarbhanirbharaṃ |
tūrṇakaṃ nāmato dīrghasamāsāt kalikā bhavet || 10 ||
[Analyze grammar]

bhavenmadhyamasandarbhannātikutsitavigraham |
vṛttacchāyāharaṃ vṛttaṃ gandhinaitat kilotkaṭam || 11 ||
[Analyze grammar]

ākhyāyikā kathā khaṇḍakathā parikathā tathā |
kathāniketi manyante gadyakāvyañca pañcadhā || 12 ||
[Analyze grammar]

kartṛvaṃśapraśaṃsā syādyatra gadyena vistarāt |
kanyāharaṇasaṃgrāmavipralambhavipattayaḥ || 13 ||
[Analyze grammar]

bhavanti yatra dīptāśca rītivṛttipravṛttayaḥ |
ucchāsaiśca caparicchejo yatra yā cūrṇakottarā || 14 ||
[Analyze grammar]

vaktraṃ vāparavaktraṃ vā yatra sākhyāyikā smṛtā |
ślokaiḥ svavaṃśaṃ saṃkṣepāt kaviryatra praśaṃsati || 15 ||
[Analyze grammar]

mukhyasyārthāvatārāya bhavedyatra kathāntaram |
paricchedo na yatra syādbhavedvālambhakaiḥ kkacit || 16 ||
[Analyze grammar]

sā kathā nāma tadgarbhe nibadhnīyāccatuṣpadīṃ |
bhavet khaṇḍakathā yāsau parikathā tayoḥ || 17 ||
[Analyze grammar]

amātyaṃ sārthakaṃ vāpi dvijaṃ vā nāyakaṃ viduḥ |
syāttayoḥ karuṇaṃ viddhi vipralambhaśca turvvidhaḥ || 18 ||
[Analyze grammar]

samāpyate tayornnādyā sā kathāmanudhāvati |
kathākhyāthikayormmiśramāvāt parikathā smṛtā || 19 ||
[Analyze grammar]

bhayānakaṃ sukhaparaṃ garbe ca karuṇo rasaḥ |
adbhuto'nte suklṛptārtho nodāttā sā kathānikā || 20 ||
[Analyze grammar]

padyaṃ catuṣpadī tacca vṛttaṃ jātirititridhā |
vṛttamakṣarasaṃkhyeyamukthaṃ tat kṛtiśeṣajam || 21 ||
[Analyze grammar]

mātrābhirgaṇanā yatra sā jātiriti kāśyapaḥ |
samamarddhasamaṃ vṛttaṃ viṣamaṃ paiṅgalaṃ tridhā || 22 ||
[Analyze grammar]

sā vidyā naustitīrṣūṇāṃ gabhīraṃ kāvyasāgaraṃ |
mahākāvyaṃ kalāpaśca paryyābandho viśeṣakam || 23 ||
[Analyze grammar]

kulakaṃ muktaka koṣa iti padyakuṭumbakam |
sargabandho mahākāvyamārabdhaṃ saṃskṛtena yat || 24 ||
[Analyze grammar]

tādātmyamajahattatra tatsamaṃ nāti duṣyati |
itihāsakathodbhūtamitaradvā sadāśrayaṃ || 25 ||
[Analyze grammar]

mantrdūtaprayāṇājiniyataṃ nātivistaram |
śakkaryyātijagatyātiśakkaryyā triṣṭubhā tathā || 26 ||
[Analyze grammar]

puṣpitāgrādibhirvvakrābhijanaiścārubhiḥ samaiḥ |
muktā tu bhimnavṛttāntā nātisaṃkṣiptasrgakam || 27 ||
[Analyze grammar]

atiśakvarikāṣṭibhyāmekasaṅkīrṇakaiḥ pararaḥ |
mātrayāpyaparaḥ sargaḥ prāśastyeṣu ca paścimaḥ || 28 ||
[Analyze grammar]

kalpo'tininditastasminviśeṣānādaraḥ satāṃ |
nagarārṇavaśailarttu candrārkāśramapādapaiḥ || 29 ||
[Analyze grammar]

udyānasalilakrīḍa़ाmadhupānaratotsavaiḥ |
dūtīvacanavinyāsairasatīcaritādbhutaiḥ || 30 ||
[Analyze grammar]

tamasā marutāpyanyaivibhāvairatinirbharaiḥ |
sarvvavṛttipravṛttañca sarvvabhāvaprabhāvitam || 31 ||
[Analyze grammar]

sarvvarītirasaiḥ puṣṭaṃ puṣṭaṅguṇavibhūṇaiḥ |
ata eva mahākāvyaṃ tatkarttā ca mahākaviḥ || 32 ||
[Analyze grammar]

vāgvaidagdhyapradhānepi rasa evātra jīvitam |
pṛthakprayatnanirvvartyaṃ vāgvakrimni rasādvapuḥ || 33 ||
[Analyze grammar]

caturvvargaphalaṃ viśvagvyākhyātaṃ nāyakākhyayā |
samānavṛttinirvyūḍhaḥ kauśikīvṛttikomalaḥ || 34 ||
[Analyze grammar]

kalāpo'tra pravāsaḥ prāganurāgāhvayo rasaḥ |
saviśeṣakañca prāptyādi saṃskṛtenetareṇa ca || 35 ||
[Analyze grammar]

ślokairanekaiḥ kulakaṃ syāt sandānitakāni tat |
muktakaṃ śloka ekaikaścamatkārakṣamaḥ satāṃ || 36 ||
[Analyze grammar]

sūktibhiḥ kavisiṃhānāṃ sundarībhiḥ samanvitaḥ |
koṣo brahmāparicchinnaḥ sa vidagdhāya rocate || 37 ||
[Analyze grammar]

ābhāsopamaśaktiśca sarge yadbhinnavṛttatā |
miśraṃ vapuriti khyātaṃ prakīrṇamiti ca dvidhā || 38 ||
[Analyze grammar]

śravyañcaivābineyañca prakīrṇaṃ sakaloktibhiḥ || 39 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 337

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!