Chapter 288

[English text for this chapter is available]

dhanvantariruvāca |
aśvavāhanasārañca vakṣye cāśvacikitsanam |
vājināṃ saṃgrahaḥ kāryo dharmmakarmārthasiddhaye || 1 ||
[Analyze grammar]

aśvinī śravaṇaṃ hastaṃ uttarātritayantathā |
nakṣatrāṇi praśastāni hayānāmādivāhane || 2 ||
[Analyze grammar]

hemantaḥ śiśiraścaiva vasantaścāśvāvāhane |
grīṣme śaradi varṣāsu niṣiddhaṃ bāhanaṃ haye || 3 ||
[Analyze grammar]

tībrairnna ca parairddaṇḍairadeśe na ca tāḍayet |
kīlāsthisaṃkule caiva viṣame kaṇṭakānvite || 4 ||
[Analyze grammar]

vālukāpaṅkasaṃcchanne garttāgarttapradūṣite |
acittajño vinopāyairvāhanaṃ kurute tu yaḥ || 5 ||
[Analyze grammar]

sa vāhyate hayenaiva pṛṣṭhasthaḥ kaṭikāṃ vinā |
chandaṃ vijñāpayet kopi sukṛtī dhīmatāṃ varaḥ || 6 ||
[Analyze grammar]

abyāsādabiyogācca vināśāstraṃ svavāhakaḥ |
snātasya prāṅmukhasyātha devān vapuṣi yojayet || 7 ||
[Analyze grammar]

praṇavādinamontena svavījena yathākramam |
brahmā citte vale viṣṇurvainateyaḥ parākrame || 8 ||
[Analyze grammar]

pārśve rudrā gururbuddhau viśvedevāśca marmasu |
dṛgāvartte dṛśīndvarkau karṇayoraśvinau tathā || 9 ||
[Analyze grammar]

jaṭhare'gniḥ svadhā svede vāgjihvāyāṃ jave'nilaḥ |
pṛṣṭhato nākapṛṣṭhastu khurāgre sarvaparvatā || 10 ||
[Analyze grammar]

tārāśca romakūpeṣu hṛdi cāndramasī kalā |
tejasyagnīratiḥ śroṇyāṃ lalāṭe ca jagatpatiḥ || 11 ||
[Analyze grammar]

grahāśca heṣite caiva tathaivorasi vāsukiḥ |
upoṣito'rccayet sādī hayaṃ dakṣaśrutau japet || 12 ||
[Analyze grammar]

haya gandharvarājastvaṃ śrṛṇuṣva vacanaṃ mama |
gandharvakulakajātastvaṃ mābhūstvaṃ kuladūṣakaḥ || 13 ||
[Analyze grammar]

dvijānāṃ satyavākyena somasya garuḍasya ca |
rudrasya varuṇasyaiva pavanasya balena ca || 14 ||
[Analyze grammar]

hutāśanasya dīptyā ca smara jāti turaṅgama |
smara rājendraputrastvaṃ satyavākyamanusmara || 15 ||
[Analyze grammar]

samara tvaṃ vāruṇīṃ kanyāṃ smara tvaṃ kaustubhaṃ maṇiṃ |
kṣīrodasāgare caiva mathyamāne surāsuraiḥ || 16 ||
[Analyze grammar]

tatra devakule jātaḥ svavākyaṃ paripālaya |
kule jātastvamaśvānāṃ mitraṃ me bhava śāśvatam || 17 ||
[Analyze grammar]

śrṛṇu mitra tvametacca siddho me bhava vāhana |
vijayaṃ rakṣa māñcaiva samare siddhimāvaha || 18 ||
[Analyze grammar]

tava pṛṣṭhaṃ samāruhya hatā daityāḥ suraiḥ purā |
adhunā tvāṃ samāruhya jeṣyāmi ripuvāhinīṃ || 19 ||
[Analyze grammar]

karṇajāpantataḥ kṛtvā mimuhya ca tathāpyarīn || 2 ||
[Analyze grammar]

paryyānayeddhayaṃ sādī vāhayed yuddhato jayaḥ || 20 ||
[Analyze grammar]

sañjātāḥ svaśarīreṇa doṣāḥ prāyeṇa vājināṃ |
hanyante'tiprayatnena guṇāḥ sādivaraiḥ punaḥ || 21 ||
[Analyze grammar]

sahajā iva dṛśyante guṇāḥ sādivarodbhavāḥ |
nāśayanti guṇānanye sādinaḥ sahajānapi || 22 ||
[Analyze grammar]

guṇāneko vijānāti vetti doṣāṃstathā'paraḥ |
dhanyo dhīmān hayaṃ vetti nobhayaṃ vetti mandadhīḥ || 23 ||
[Analyze grammar]

akarmmajño'nupāyajño vegāsakto'tikopanaḥ |
ghanadaṇḍaraticchidre yaḥ samopi na vśasyate || 24 ||
[Analyze grammar]

upāyajño'tha cittajño viśuddho dopanāśanaḥ |
guṇārjjanaparo nityaṃ sarvvakarmmaviśāradaḥ || 25 ||
[Analyze grammar]

pragraheṇa gṛhītvā'tha cittajño viśuddho doṣanāśanaḥ |
guṇārjjanaparo nityaṃ sarvvakarmmaviśāradaḥ || 26 ||
[Analyze grammar]

āruhya sahasā naiva tāḍa़nīyo hayottamaḥ |
tāḍa़nād bhayamāpnoti bhayānmohaśca jāyate || 27 ||
[Analyze grammar]

prātaḥ sādī plutenaiva valgāmuddhṛtya cālayet |
mandaṃ mandaṃ vinā nālaṃ dhṛtavalgo dināntare || 28 ||
[Analyze grammar]

proktamāśvasanaṃ sāmabhedo'śvena niyojyate |
kaṣāditāḍa़naṃ daṇḍo dānaṃ kālasahiṣṇutā || 29 ||
[Analyze grammar]

pūrvvapūrvvaviśuddhau tu vidadhyāduttarottaram |
jihvātale vināyogaṃ vidadhyādvāhane haye || 30 ||
[Analyze grammar]

guṇetaraśatāṃ valgāṃ sṛkkaṇyā saha gāhayet |
vismāryya vāhanaṃ kuryyācchithilānāṃ śanaiḥ śanaiḥ || 31 ||
[Analyze grammar]

hayaṃ jihvāṅgamāhīne jihvāgranthiṃ vimocayet |
gāṭatāṃ mocayettāvadyāvat stobhaṃ na muñcati || 32 ||
[Analyze grammar]

kuryyācchratamurastrāṇamavilālañca muñcati |
ūdrdhvānanaḥ svabhāvādyastasyorastrāṇamaślatham || 33 ||
[Analyze grammar]

vidhāya vāhayedduṣṭyā līlayā sādisattamaḥ |
tasya savyena pūrveṇa saṃyuktaṃ savyavalgayā || 34 ||
[Analyze grammar]

yaḥ kuryyātpaścimaṃ pādaṃ gṛhītastena dakṣiṇaḥ |
krameṇānena yo sevāṃ kurute vāmavalgayā || 35 ||
[Analyze grammar]

pādau tenāpi pādaḥ syādgṛhīto vāma eva hi |
agne ceccaraṇe tyakte jāyate sudṛḍhāsanaṃ || 36 ||
[Analyze grammar]

yau hṛtau duṣkare caiva moṭake nāṭakāyanaṃ |
savyahīnaṃ khalīkāro hanane guṇane tathā || 37 ||
[Analyze grammar]

svabāvaṃ hi turaṅgasya mukhavyāvarttanaṃ punaḥ |
na caivetthaṃ turaṅgāṇāṃ pādagrahaṇahetavaḥ || 38 ||
[Analyze grammar]

viśvastaṃ hayamālokya gāḍha़māpīḍya cāsanaṃ |
rokayitvā mukhe pādaṃ grāhyato lokanaṃ hitaṃ || 39 ||
[Analyze grammar]

gāḍha़māpīḍya rāgābhyāṃ valgāmākṛṣya gṛhyate |
tadvandhanād yugmapādaṃ tadvadvakkanamucyate || 40 ||
[Analyze grammar]

saṃyojya valgayā pādān valgāmāmocya vāñchitam |
vāhyapārṣṇiprayogāttu yatra tattāḍa़naṃ matam || 41 ||
[Analyze grammar]

pralayāviplave jñātvā krameṇānena buddhimān |
moṭanena caturthena vidhireṣa vidhīyate || 42 ||
[Analyze grammar]

nādhatte'dhaśca yaḥ pādaṃ yo'svo laghuni maṇḍale |
moṭanodvakkanābhyāntu grāhayet pādamīśitaṃ || 43 ||
[Analyze grammar]

vaṭayitvāsane gāṭaṃ mandamādāya yo brajet |
grāhyate saṃgrahādyatra tatsaṃgrahaṇamucyate || 44 ||
[Analyze grammar]

hatvā pārśve prahāreṇa sthānastho vyagramānasam |
valgāmākṛṣya pādena grāhyakaṇṭakapāyanam || 45 ||
[Analyze grammar]

utthito yo'ṅignaṇānena pārṣṇipādātturahgamaḥ |
gṛhyate yat khalīkṛtya khalīkāraḥ sa ceṣyate || 46 ||
[Analyze grammar]

gatitrayepi yaḥ pādamādatte naiva vāñchitaḥ |
hatvā tu yatra daṇḍena grāhyate gahanaṃ hi tat || 47 ||
[Analyze grammar]

khalīkṛtya cuṣkeṇa turaṅgo valgayānyayā |
ucchvāsya grāhyate'nyatra tatsyāducchvāsanaṃ punaḥ || 48 ||
[Analyze grammar]

svabhāvaṃ vahirasyantaṃ tasyāṃ diśi padāyanaṃ |
niyojya grāhayettattu mukhavyāvarttanaṃ matam || 49 ||
[Analyze grammar]

grāhayitvā tataḥ pādaṃ trividhāsu yathākramam |
sādhayet pañcadhārāsu kramaśo maṇḍalādiṣu || 50 ||
[Analyze grammar]

ājanorddhānanaṃ vāhaṃ śithilaṃ vāhayet sudhīḥ |
aṅgeṣu lāghavaṃ yāvattāvattaṃ vāhayeddhayaṃ || 51 ||
[Analyze grammar]

mṛduḥ skandhe laghurvaktre śithilaḥ sarvasandhiṣu |
yadā sa sādino vaśyaḥ saṅgṛhṇīyāttadā hayaṃ || 52 ||
[Analyze grammar]

na tyajet paścimaṃ pādaṃ yadā sādhurbhavettadā |
tadākṛṣṭirvvidhātavyā pāṇibhyāmiha valgayā || 53 ||
[Analyze grammar]

tatra triko yathā tiṣṭhedudgrīvośvaḥ samānanaḥ |
dharāyāṃ paścimau pādau antarīśe yadāśrayau || 54 ||
[Analyze grammar]

tadā sandhāraṇaṃ kuryyādgāṭhavāhañca muṣṭinā |
sahasaivaṃ samākṛṣṭo yasturaṅgo na tiṣṭhati || 55 ||
[Analyze grammar]

śarīraṃ vikṣipantañca sādhayenmaṇḍalabhramaiḥ |
kṣipet skandhañca yo vāhaṃ sa ca sthāpyo hi valgayā || 56 ||
[Analyze grammar]

gomayaṃ lavaṇaṃ mūtraṃ kkathitaṃ mṛtsamanvitam |
aṅgalepo makṣikādidaṃśaśramavināśanaḥ || 57 ||
[Analyze grammar]

madhye bhadrādijātīnāṃ maṇḍo deyo hi sādinā |
darśanaṃ bhotatīkṣasya nirutsāhaḥ kṣudhā hayaḥ || 58 ||
[Analyze grammar]

yathā vaśyastathā śikṣā vinaśyantyativāhitāḥ |
avāhitā na sidhyanti tuṅgavaktrāṃśca vāhayet || 59 ||
[Analyze grammar]

sampīḍya jānuyugmena sthiramuṣṭisturaṅgamaṃ |
gomūtrākuṭilā veṇaī padmamaṇḍalamālikā || 60 ||
[Analyze grammar]

pañcolūkhalikā kāryyā garvitāste'tikīrttitāḥ || 8 ||
[Analyze grammar]

saṃkṣiptañcaiva vikṣiptaṃ kuñcitañca yathācitam || 61 ||
[Analyze grammar]

valgitāvalgitau caiva ṣoḍhā cetthamudāhṛtam |
vithīdhanuḥśataṃ yāvadaśītirnnavatistathā || 62 ||
[Analyze grammar]

bhadraḥ susādhyo vājī syānmando daṇḍaikamānasaḥ |
mṛgajaṅgho mṛgo vājī saṅkīrṇastatsamanvayāt || 63 ||
[Analyze grammar]

śarkkarāmadhulājādaḥ sugandho'sva śucirdvijaḥ |
tejasvī kṣatriyaścāśvo vinīto buddhimāṃśca yaḥ || 64 ||
[Analyze grammar]

śūdro'śuciścalo mando virūpo vimatiḥ khalaḥ |
valgayā dhāryyamāṇo'śvo lālakaṃ yaśca darśayet || 65 ||
[Analyze grammar]

dhārāsu yojanīyo'sau pragrahagrahamokṣaṇaiḥ |
aśvādilakṣaṇaṃ vakṣye śālihotro yathāvadat || 66 ||
[Analyze grammar]