Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 279

[English text for this chapter is available]

agniruvāca |
āyurvedaṃ pravakṣyāmi suśrutāya yamabravīt |
devo dhanvantariḥ sāraṃ mṛtasañjīvanīkaraṃ || 1 ||
[Analyze grammar]

suśruta uvāca |
āyurvedaṃ mama brūhi narāśvebharugardanam |
siddhayogān siddhamantrān mṛtasañjīvanīkarān || 2 ||
[Analyze grammar]

dhanvantariruvāca |
rakṣan balaṃ hi jvaritaṃ laṅghitaṃ bhojayedbhiṣak |
saviśvaṃ lājamaṇḍantu tṛḍjvarāntaṃ śrṛtaṃ jalam || 3 ||
[Analyze grammar]

mustaparpaṭakośīracandanodīcyanāgaraiḥ |
ṣaḍa़he ca vyatikrānte tiktakaṃ pāyayeddhruvam || 4 ||
[Analyze grammar]

snehayettyaktadoṣantu tatastañca virecayet |
jīrṇāḥ ṣaṣṭikanīvāraraktaśālipramodakāḥ || 5 ||
[Analyze grammar]

tadvidhāste jvareṣviṣṭā yavānāṃ vikṛtistathā |
mudgā masūrāścaṇakāḥ kulatthāsca sakuṣṭhakāḥ || 6 ||
[Analyze grammar]

āṭakyo nārakādyāśca karkkoṭakakaṭolvakam |
paṭolaṃ saphalaṃ nimbaṃ parpaṭaṃ dāḍimaṃ jvare || 7 ||
[Analyze grammar]

adhoge vamanaṃ śastamūdrdhvage ca virecanam |
raktapitte tathā pānaṃ ṣaḍaṅgaṃ śuṇṭhivarjjitam || 8 ||
[Analyze grammar]

śakrugodhūmalājāśca yavaśālimasūrakāḥ |
sakuṣṭhacaṇakā mudgā bhakṣyā godhūmakā hitāḥ || 9 ||
[Analyze grammar]

sādhitā ghṛtadugdhābhyāṃ kṣaudraṃ vṛṣaraso madhu |
atīsāre purāṇānāṃ śālīnāṃ bhakṣaṇaṃ hitaṃ || 10 ||
[Analyze grammar]

anabhiṣyandi yaccānnaṃ lodhravalkalasaṃyutam |
mārutaṃ varjjayed yatnaḥ kāryyo gulmeṣu sarvathā || 11 ||
[Analyze grammar]

vāṭyaṃ kṣīreṇa cāśnīyādvāstūkaṃ ghṛtasādhitaṃ |
godhūmaśālayastiktā hitā jaṭhariṇāmatha || 12 ||
[Analyze grammar]

godhūmaśālayo mudgā brahmarkṣakhadiro'bhayā |
pañcakolañjāṅgalāśca nimbadhātryāḥ paṭolakāḥ || 13 ||
[Analyze grammar]

mātulaṅgarasājātiśuṣkamūlakasaindhavāḥ |
kuṣṭhināñca tatā śastaṃ pānārthe khadirodakaṃ || 14 ||
[Analyze grammar]

masūramudgau peyārthe bhojyā jīrṇāśca śālayaḥ |
nimbaparpaṭakaiḥ śākairjjāṅgalānāṃ tathā rasaḥ || 15 ||
[Analyze grammar]

viḍaṅgaṃ maricaṃ mustaṃ kuṣṭhaṃ lodhraṃ suvarccikā |
manaḥ śilā ca vāleyaḥ kuṣṭhahā mūtrapeṣitaḥ || 16 ||
[Analyze grammar]

apūpakuṣṭhakulmāṣayavādyā mehināṃ hitāḥ |
yavānnavikṛtirmudgā kulatthā jīrṇaśālayaḥ || 17 ||
[Analyze grammar]

tiktarukṣāṇi śākāni tiktāni haritāni ca |
tailāni tilaśigrukavibhītakeṅgudāni ca || 18 ||
[Analyze grammar]

mudgāḥ sayavagodhūmā dhānyaṃ varṣasthitañca yat |
jāṅgalasya rasaḥ śasto bhojane rājayakṣmiṇāṃ || 19 ||
[Analyze grammar]

kaulatthamaudgako rāsnāśuṣkamūlakajāṅgalaiḥ |
pūpairvā viskiraiḥ siddhairdadhidāḍa़िmasādhitaiḥ || 20 ||
[Analyze grammar]

mātulaṅgarasakṣaudradrākṣāvyoṣādisaṃskṛtaiḥ |
yavagodhūmaśālyannairbhojyecchvāsakāsinaṃ || 21 ||
[Analyze grammar]

daśamūlavalārāsnākulatthairupasādhitāḥ |
peyāḥ pūparasāḥ kkāthāḥ śvāsahikkānivāraṇā || 22 ||
[Analyze grammar]

śuṣkamūlakakaulatthamūlajāhgalajai rasaiḥ |
yavagodhūmaśālyannaṃ jīrṇaṃ sośīramācaret || 23 ||
[Analyze grammar]

śothavān saguḍa़ाṃ pathyāṃ khādedvā guḍa़nāgaram |
takrañca citrakañcobhau grahaṇīroganāśanau || 24 ||
[Analyze grammar]

purāṇayavagodhūmaśālayo jāṅgalo rasaḥ |
mudgāmalakakharjūramṛdvīkāvadarāṇi ca || 25 ||
[Analyze grammar]

madhu sarpiḥ payaḥ śakra nimbaparpaṭakau vṛṣam |
takrāriṣṭāśca śasyante satataṃ vātarogiṇām || 26 ||
[Analyze grammar]

hṛdrogiṇo virecyāstu pippalyo hikkināṃ hitāḥ |
takrāvalālasindhūni muktāni śiśirāmbhasā || 27 ||
[Analyze grammar]

muktāḥ sauvarcalājādi madyaṃ śastaṃ madātyaye |
sakṣodrapayasā lākṣaāṃ pivecca kṣacavānnaraḥ || 28 ||
[Analyze grammar]

kṣayaṃ māṃsarasāhāro vahnisaṃrakṣaṇājjayet |
śālayo bhojane raktā nīvārakalamādayaḥ || 29 ||
[Analyze grammar]

yavānnavikṛtirmmāṃsaṃ śākaṃ sauvarcalaṃ śaṭī |
pathyā tathaivārśasāṃ yanmaṇḍaṃ takrañca vāriṇā || 30 ||
[Analyze grammar]

mustābhyāsastathā lopaścitrakeṇa haridrayā |
yavānnavikṛtiḥ śālirvvāstūkaṃ sasuvarccalam || 31 ||
[Analyze grammar]

trapuṣairvārugodhūmāḥ kṣīrekṣughṛtasaṃyutāḥ |
mūtrakṛcchre ca śastāḥ syuḥ pāne maṇḍasurādayaḥ || 32 ||
[Analyze grammar]

lājāḥ śaktustathā kṣaudraṃ śūlyaṃ māṃsaṃ parūṣakam |
vārttākulāvaśikhinaścharddighnāḥ pānakāni ca || 33 ||
[Analyze grammar]

śālyannantoyapayasī kevaloṣṇe śrṛte'pi vā |
tṛṣṇāghne mustaguḍa़yorguṭikā vā mukhe dhṛtā || 34 ||
[Analyze grammar]

yavānnavikṛtiḥ pūpaṃ śuṣkamūlakajantathā |
śākaṃ paṭolavetrāgramurustambhavināśanam || 35 ||
[Analyze grammar]

mudgāḍha़kamasūrāṇāṃ satilairjāṅgalai rasaiḥ |
sasaindhavaghṛtadrākṣāśuṇṭhyāmalakakolajaiḥ || 36 ||
[Analyze grammar]

yūṣaiḥ purāṇagodhūmayavaśālyannamabhyaset |
visarpī sasitākṣaudramṛdvīkādāḍa़िmodakam || 37 ||
[Analyze grammar]

raktayaṣṭikagodhūmayavamudgādikaṃ laghu |
kākamārī ca vetrāgraṃ vāstukañca suvarccalā || 38 ||
[Analyze grammar]

vātaśoṇitanāśāya toyaṃ śastaṃ madhu |
nāśārogeṣu ca hitaṃ ghṛtaṃ durvvāprasādhitam || 39 ||
[Analyze grammar]

bhṛṅgarājarase siddhaṃ tailaṃ dhātrīrase'pi vā |
naśyaṃ sarvāmayeṣviṣṭaṃ mūrddhajantūdbhaveṣu ca || 40 ||
[Analyze grammar]

śītatoyānnapānañca tilānāṃ vipra bhakṣaṇam |
dvijajāḍharyakaraṃ proktaṃ tathā tuṣṭikaramparam || 41 ||
[Analyze grammar]

gaṇḍūṣaṃ tilatailena dvijajārḍhyakaraṃ paraṃ |
viḍa़ṅgacūrṇaṃ gomūtraṃ sarvvaṃtra kṛmināśane || 42 ||
[Analyze grammar]

dhātrīphalānyathājyañca śirolepanamuttamam |
śirorogavināśāya srigdhamuṣṇañca bhojanam || 43 ||
[Analyze grammar]

tailaṃ vā vastamūtrañca karṇapūraṇamuttamam |
karṇaśūlavināśāya sarvaśuktāni vā dvija || 44 ||
[Analyze grammar]

girimṛccandanaṃ lākṣā mālatī kalikā tathā |
saṃyojyā yā kṛtā varttiḥ kṣataśukraharī tu sā || 45 ||
[Analyze grammar]

vyoṣaṃ triphalayā yuktaṃ tucchakañca tathā jalam |
sarvākṣirogaśamanaṃ tathā caiva rasāñjanam || 46 ||
[Analyze grammar]

ājyabhṛṣṭaṃ śilāpiṣṭaṃ lodhrakāñjīkasaindhavaiḥ |
āścyotanāvināśāya sarvanetrāmaye hitam || 47 ||
[Analyze grammar]

girimṛccandanairlepo varirnetrasya śasyate |
netrāmayavighātārthaṃ triphalāṃ śīlayet sadā || 48 ||
[Analyze grammar]

rātrau tu madhusarpibhyāṃ dīrghamāyurjjijīviṣuḥ |
śatāvarīrase siddhau vṛṣyau kṣīraghṛtau smṛtau || 49 ||
[Analyze grammar]

kalambikāni māṣāśca vṛṣyau kṣīraghṛtau tathā |
āyuṣyā triphalā jñeyā pūrvavanmadhukānvitā || 50 ||
[Analyze grammar]

madhukādirasopetā balīpalitanāśinī |
vacāsiddhaghṛtaṃ vipraṃ bhūtadoṣavināśanam || 51 ||
[Analyze grammar]

kavyaṃ buddhipradañcaiva tathā sarvārthasādhanam |
valākalkakaṣāyeṇa siddhamabhyañjane hitam || 52 ||
[Analyze grammar]

rāsnāsahacarairvāpi tailaṃ vātavikāriṇām |
anabhiṣyandi yaccānnaṃ tadvraṇeṣu praśasyate || 53 ||
[Analyze grammar]

śaktupiṇḍī tathaivāmlā pācanāya praśasyate |
pakkasya ca tathā bhede nimbacūrṇañca ropaṇe || 54 ||
[Analyze grammar]

tathā śūcyupacāraśca balikarma viśeṣataḥ |
sūtikā ca tathā rakṣā prāṇināntu sadā hitā || 55 ||
[Analyze grammar]

bhakṣaṇaṃ nimbapatrāṇāṃ sarpadaṣṭasya bheṣajam |
tālanimbadalaṅkeśyaṃ jīrṇantailaṃ yavā ghṛtam || 56 ||
[Analyze grammar]

dhūpo vṛścikadaṣṭasya śikhipatraghṛtena vā |
arkakṣīreṇa saṃpiṣṭaṃ lopā vījaṃ palāśajaṃ || 57 ||
[Analyze grammar]

vṛścikārttasya kṛṣṇā vā śivā ca phalasaṃyutā |
arkakṣīraṃ litaṃ taila palalañca guḍa़ṃ samam || 58 ||
[Analyze grammar]

pānājjayati durbāraṃ śvaviṣaṃ śīghrameva tu |
pītvā mūlaṃ trivṛttulyaṃ taṇḍulīyasya sarpiṣā || 59 ||
[Analyze grammar]

sarpakīṭaviṣāṇyāśu jayatyatibalānyapi |
candanaṃ padmakaṅkuṣṭhaṃ talāmbūśīrapāṭalāḥ || 60 ||
[Analyze grammar]

nirguṇḍī śārivā selurlūtāviṣaharo gadaḥ |
śirovirecanaṃ śastaṃ guḍa़nāgarakaṃ dvija || 61 ||
[Analyze grammar]

snehapāne tathā vastau tailaṃ ghṛtamanuttamam |
svedanīyaḥ paro vahniḥ śītāmbhaḥ stambhanaṃ param || 62 ||
[Analyze grammar]

trivṛddhi recane śreṣṭhā vamane madanaṃ tathā |
vastirvireko vamanaṃ tailaṃ sarpistathā madhu || 63 ||
[Analyze grammar]

vātapittabalāśānāṃ krameṇa paramauṣadhaṃ || 64 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 279

Cover of edition (1987)

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!
Cover of edition (2007)

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!
Cover of edition (2023)

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!
Cover of edition (2006)

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!
Cover of edition (2013)

The Agni Purana (Hindi)
by (2013)

Publisher: Gita Press, Gorakhpur; Title: अग्निपुराण (केवल हिन्दी अनुवाद); ISBN-10: 8129302934; ISBN-13: 9788129302939; 848 pages.

Buy now!
Cover of edition (2013)

Agni Purana (Kannada)
by Sreedharananda (2013)

Publisher: Pooja Pusthaka Bhandara, Bangalore; Title: ಅಗ್ನಿ ಪುರಾಣ; 560 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: