Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 210

< Previous

Next >

[English text for this chapter is available]

agniruvāca |
sarvadānāni vakṣyāmi mahādānāni ṣoḍaśa |
tulāpuruṣa ādyantu hiraṇyagarbhadānakaṃ || 1 ||
[Analyze grammar]

brahmāṇḍaṃ kalpavṛkṣaśca gosahasrañca pañcamaṃ |
hiraṇyakāmadhenuśca hiraṇyāśvaśca saptamaṃ || 2 ||
[Analyze grammar]

hiraṇyāśvarathastadvaddhemahastirathastathā |
pañcalāṅgalakantadvaddharādānaṃ tathaiva ca || 3 ||
[Analyze grammar]

viśvacakraṃ kalpalatā saptasāgarakaṃ paraṃ |
ratnadhenurmahābhūtaghaṭaḥ śubhadine'rpayet || 4 ||
[Analyze grammar]

maṇḍape maṇḍale dānaṃ devān prārcyārpayeddvije |
merudānāni puṇyāni meravo daśa tān śṛṇu || 5 ||
[Analyze grammar]

dhānyadroṇasahasreṇa uttamo'rdhārdhataḥ parau |
uttamaḥ ṣoḍaśadroṇaḥ kartavyo lavaṇācalaḥ || 6 ||
[Analyze grammar]

daśabhārairguḍādriḥ syāduttamo'rdhārdhataḥ parau |
uttamaḥ palasāhasraiḥ svarṇamerustathā parau || 7 ||
[Analyze grammar]

daśadroṇaistilādriḥ syātpañcabhiśca tribhiḥ kramāt |
kārpāsaparvato viṃśabhāraiśca daśapañcabhiḥ || 8 ||
[Analyze grammar]

viṃśatyā ghṛtakumbhānāmuttamaḥ syādghṛtācalaḥ |
daśabhiḥ palasāhasrairuttamo rajatācalaḥ || 9 ||
[Analyze grammar]

aṣṭabhāraiḥ śarkarādrirmadhyo mando'rddhato'rddhataḥ |
daśa dhenūḥ pravakṣyāmi yā dattvā bhuktimuktibhāk || 10 ||
[Analyze grammar]

prathamā guḍadhenuḥ syādghṛtadhenustathāparā |
tiladhenustṛtīyā ca caturthī jaladhenukā || 11 ||
[Analyze grammar]

kṣīradhenurmadhudhenuḥ śarkarādadhidhenuke |
rasadhenuḥ svarūpeṇa daśamī vidhirucyate || 12 ||
[Analyze grammar]

kumbhāḥ syurdravadhenūnāmitarāsāntu rāśayaḥ |
kṛṣṇājinañcaturhastaṃ prāggrīvaṃ vinyasedbhuvi || 13 ||
[Analyze grammar]

gomayenānuliptāyāṃ darbhānāstīrya sarvataḥ |
laghvaiṇakājinaṃ tadvadvatsasya parikalpayet || 14 ||
[Analyze grammar]

prāṅmukhīṃ kalpayeddhenumudakpādāṃ savatsakāṃ |
uttamā guḍadhenuḥ syātsadā bhāracatuṣṭayāt || 15 ||
[Analyze grammar]

vatsaṃ bhāreṇa kurvīta bhārābhyāṃ madhyamā smṛtā |
ardhabhāreṇa vatsaḥ syātkaniṣṭhā bhārakeṇa tu || 16 ||
[Analyze grammar]

caturthāṃśena vatsaḥ syādguḍavittānusārataḥ |
pañca kṛṣṇalakā māṣaste suvarṇastu ṣoḍaśa || 17 ||
[Analyze grammar]

palaṃ suvarṇāścatvārastulā palaśataṃ smṛtaṃ |
syādbhāro viṃśatitulā droṇastu caturāḍhakaḥ || 18 ||
[Analyze grammar]

dhenuvatsau guḍasyobhau sitasūkṣmāmbarāvṛtau |
śuktikarṇāvikṣupādau śucimuktāphalekṣaṇau || 19 ||
[Analyze grammar]

sitasūtraśirālau ca sitakambalakambalau |
tāmragaḍḍukapṛṣṭhau tau sitacāmararomakau || 20 ||
[Analyze grammar]

vidrumabhrūyugāvetau navanītastanānvitau |
kṣaumapucchau kāṃsyadohāvindranīlakatārakau || 21 ||
[Analyze grammar]

suvarṇaśṛṅgābharaṇau rajatakṣurasaṃyutau |
nānāphalamayā dantā gandhaghrāṇaprakalpitau || 22 ||
[Analyze grammar]

racayitvā yajeddhenumimairmantrairdvijottama |
yā lakṣmīḥ sarvabhūtānāṃ yā ca deveṣvavasthitā || 23 ||
[Analyze grammar]

dhenurūpeṇa sā devī mama śāntiṃ prayacchatu |
dehasthā yā ca rudrāṇī śaṅkarasya sadā priyā || 24 ||
[Analyze grammar]

dhenurūpeṇa sā devī mama pāpaṃ vyapohatu |
viṣṇuvakṣasi yā lakṣmīḥ svāhā yā ca vibhāvasoḥ || 25 ||
[Analyze grammar]

candrārkaṛkṣaśaktiryā dhenurūpāstu sā śriye |
caturmukhasya yā lakṣmīryā lakṣmīrdhanadasya ca || 26 ||
[Analyze grammar]

lakṣmīryā lokapālānāṃ sa dhenurvaradāstu me |
svadhā tvaṃ pitṛmukhyānāṃ svāhā yajñabhujāṃ yataḥ || 27 ||
[Analyze grammar]

sarvapāpaharā dhenustasmācchāntiṃ prayaccha me |
evamāmantritāṃ dhenuṃ brāhmaṇāya nivedayet || 28 ||
[Analyze grammar]

samānaṃ sarvadhenūnāṃ vidhānaṃ caitadeva hi |
sarvayajñaphalaṃ prāpya nirmalo bhuktimuktibhāk || 29 ||
[Analyze grammar]

svarṇaśṛṅgo śaphai raupyaiḥ suśīlā vastrasaṃyutā |
kāṃsyopadohā dātavyā kṣīriṇī gauḥ sadakṣiṇā || 30 ||
[Analyze grammar]

dātāsyāḥ svargamāpnoti vatsarān somasammitān |
kapilā cettārayati bhūyaścāsaptamaṃ kulaṃ || 31 ||
[Analyze grammar]

svarṇaśṛṅgīṃ raupyakhurāṃ kāṃsyadohanakānvitāṃ |
śaktito dakṣiṇāyuktāṃ dattvā syādbhuktimuktibhāk || 32 ||
[Analyze grammar]

savatsaromatulyāni yugānyubhayatomukhīṃ |
dattvā svargamavāpnoti pūrveṇa vidhinā dadet || 33 ||
[Analyze grammar]

āsannamṛtyunā deyā savatsā gaustu pūrvavat |
yamadvāre mahāvīre taptā vaitaraṇī nadī || 34 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 210

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!