Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

Chapter 167

[English text for this chapter is available]

ayutalakṣakoṭihomāḥ |
agniruvāca |
śrīśāntivijayādyarthaṃ grahayajñaṃ punarvade |
grahayajño'yutahomalakṣakoṭyātmakastridhā || 1 ||
[Analyze grammar]

vederaiśe hyagnikuṇḍādgrahānāvāhya maṇḍale |
saumye gururbudhaścaiśe śukraḥ pūrvadale śaśī || 2 ||
[Analyze grammar]

āgneye dakṣiṇe bhaumo madhye syādbhāskarastathā |
śanirāpye'tha nairṛtye rāhuḥ ketuśca vāyave || 3 ||
[Analyze grammar]

īśaścomā guho viṣṇurbrahmendrau yamakālakau |
citraguptaścādhidevā agnirāpaḥ kṣitirhariḥ || 4 ||
[Analyze grammar]

indra aindrī devatā ca prajeśo'hirvidhiḥ kramāt |
ete pratyadhidevāśca gaṇeśo durgayānilaḥ || 5 ||
[Analyze grammar]

khamaśvinau ca sampūjya yajedvījaiśca vedajaiḥ |
arkaḥ palāśaḥ khadiro hyapāmārgaśca pippalaḥ || 6 ||
[Analyze grammar]

udumbaraḥ śamī durvā kuśāśca samidhaḥ kramāt |
madhvājyadadhisaṃmiśrā hotavyāścāṣṭadhā śatam || 7 ||
[Analyze grammar]

ekāṣṭaśaturaḥ kumbhān pūrya pūrṇāhutintathā |
vasordhārāntato dadyāddakṣiṇāñca tato dadet || 8 ||
[Analyze grammar]

yajamānaṃ caturbhistairabhiṣiñcetsamantrakaiḥ |
surāstvāmabhiṣiñcantu brahmaviṣṇumaheśvarāḥ || 9 ||
[Analyze grammar]

vāsudevo jagannāthastathā saṅkarṣaṇaḥ prabhuḥ |
pradyumnaścāniruddhaśca bhavantu vijayāya te || 10 ||
[Analyze grammar]

ākhaṇḍalo'gnirbhagavān yamo vai nairṛtastathā |
varuṇaḥ pavanaścaiva dhanādhyakṣastathā śivaḥ || 11 ||
[Analyze grammar]

brahmaṇā sahitaḥ śeṣo dikpālāḥ pāntu vaḥ sadā |
kīrtirlakṣmīrdhṛtirmedhā puṣṭiḥ śraddhā kriyā matiḥ || 12 ||
[Analyze grammar]

buddhirlajjā vapuḥ śāntistuṣṭiḥ kāntiśca mātaraḥ |
etāstvāmabhiṣiñcantu dharmapatnyāḥ samāgatāḥ || 13 ||
[Analyze grammar]

ādityaścandramā bhaumo budhajīvaśitārkajāḥ |
grahāstvāmabhiṣiñcantu rāhuḥ ketuśca tarpitāḥ || 14 ||
[Analyze grammar]

devadānavagandharvā yakṣarākṣasapannagāḥ |
ṛṣayo manavo gāvo devamātara eva ca || 15 ||
[Analyze grammar]

devapatnyo drumā nāgā daityāścāpsarasāṅgaṇāḥ |
astrāṇi sarvaśāstrāṇi rājāno vāhanāni ca || 16 ||
[Analyze grammar]

auṣadhāni ca ratnāni kālasyāvayavāśca ye |
saritaḥ sāgarāḥ śailāstīrthāni jaladā nadāḥ || 17 ||
[Analyze grammar]

ete tvāmabhiṣiñcantu sarvakāmārthasiddhaye |
alaṅkṛtastato dadyāddhemagonnabhuvādikaṃ || 18 ||
[Analyze grammar]

kapile sarvadevānāṃ pūjanīyāsi rohiṇi |
tīrthadevamayī yasmādataḥśāntiṃ prayaccha me || 19 ||
[Analyze grammar]

puṇyastvaṃ śaṅkha puṇyānāṃ maṅgalānāñca maṅgalaṃ |
viṣṇunā vidhṛto nityamataḥ śāntiṃ prayaccha me || 20 ||
[Analyze grammar]

dharma tvaṃ vṛṣarūpeṇa jagadānandakārakaḥ |
aṣṭamūrteradhiṣṭānamataḥ śāntiṃ prayaccha me || 21 ||
[Analyze grammar]

hiraṇyagarbhagarbhasthaṃ hemavījaṃ vibhāvasoḥ |
anantapuṇyaphaladamataḥ śāntiṃ prayaccha me || 22 ||
[Analyze grammar]

pītavastrayugaṃ yasmādvāsudevasya vallabhaṃ |
pradānāttasya vai viṣṇurataḥ śāntiṃ prayaccha me || 23 ||
[Analyze grammar]

viṣṇustvaṃ matsyarūpeṇa yasmādamṛtasambhavaḥ |
candrārkavāhano nityamataḥ śāntiṃ prayaccha me || 24 ||
[Analyze grammar]

yasmāttvaṃ pṛthivī sarvā dhenuḥ keśavasannibhā |
sarvapāpaharā nityamataḥ śāntiṃ prayaccha me || 25 ||
[Analyze grammar]

yasmādāyasakarmāṇi tavādhīnāni sarvadā |
lāṅgalādyāyudhādīni ataḥ śāntiṃ prayaccha me || 26 ||
[Analyze grammar]

yasmāttvaṃ ssarvayajñānāmaṅgatvena vyavasthitaḥ |
yonirvibhāvasornityamataḥ śāntiṃ prayaccha me || 27 ||
[Analyze grammar]

gavāmaṅgeṣu tiṣṭhanti bhuvanāni caturdaśa |
yasmāttasmācchivaṃ me syādiha loke paratra ca || 28 ||
[Analyze grammar]

yasmādaśūnyaṃ śayanaṃ keśavasya śivasya ca |
śayyā mamāpyaśūnyāstu dattā janmani janmani || 29 ||
[Analyze grammar]

yathā ratneṣu sarveṣu sarve devāḥ pratiṣṭhitāḥ |
tathā śāntiṃ prayacchantu ratnadānena me surāḥ || 30 ||
[Analyze grammar]

yathā bhūmipradānasya kalāṃ nārhanti ṣoḍaśīṃ |
dānānyanyāni me śāntirbhūmidānādbhavatviha || 31 ||
[Analyze grammar]

grahayajño'yutahomo dakṣiṇābhī raṇe jitiḥ |
vivāhotsavayajñeṣu pratiṣṭhādiṣu karmaṣu || 32 ||
[Analyze grammar]

sarvakāmāptaye lakṣakoṭihomadvayaṃ mataṃ |
gṛhadeśe maṇḍape'tha ayute hastamātrakaṃ || 33 ||
[Analyze grammar]

mekhalāyonisaṃyuktaṃ kuṇḍañcatvāra ṛtvijaḥ |
svayameko'pi vā lakṣe sarvaṃ daśaguṇaṃ hi tat || 34 ||
[Analyze grammar]

caturhastaṃ dvihastaṃ vā tārkṣañcātrādhikaṃ yajet |
sāmadhvaniśīrastvaṃ vāhanaṃ pameṣṭhinaḥ || 35 ||
[Analyze grammar]

viṣayāpaharo nityamataḥ śāntiṃ prayaccha me |
pūrvavatkuṇḍamāmantrya lakṣahomaṃ samācaret || 36 ||
[Analyze grammar]

vasordhārāṃ tato dadyācchayyābhūṣādikaṃ dadet |
tatrāpi daśa cāṣṭau ca lakṣahome tathartvijaḥ || 37 ||
[Analyze grammar]

putrānnarājyavijayabhuktimuktyādi cāpnuyāt |
dakṣiṇābhiḥ phalenāsmācchatrughnaḥ koṭihomakaḥ || 38 ||
[Analyze grammar]

caturhastaṃ cāṣṭahastaṃ kuṇḍandvādaśa ca dvijāḥ |
pañcaviṃśaṃ ṣoḍaśaṃ vā paṭe dvāre catuṣṭayaṃ || 39 ||
[Analyze grammar]

koṭihomī sarvakāmī viṣṇulokaṃ sa gacchati |
homastu grahamantrairvā gāyatryā vaiṣṇavairapi || 40 ||
[Analyze grammar]

jātavedomukhaiḥ śaivaiḥ vaidikaiḥ prathitairapi |
tilairyavairghṛtairaśvamedhaphalādibhāk || 41 ||
[Analyze grammar]

vidveṣaṇābhicāreṣu trikoṇaṃ kuṇḍamiṣyate |
samidho vāmahastena śyenāsthyanalasaṃyutāḥ || 42 ||
[Analyze grammar]

raktabhūṣairmuktakeśairdhyāyadbhiraśivaṃ ripoḥ |
durmitriyāstasmai santu yo dveṣṭi huṃ phaḍiti ca || 43 ||
[Analyze grammar]

chindyātkṣureṇa pratimāṃ piṣṭarūpaṃ ripuṃ hanet |
yajedekaṃ pīḍakaṃ vā yaḥ sa kṛtvā divaṃ vrajet || 44 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 167

Cover of edition (1987)

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!
Cover of edition (2007)

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!
Cover of edition (2023)

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!
Cover of edition (2006)

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!
Cover of edition (2013)

The Agni Purana (Hindi)
by (2013)

Publisher: Gita Press, Gorakhpur; Title: अग्निपुराण (केवल हिन्दी अनुवाद); ISBN-10: 8129302934; ISBN-13: 9788129302939; 848 pages.

Buy now!
Cover of edition (2013)

Agni Purana (Kannada)
by Sreedharananda (2013)

Publisher: Pooja Pusthaka Bhandara, Bangalore; Title: ಅಗ್ನಿ ಪುರಾಣ; 560 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: