Agni Purana [sanskrit]

97,288 words

This Sanskrit edition of the Agnipurana. It is one of the traditional eighteen Mahapuranas presented as an encyclopedia of ancient Indian history and knowledge. It contains either 382 or 383 chapters and over 10.000 verses (Sanskrit Shlokas).

[English text for this chapter is available]

bhagavānuvāca |
hareḥ sānnidhyakaraṇamadhivāsanamucyate |
sarvvajñaṃ sarvagaṃ dhyātvā ātmānaṃ puruṣottamam || 1 ||
[Analyze grammar]

oṃkāreṇa samāyojya cicchaktimabhimāninīm |
niḥ sāryyātmaikatāṃ kṛtvāsvasmin sarvagate vibhau || 2 ||
[Analyze grammar]

yojayeḥ marutā pṛthvīṃ vahnibījena pīpayet |
saṃharedvāyunā cāgniṃ vāyumākāśato nayet || 3 ||
[Analyze grammar]

adhibhūtādidevaistu sādhyākhyaivibhavaiḥ |
saha | tanmātrapātrakān kṛtvā saṃharettat kramād budhaḥ || 4 ||
[Analyze grammar]

ākāśaṃ manasāhtya manohaṅkaraṇe kuru |
ahaṅkārañca mahati tañcāpyavyākṛte nayet || 5 ||
[Analyze grammar]

avyākṛtaṃ jñānarūpe vāsudevaḥ sa īritaḥ |
sa tāmavyākṛti māyāmavaṣṭabya sisṛkṣayā || 6 ||
[Analyze grammar]

saṅkarṣaṇaṃ sa śavdātmā sparśākhyamasṛjat prabhuḥ |
kṣobhya māyāṃ sa pradyumnaṃ tejorupaṃ sa cāsṛjat || 7 ||
[Analyze grammar]

aniruddhaṃ rasamātraṃ brahmāṇaṃ gandharūpakam |
aniruddhaḥ sa ca brahmā apa ādau sasarja caha || 8 ||
[Analyze grammar]

tasmin hiraṇmayañcāṇḍaṃ so'sṛjat pañcabhūtavad |
tasmin saṅkrāmite jīva śaktirātmopasaṃhṛtā || 9 ||
[Analyze grammar]

prāṇo jīvena saṃyukto vṛttimāniti śabdyate |
jīvo vyāhṛtisañjñastu prāṇeṣvādhyātmikaḥ smṛtaḥ || 10 ||
[Analyze grammar]

prāṇairyuktā tato buddhiḥ sañjātā cāṣṭamūrttikā |
ahaṅkārastato jajñe manastasmādajāyata || 11 ||
[Analyze grammar]

arthāḥ prajajñire pañca saṅkalpādiyutāstataḥ |
śabdaḥ sparśaśca rūpañca raso gandha iti smṛtāḥ || 12 ||
[Analyze grammar]

jñānaśaktiyutānyetairārabdhānīndriyāṇi tu |
tvakśrotraghrāṇacakṣūṃṣi jihvābuddhīndriyāṇi tu || 13 ||
[Analyze grammar]

pādau pāyustathā pāṇī vāgupasthaśca pañcamaḥ |
karmmendriyāṇi caitāni pañcabhūtānyataḥ śrṛṇu || 14 ||
[Analyze grammar]

ākāśavāyutejāṃsi salilaṃ pṛthivī tathā |
sthūlamebhiḥ śarīrantu sarvādhāraṃ prajāyate || 15 ||
[Analyze grammar]

prāṇatattvaṃ bhakārantu jīvopādhigataṃ nyaset |
hṛdayasthaṃ bakārantu buddhitattvaṃ nyased budhaḥ || 16 ||
[Analyze grammar]

phakāramapi tatraiva ahaṅkāramayaṃ nyaset |
manastattvaṃ pakārantu nyasetsaṅkalpasambhavam || 18 ||
[Analyze grammar]

śabdatanmātratattvantu nakāraṃ mastake nyaset |
sparśātmakaṃ dhakārantu vaktradeśe tu vinyaset || 19 ||
[Analyze grammar]

dakāraṃ rūpatattvantu hṛddeśe viniveśayet |
thakāraṃ vastideśe tu rasatanmātrakaṃ nyaset || 20 ||
[Analyze grammar]

takāraṃ gandhatanmātraṃ jaṅghayorvviniveśayet |
ṇakāraṃ śrotrayornnyasya ḍhakāraṃ vinyasettvaci || 21 ||
[Analyze grammar]

ḍakāraṃ netrayugme tu rasanāyāṃ ṭhakārakam |
ṭakāraṃ nāsikāyāntu ñakāraṃ vāci vinyaset || 22 ||
[Analyze grammar]

jhakāraṃ karayornnyasya pāṇitattvaṃ vicakṣaṇaḥ |
jakāraṃ padayornnyasya chaṃ pāyau camupasthake || 23 ||
[Analyze grammar]

vinyaset pṛthivītattvaṃ ṅakāraṃ pādayugmake |
vastau ghakāraṃ gaṃ tattvaṃ taijasaṃ hṛdi vinyaset || 24 ||
[Analyze grammar]

khakāraṃ vāyutattvañca nāsikāyāṃ niveśayet |
kakāraṃ vinyasennityaṃ khatattvaṃ mastake budhaḥ || 25 ||
[Analyze grammar]

hṛtpuṇḍarīke vinyasya yakāraṃ sūryyadaivatam |
dvāsaptatisahastrāṇi hṛdayādabhiniḥ sṛtāḥ || 26 ||
[Analyze grammar]

kalāṣoḍaśasaṃyukta makāraṃ tatra vinyaset |
tanmadhye cintayenmantrī binduṃ vahnestu maṇḍalam || 27 ||
[Analyze grammar]

hakāraṃ vinyasettatra praṇavena surottamaḥ |
oṃ āṃ parameṣṭhyātmane āṃ namaḥ puruṣātmane || 28 ||
[Analyze grammar]

oṃ vāṃ manonivṛttyātmane nāñca viśvātmane namaḥ |
oṃ vā namaḥ sarvātmane ityuktāḥ pañca śaktayaḥ || 29 ||
[Analyze grammar]

sthāne tu prathamā yojyā dvitīyā āsane matā |
tṛtīyā śayane tadvaccaturthī pānakarmmaṇi || 30 ||
[Analyze grammar]

gratyarccāyāṃ pañcamī syātpañcopaniṣadaḥ smṛtāḥ |
huṅkāraṃ vinyasenmadhye dhyātvā mantramayaṃ harim || 31 ||
[Analyze grammar]

yāṃ mūrti sthāpayettasmāt mūlamantraṃ nyasettataḥ |
oṃ namoṃ bhagavate vāsudevāya mūlakam || 32 ||
[Analyze grammar]

śiroghrāṇalalāṭeṣu mukhakaṇṭhahṛdi kramāt |
bhujayorjaṅghayoraṅghryoḥ keśavaṃ śirasi nyaset || 33 ||
[Analyze grammar]

nārāyaṇaṃ nyasedvaktre grīvāyāṃ mādhavaṃ nyaset |
govindaṃ bhujayornyasya viṣṇu ca hṛdeye nyaset || 34 ||
[Analyze grammar]

madhusūdanakaṃ pṛṣṭhe vāmanaṃ jaṭhare nyaset |
kaṭyāntrivikramaṃ nyasya jaṅghāyāṃ śrīdharaṃ nyaset || 35 ||
[Analyze grammar]

hṛṣīkeśaṃ dakṣiṇāyāṃ padmanābhaṃ tu gulphake |
dāmodaraṃ pādayośca hṛdayādiṣaḍaṅgakam || 36 ||
[Analyze grammar]

etat sādhāraṇaṃ proktamādimūrttestu sattama |
athavā yasya devasya prārabdhaṃ sthāpanaṃ bhavet || 37 ||
[Analyze grammar]

tasyaiva mūlamantreṇa sajīvakaraṇaṃ bhavet |
yasyā mūrttestu yannāma tasyādyaṃ cākṣaraṃ ca yat || 38 ||
[Analyze grammar]

tat svarairdvādaśairbhedyaṃ hyaṅgāni parikalpayet |
hṛdayādīni deveśa mūlañca daśamākṣaram || 39 ||
[Analyze grammar]

yathā deve tathā dehe tattvāni viniyojayet |
cakrāvjamaṇḍale viṣṇuṃ yajedgandhādinā tathā || 40 ||
[Analyze grammar]

pūrvvavaccāsanaṃ dhyāyetsagātraṃ saparicchadam |
śubhañcakraṃ dvādaśāraṃ hyapariṣṭādvicintayet || 41 ||
[Analyze grammar]

trinābhicakraṃ dvinemi kharaistacca samanvitam |
pṛṣṭhadeśe tataḥ prājñaḥ prakṛtyādīnniveśayet || 42 ||
[Analyze grammar]

pūjayedārakāgreṣu sūryyaṃ dvādaśadhā punaḥ |
kalāṣoḍaśasaṃyuktaṃ somantatra vicintayet || 43 ||
[Analyze grammar]

sabalaṃ tritayaṃ nābhau cintayeddeśikottamaḥ |
padmāñca dvādaśadalaṃ padmamadhye vicintayet || 44 ||
[Analyze grammar]

tanmadhye pauruṣīṃ śakti dhyātvābhyarcya ca deśikaḥ |
pratimāyāṃ hari nyasya tatra taṃ pūjayet surān || 45 ||
[Analyze grammar]

gandhapuṣpādibhiḥ samyak sāṅgaṃ sāvaraṇaṃ kramāt |
dvādaśākṣaravījaistu keśavādīn samarccayet || 46 ||
[Analyze grammar]

dvādaśāre maṇḍale tu lokapālādikaṃ kramāt |
pratimāmarccayet paścādgandhapuṣpādibhirdvijaḥ || 47 ||
[Analyze grammar]

pauruṣeṇa tu sūktena śriyā sūktena piṇḍikām |
jananādikramāt pañcājjanayedvaiṣṇavānalam || 48 ||
[Analyze grammar]

hutvāgniṃ vaiṣṇavairmmantraiḥ kuryyācchāntyudakaṃ budhaḥ |
tat siktvā pratimāmūdrdhni vahnipraṇayanaṃ caret || 49 ||
[Analyze grammar]

dakṣiṇegniṃ hutamiti kuṇḍegniṃ praṇayed budhaḥ |
agnimagnīti pūrve tu kuṇḍegniṃ praṇayedbudhaḥ || 50 ||
[Analyze grammar]

uttare praṇayedagnimagnimagnī havāmahe |
agnipraṇayane mantrastvamagne hyagrirucyate || 51 ||
[Analyze grammar]

palāśasamidhānāntu aṣṭottarasahasrakam |
kuṇḍe kuṇḍe homayecca vrīhīn vedādikaistathā || 52 ||
[Analyze grammar]

sājyāṃstilān vyāhṛtibhirmūlamantreṇa vai ghṛtam |
kuryyāttataḥ śāntihomaṃ madhuratritayena ca || 53 ||
[Analyze grammar]

dvādaśārṇaiḥ spṛśet pādau nābhiṃ hṛnmastakaṃ tataḥ |
ghṛtaṃ dadhi payo hutvā spṛśenmūrddhanyatho tataḥ || 54 ||
[Analyze grammar]

spṛṣṭvā śironābhipādāṃścatasraḥ sthāpayennadīḥ |
gaṅgā ca yamunā godā kramānnāmnā sarasvatī || 55 ||
[Analyze grammar]

dahettu viṣṇugāyatryā gāyatrayā śrapayeccarum |
homayecca baliṃ dadyāduttare bhojayed dvijān || 56 ||
[Analyze grammar]

sāmādhipānāṃ tuṣṭyarthaṃ hema gāṃ gurave dadet |
dikapatibhyo baliṃ dattvā rātrau kuryyācca jāgaram || 57 ||
[Analyze grammar]

brahmagītādiśabdena sarvabhāgadhivāsanāt || 58 ||
[Analyze grammar]

Other editions:

Also see the following editions of the Sanskrit text or (alternative) English translations of the Chapter 59

Cover of edition (1987)

The Agni Puranam (Anandashram Edition)
by Shri Chimna Apate (श्री चिमणा आपटे) (1987)

Publisher: Anandashram, Pune; 633 pages; Title: अग्निपुराणम्;

Buy now!
Cover of edition (2007)

Agni Purana with Hindi Translation
by Tarinish Jha and Dr. Ghanshayam Tripathi (तारिणीश् झा और डॉ. घनश्याम त्रिपाठी) (2007)

Publisher: Hindi Sahitya Sammelan, Allahabad; 1199 pages; Title: अग्निपुराणम् (संस्कृत एवं हिन्दी अनुवाद);

Buy now!
Cover of edition (2023)

Agni Purana (Two Volumes)
by M. N. Dutt (2023)

Publisher: Parimal Publication Pvt. Ltd.; Editor: K. L. Joshi.; ISBN-10: 8171101690; ISBN-13: 9788171101696; 1070 pages.

Buy now!
Cover of edition (2006)

Agni-Purana (Set of 4 Volumes)
by N. Gangadharan (2006)

Publisher: Motilal Banarsidass Publishers Pvt. Ltd.; ISBN: Part I 8120803590 (9788120803596); Part II 8120803604 (‎9788120803602); Part III 8120801741 (9788120801745); Part IV 812080306X (9788120803060); 1271 pages.

Buy now!
Cover of edition (2013)

The Agni Purana (Hindi)
by (2013)

Publisher: Gita Press, Gorakhpur; Title: अग्निपुराण (केवल हिन्दी अनुवाद); ISBN-10: 8129302934; ISBN-13: 9788129302939; 848 pages.

Buy now!
Cover of edition (2013)

Agni Purana (Kannada)
by Sreedharananda (2013)

Publisher: Pooja Pusthaka Bhandara, Bangalore; Title: ಅಗ್ನಿ ಪುರಾಣ; 560 pages.

Buy now!
Let's grow together!

I humbly request your help to keep doing what I do best: provide the world with unbiased sources, definitions and images. Your donation direclty influences the quality and quantity of knowledge, wisdom and spiritual insight the world is exposed to.

Let's make the world a better place together!

Like what you read? Consider supporting this website: