Chapter 304

[English text for this chapter is available]

agniruvāca |
meṣaḥ saṃjñā viṣaṃ sājyamasti dīrghedakaṃ rasaḥ |
etat pañcākṣaraṃ mantraṃ śivadañca śivātmakaṃ || 1 ||
[Analyze grammar]

tārakādi samabhyarccya devatvādi samāpnuyāt |
jñānātmakaṃ paraṃ brahma paraṃ buddhiḥ śivo hṛdi || 2 ||
[Analyze grammar]

tacchaktibhūtaḥ sarvveśo bhinno brahmādimūrttibhiḥ |
mantrārṇāḥ pañca bhūtāni tanmantrā viṣayāstathā || 3 ||
[Analyze grammar]

prāṇādivāyavaḥ pañca jñānakarmmendriyāṇi ca |
sarvaṃ pañcākṣaraṃ brahma tadvadaṣṭākṣarāntakaḥ || 4 ||
[Analyze grammar]

gavyena prokṣayeddīkṣāsthānaṃ mantreṇa coditaṃ |
tantrasambhūtasambhāvaḥ śivamiṣṭvā vidhānataḥ || 5 ||
[Analyze grammar]

mūlamūrttyaṅgavidyābhistaṇḍulakṣepaṇādikam |
kṛtvā caruñca yat kṣīraṃ punastadvibhajet tridhā || 6 ||
[Analyze grammar]

nivedyaikaṃ paraṃ hutvā saśiṣyo'nyad bhajedguruḥ |
ācamya sakalīkṛtya dadyācchiṣyāya deśikaḥ || 7 ||
[Analyze grammar]

dantakāṣṭhaṃ hṛdā japtaṃkṣīravṛkṣādisambhavam |
saṃśodhya dantān saṃkṣīptvā prakṣālyaitat kṣipedbhuvi || 8 ||
[Analyze grammar]

pūrvveṇa saumyavārīśagaṃ śubhamatau śubham |
punastaṃ śiṣyamāyāntaṃ śikhābandhādirakṣitaṃ || 9 ||
[Analyze grammar]

kṛtvā vedyāṃ sahānena svapeddarbhāstare budhaḥ |
suṣuptaṃ vīkṣya taṃ śiṣyaḥ prabhāte śrāvayed guruṃ || 10 ||
[Analyze grammar]

śubhaiḥ siddhipadairbhaktistaiḥ punarmmaṇḍalārccanam |
maṇḍalaṃ bhadrakādyuktaṃ pūjayetsarvvasiddhidaṃ || 11 ||
[Analyze grammar]

snātvācamya mṛdā dehaṃ mantrairālipya kalpyate |
śivatīrthe naraḥ snāyādaghamarṣaṇapūrvakam || 12 ||
[Analyze grammar]

hastābhiṣekaṃ kṛtvātha prāyāt pūjādikaṃ budhaḥ |
mūlenābjāsanaṃ kuryyāttena pūrakakumbhakān || 13 ||
[Analyze grammar]

ātmānaṃ yojayitvorddhvaṃ śikhānte dvādaśāṅgule |
saṃśoṣya dagdhavā svatanuṃ plāvayedamṛtena ca || 14 ||
[Analyze grammar]

dhyātvā divyaṃ vapustasminnātmānañca punarnayet |
kṛtvaivaṃ cātmaśuddhiḥ syādvinyasyārccanamārabhet || 15 ||
[Analyze grammar]

kramāt kṛṣṇasitaśyāmaraktapītā nagādayaḥ |
mantrārṇā daṇḍināṅgani teṣu sarvvāstu mūrttayaḥ || 16 ||
[Analyze grammar]

aṅguṣṭhādikaniṣṭhāntaṃ vinyasyāṅgāni sarvvataḥ |
nyasenmantrākṣaraṃ pādaguhyahṛdvaktramūrddhasu || 17 ||
[Analyze grammar]

vyāpakaṃ nyasya mūrddhādi mūlamaṅgāni vinyaset |
raktapītaśyāmasitān pīṭhapādān svakoṇajān || 18 ||
[Analyze grammar]

svāṅgānmantrairnyased gātrāṇyadharmmādīni dikṣu ca |
tatra padmañca sūryyādimaṇḍala tritayaṃ guṇān || 19 ||
[Analyze grammar]

pūrvvādipatre vāmādyā navamī karṇikopari |
vāmā jyeṣṭhā kramādraudrī kālī kalavikāriṇī || 20 ||
[Analyze grammar]

balavikāriṇī cātha balapramathanī tathā |
sarvvabhūtadamanī ca navamī ca manonmanī || 21 ||
[Analyze grammar]

śvetā raktā sitā pītā śyāmā vahninibhāṣitā |
kṛṣṇāruṇāśca tāḥ śaktīrjvālārūpāḥ smaret kramāt || 22 ||
[Analyze grammar]

anantayogapīṭhe ca āvāhyātha hṛdabjataḥ |
sphaṭikābhaṃ caturbāhuṃ phalaśūladharaṃ śivam || 23 ||
[Analyze grammar]

sābhayaṃ varadaṃ pañcavadanañca trilocanam |
patreṣu mūrttayaḥ pañca sthāpyāstatpuruṣādayaḥ || 24 ||
[Analyze grammar]

pūrvve tatpuruṣaḥ śveto aghoro'ṣṭabhujo'sitaḥ |
caturbāhumukhaḥ pītaḥ sadyojātaśca paścime || 25 ||
[Analyze grammar]

vāmadevaḥ strīvilāsī caturvaktrabhujo'ruṇaḥ |
saumye pañcāsya īśāne īśānaḥ sarvvadaḥ sitaḥ || 26 ||
[Analyze grammar]

iṣṭāṅgāni yathānyāyamanantaṃ sūkṣmmarccayet |
siddheśvaraṃ tvekanetraṃ pūrvvādau diśi pūjayet || 27 ||
[Analyze grammar]

ekarudraṃ trinetrañca śrīkaṇṭhañca śikhaṇḍinam |
aiśānyādividikṣvete vidyeśāḥ kamalāsanāḥ || 28 ||
[Analyze grammar]

śvetaḥ pītaḥ sito rakto dhūmro rakto'ruṇaḥ sitaḥ |
śūlāśaniśareṣvāsavāhavaścaturānanāḥ || 29 ||
[Analyze grammar]

umā caṇḍīśanandīśau mahākālo gaṇeśvaraḥ |
vṛṣo bhṛṅgariṭiskandānuttarādau prapūjayet || 30 ||
[Analyze grammar]

kuliśaṃ śaktidaṇḍau ca khaḍgapāśadhvajau gadāṃ |
śūlaṃ cakraṃ yajet padmaṃ pūrvvādau devamarcya ca || 31 ||
[Analyze grammar]

tato'dhivāsitaṃ śiṣyaṃ pāyayed gavyapañcakam |
ācāntaṃ prokṣya netrāntairnetre netreṇa bandhayet || 32 ||
[Analyze grammar]

dvāre praveśayecchiṣyaṃ maṇḍapasyātha dakṣiṇe |
sāsanādikuśāsīnaṃ tatra saṃśodhayed guruḥ || 33 ||
[Analyze grammar]

āditattvāni saṃhṛtya paramārthe layaḥ kramāt |
punarutpādayecchiṣyaṃ sṛṣṭimārgeṇa deśikaḥ || 34 ||
[Analyze grammar]

nyāsaṃ śiṣye tataḥ kṛtvā taṃ pradakṣiṇamānayet |
paścimadvāramānīya kṣepayet kusumāñjalim || 35 ||
[Analyze grammar]

yasmin patanti puṣpāṇi tannāmādyaṃ vinirddiśet |
pārśve yāgabhuvaḥ khāte kuṇḍe sannābhimekhale || 36 ||
[Analyze grammar]

śivāgniṃ janayitveṣṭvā punaḥ śiṣyeṇa cārccayet |
dhyānenātmani taṃ śiṣyaṃ saṃhṛtya pralayaḥ kramāt || 37 ||
[Analyze grammar]

punarutpādya tatpāṇau dadyāddarbhāṃśca mantritān |
pṛthivyādīni tattvāni juhuyād hṛdayādibhiḥ || 38 ||
[Analyze grammar]

ekaikasya śataṃ hutvā vyomamūlena homayet |
hutvā pūrṇāhutiṃ kuryyādastreṇāṣṭāhutīrhunet || 39 ||
[Analyze grammar]

prāyaścittaṃ viśuddhyarthaṃ tataḥ śeṣaṃ samāpayet |
kumbhaṃ samantritaṃ prārcyaṃ śiśuṃ pīṭhe'bhiṣecayet || 40 ||
[Analyze grammar]

śiṣye tu samayaṃ datvā svarṇādyaiḥ svaguruṃ yajet |
dīkṣā pañcākṣarasyoktā viṣṇvāderevameva hi || 40 ||
[Analyze grammar]